ರಾಹುಲ್ ಗಾಂಧಿ ಮಾನಸಿಕ ಸ್ಥಿಮಿತ ಕಳೆದುಕೊಂಡಿದ್ದಾರೆ, ತಕ್ಷಣ ಚಿಕಿತ್ಸೆ ಕೊಡಿಸಿ!; ಮೋದಿ ವಿದೇಶಾಂಗ ನೀತಿ ಲೇವಡಿಗೆ ಬಿಜೆಪಿ ಕಿಡಿ..BJP

ನವದೆಹಲಿ: ರಾಹುಲ್ ಗಾಂಧಿ ಮಾನಸಿಕವಾಗಿ ಫ್ರಸ್ಟ್ರೇಟ್ ಆಗಿದ್ದಾರೆ ಸೋನಿಯಾ ಗಾಂಧಿ ಅವರು ರಾಹುಲ್‌ಗೆ ಕೂಡಲೇ ಸೂಕ್ತ ಚಿಕಿತ್ಸೆ ಅಥವಾ ಸಹಾಯ ಕೊಡಿಸಬೇಕು ಎಂದು ಕೇಂದ್ರ ಸಚಿವ ಗಿರಿರಾಜ್ ಸಿಂಗ್  ಸೇರಿದಂತೆ ಬಿಜೆಪಿ ನಾಯಕರು ರಾಹುಲ್​ ಗಾಂಧಿ ವಿರುದ್ಧ ಕಿಡಿಕಾರಿದ್ದಾರೆ

ಪ್ರಧಾನಿ ಮೋದಿಯವರ ವಿದೇಶಾಂಗ ನೀತಿ ಕೇವಲ ವಿದೇಶಿ ನಾಯಕರುಗಳನ್ನು ಅಪ್ಪಿಕೊಳ್ಳುವುದಕ್ಕೆ ಮಾತ್ರ ಸೀಮಿತವಾಗಿದೆ ಎಂದು 

ಲೋಕಸಭೆ ವಿಪಕ್ಷ ನಾಯಕ ರಾಹುಲ್​ ಗಾಂಧಿ

 ಲೇವಡಿ ಮಾಡಿದರು. ಇದನ್ನು ವೇದಿಕೆಯಲ್ಲಿ ಪ್ರದರ್ಶಿಸಲು ಕಾಂಗ್ರೆಸ್ ನಾಯಕ ಸಂದೀಪ್ ದೀಕ್ಷಿತ್ ಅವರನ್ನು ಅಪ್ಪಿಕೊಂಡರು. 

ಮುಂದುವರೆದು, ನೀವು ಇಟಲಿ ಪ್ರಧಾನಿ ಎಂದು ಭಾವಿಸಿ ನನ್ನನ್ನು ಅಪ್ಪಿಕೊಳ್ಳುತ್ತಿಲ್ಲವಲ್ಲ ಎಂದು ಜಾರ್ಜಿಯಾ ಮೆಲೋನಿ ಅವರ ಹೆಸರನ್ನು ಪ್ರಸ್ತಾಪಿಸಿದ್ದು ಮತ್ತಷ್ಟು ವಿವಾದಕ್ಕೆ ಕಾರಣವಾಯಿತು. ಇದರೊಂದಿಗೆ ಬಿಜೆಪಿ-ಆರ್‌ಎಸ್‌ಎಸ್‌, 

ಭಾರತವನ್ನು ಅರ್ಥಮಾಡಿಕೊಳ್ಳದ ಜೋಕರ್‌ಗಳ ಗುಂಪು ಎಂದು 

ರಾಹುಲ್ ಗಾಂಧಿ ಲೇವಡಿ ಮಾಡಿರುವುದು ಬಿಜೆಪಿ ನಾಯಕರ ಕೆಂಗಣ್ಣಿಗೆ ಕಾರಣವಾಗಿದೆ.

ರಾಹುಲ್​ ಗಾಂಧಿ ಅವರ ಈ ವರ್ತನೆಯ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಲೇ,  ಬಿಜೆಪಿ ನಾಯಕರು ಕಿಡಿಕಾರಿದ್ದಾರೆ. ಪ್ರಹ್ಲಾದ್ ಜೋಶಿ, ಗಿರಿರಾಜ್ ಸಿಂಗ್, ಬಾನ್ಸುರಿ ಸ್ವರಾಜ್ ಮತ್ತು ಸುಕಾಂತ ಮಜುಮ್ದಾರ್ ಭಾರಿ ಆಕ್ರೋಶ ವ್ಯಕ್ತಪಡಿಸಿ, ಅವರ ಈ ವರ್ತನೆಯನ್ನು ತೀವ್ರವಾಗಿ ಖಂಡಿಸಿದರು.

'ರಾಹುಲ್​ ಗಾಂಧಿಯವರೇ ನೀವು ಎಂದು ದೊಡ್ಡವರಾಗುತ್ತೀರಿ. ದೇಶದ ಅಭಿವೃದ್ಧಿಗೆ ಪ್ರಬುದ್ಧವಾದ ನಾಯಕತ್ವ ಬೇಕು. ಅಪ್ರಬುದ್ಧ ನಾಟಕಗಳಿಂದ ಸಾಧ್ಯವಾಗೋದಿಲ್ಲ. ಪ್ರಜಾಸತ್ತಾತ್ಮಕವಾಗಿ ಆಯ್ಕೆಯಾದ ಸರ್ಕಾರವನ್ನು ಜೋಕರ್‌ಗಳು ಎಂದು ಕರೆಯುವುದು, ನೀವು ರಾಜಕೀಯವಾಗಿ ಎಷ್ಟು ಕುಸಿದಿದ್ದೀರಿ ಎನ್ನುವುದನ್ನು ತೋರಿಸುತ್ತದೆ' ಎಂದು ಲೋಕಸಭೆ ವಿಪಕ್ಷ ನಾಯಕ ರಾಹುಲ್​ ಗಾಂಧಿ ವಿರುದ್ಧ  ಕೇಂದ್ರ ಶಿಕ್ಷಣ ಸಚಿವ ಪ್ರಹ್ಲಾದ್​ ಜೋಶಿ ಕಿಡಿಕಾರಿದರು.

"ಪ್ರಧಾನಿಯವರು ಚುನಾಯಿತ ನಾಯಕರು. ರಾಹುಲ್ ಗಾಂಧಿಯಂತೆ ಕುಟುಂಬದ ಸಹಾಯದಿಂದ ರಾಜಕೀಯಕ್ಕೆ ಎಂಟ್ರಿಯಾಗಿಲ್ಲ.  ವಂಶಪಾರಂಪರ್ಯ ಅಥವಾ ರಾಜವಂಶದ ರಾಜಕಾರಣದಿಂದ ಈ ಮಟ್ಟಕ್ಕೆ ಅವರು ಬೆಳೆದಿಲ್ಲ. ರಾಹುಲ್​ ಗಾಂಧಿಯವರು ಬಳಕೆ ಮಾಡುತ್ತಿರುವ ಪದಗಳು, ಇಳಿದಿರುವ ಮಟ್ಟ ನೋಡಿದರೆ ಮೂರ್ಖತನ ಮತ್ತು ಹತಾಶೆಯನ್ನು ಪ್ರತಿಬಿಂಬಿಸುತ್ತದೆ. ಪ್ರಧಾನಿಯವರನ್ನು ಅವಮಾನಿಸುವುದರ ಮೂಲಕ ರಾಹುಲ್​ ಗಾಂಧಿಯವರು ಭಾರತದ ಜನರಿಗೆ ಅಪಮಾನ ಮಾಡಿದ್ದಾರೆ ಎಂದು ಕೇಂದ್ರ ಸಚಿವ ಪ್ರಹ್ಲಾದ್​ ಜೋಶಿ ಕಿಡಿಕಾರಿದರು. 

ನಾಯಕನ ಸ್ಥಾನಕ್ಕೆ ತಕ್ಕುದಲ್ಲದ ಅಸಂಸ್ಕೃತ, ಅಶಿಸ್ತಿನ ಮತ್ತು ಅನುಚಿತ ಭಾಷೆಯನ್ನು ರಾಹುಲ್ ಗಾಂಧಿ ಬಳಸಿದ್ದಾರೆ. ಸೋಶಿಯಲ್ ಮೀಡಿಯಾ ರೀಲ್ಸ್‌ಗಳಿಗಾಗಿ ಅಗ್ಗದ ರಾಜಕಾರಣ ಮಾಡುವುದನ್ನು ಬಿಟ್ಟು ರಚನಾತ್ಮಕ ವಿಪಕ್ಷವಾಗಿ ಕಾರ್ಯನಿರ್ವಹಿಸಬೇಕು ಎಂದು ಬಿಜೆಪಿ ಸಂಸದೆ ಬಾನ್ಸುರಿ ಸ್ವರಾಜ್ ಹೇಳಿದರು. 

ಪ್ರಧಾನಿ ನರೇಂದ್ರ ಮೋದಿ ಹಾಗೂ ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರನ್ನು ಗುರಿಯಾಗಿಸಿ ಅಸಭ್ಯ ಜೋಕ್‌ಗಳನ್ನು ಮಾಡಿರುವುದು ಸಾರ್ವಜನಿಕ ರಾಜಕಾರಣದಲ್ಲಿ ಅತ್ಯಂತ ಕೆಳಮಟ್ಟದ ನಡವಳಿಕೆಯಾಗಿದೆ ಎಂದು ಕೇಂದ್ರ ಸಚಿವ ಸುಕಾಂತ ಮಜುಮ್ದಾರ್ ಕಟುವಾಗಿ ಟೀಕಿಸಿದರು, (ಏಜೆನ್ಸೀಸ್).