ಹಕ್ಕಿಗಳ ಗೂಡಿನಿಂದ ಹಾವಿನ ಪೊರೆ ತೆಗೆದಾಗ ಏನಾಯ್ತು? ವಿಜ್ಞಾನಿಗಳು ನಡೆಸಿದ ಸಂಶೋಧನೆಯ ಶಾಕಿಂಗ್ ರಿಸಲ್ಟ್ ಇಲ್ಲಿದೆ...Birds Nest

Birds Nest : ಸಾಮಾನ್ಯವಾಗಿ ಪಕ್ಷಿಗಳು ತಮ್ಮ ಗೂಡುಗಳನ್ನು ಕಟ್ಟಲು ಒಣ ಹುಲ್ಲು, ಸಣ್ಣ ಕಡ್ಡಿಗಳು ಮತ್ತು ಮೃದುವಾದ ಹತ್ತಿಯಂತಹ ವಸ್ತುಗಳನ್ನು ಬಳಸುತ್ತವೆ. ಆದರೆ, ಕೆಲವು ಪಕ್ಷಿಗಳು ಇದಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ ತಮ್ಮ ಗೂಡುಗಳಲ್ಲಿ ಹಾವಿನ ಚರ್ಮವನ್ನು ತಂದು ಇಡುತ್ತವೆ. ಇದು ನೋಡಲು ಸ್ವಲ್ಪ ವಿಚಿತ್ರ ಮತ್ತು ಭಯಾನಕವಾಗಿ ಕಂಡರೂ, ಇದರ ಹಿಂದೆ ಪಕ್ಷಿಗಳ ಅದ್ಭುತ ಬುದ್ಧಿವಂತಿಕೆಯನ್ನು ಸಾಬೀತುಪಡಿಸುವ ಒಂದು ರೋಚಕ ವೈಜ್ಞಾನಿಕ ಕಾರಣ ಅಡಗಿದೆ. ಪಕ್ಷಿಗಳ ಈ ವಿಶೇಷ ಜಾಣ್ಮೆಯ ಹಿಂದಿನ ಅಸಲಿ ಸತ್ಯವೇನು ಎಂಬುದನ್ನು ಈ ವಿಶೇಷ ಲೇಖನದಲ್ಲಿ ತಿಳಿದುಕೊಳ್ಳೋಣ.

ಪಕ್ಷಿಗಳು ತಮ್ಮ ಗೂಡುಗಳಲ್ಲಿ ಹಾವಿನ ಚರ್ಮವನ್ನು ಇಡುವುದರ ಹಿಂದಿನ ಪ್ರಮುಖ ಕಾರಣ ಏನೆಂದರೆ, ಅವುಗಳು 'ಸುರಕ್ಷತೆ'. ಗುಬ್ಬಚ್ಚಿಗಳು, ಫ್ಲೈಕ್ಯಾಚರ್‌ಗಳು ಮತ್ತು ಬ್ಲೂಬರ್ಡ್ಸ್‌ಗಳಂತಹ ಸಣ್ಣ ಸಣ್ಣ ಹಕ್ಕಿಗಳು ಮರಗಳ ಮೇಲೆ ಅಥವಾ ಸಣ್ಣ ಸಂದುಗಳಲ್ಲಿ ಗೂಡುಗಳನ್ನು ಕಟ್ಟುತ್ತವೆ, ಆದರೆ ಅಳಿಲುಗಳು, ಕಾಗೆಗಳು ಮತ್ತು ಇತರ ದೊಡ್ಡ ಪಕ್ಷಿಗಳು ಈ ಗೂಡುಗಳ ಮೇಲೆ ದಾಳಿ ಮಾಡಿ ಮೊಟ್ಟೆಗಳನ್ನು ಹಾಗೂ ಮರಿಗಳನ್ನು ತಿಂದುಹಾಕುತ್ತವೆ. ಈ ಅಪಾಯದಿಂದ ಬಚ್ಚಾವಾಗಲು ಹಕ್ಕಿಗಳು ತಮ್ಮ ಗೂಡಿನ ಒಳಗೆ ಅಥವಾ ಹೊರಗೆ ಹಾವಿನ ಚರ್ಮವನ್ನು ತಂದಿಡುತ್ತವೆ. ಗೂಡಿನ ಹತ್ತಿರ ಹಾವು ಇದೆ ಎಂದು ಭಾವಿಸಿ, ಮರಿಗಳನ್ನು ತಿನ್ನಲು ಬರುವ ವೈರಿಗಳು ಆ ಕಡೆ ಸುಳಿಯಲೂ ಧೈರ್ಯ ಮಾಡುವುದಿಲ್ಲ ಎಂಬುದು ಪಕ್ಷಿಗಳ ಈ ಅದ್ಭುತ ತಂತ್ರದ ಹಿಂದಿರುವ ರಹಸ್ಯವಾಗಿದೆ.

ಹಾವಿನ ಚರ್ಮ ಮಾತ್ರವಲ್ಲದೆ ಹಾವಿನ ಮಲವನ್ನು ಕೂಡ ಪಕ್ಷಿಗಳು ತಮ್ಮ ರಕ್ಷಣೆಗೆ ಬಳಸಿಕೊಳ್ಳುತ್ತವೆ. ಹಾವಿನ ಮಲವೂ ಒಂದು ವಿಶಿಷ್ಟವಾದ ವಾಸನೆಯನ್ನು ಹೊಂದಿರುತ್ತದೆ. ಹಕ್ಕಿಗಳ ಮೊಟ್ಟೆಗಳನ್ನು ಕದಿಯುವ ಕೆಲವು ಸಸ್ತನಿಗಳು ಮತ್ತು ಇತರ ಜೀವಿಗಳು ಈ ವಾಸನೆ ಇರುವುದನ್ನು ಪತ್ತೆಹಚ್ಚಿದ ತಕ್ಷಣ ಭಯದಿಂದ ಅಲ್ಲಿಂದ ಕಾಲ್ಕಿಳಿಯುತ್ತವೆ. ಪಕ್ಷಿಗಳು ಕೇವಲ ಕಣ್ಣಿಗೆ ಕಾಣುವ ಹಾವಿನ ಚರ್ಮದ ಮೂಲಕ ಮಾತ್ರವಲ್ಲದೆ, ಹಾವಿನ ಮಲದ ವಾಸನೆಯ ಮೂಲಕವೂ ತಮ್ಮ ವೈರಿಗಳನ್ನು ಎಷ್ಟು ಚಾಣಾಕ್ಷತನದಿಂದ ವಂಚಿಸಿ, ದಿಕ್ಕು ತಪ್ಪಿಸುತ್ತವೆ ಎಂಬುದಕ್ಕೆ ಇದು ಅತ್ಯುತ್ತಮ ಸಾಕ್ಷಿಯಾಗಿದೆ.

ಹಾವಿನ ಚರ್ಮವು ಅತ್ಯಂತ ಹಗುರ, ಮೃದು ಮತ್ತು ಸ್ಥಿತಿಸ್ಥಾಪಕತ್ವದಿಂದ ಕೂಡಿರುತ್ತದೆ, ಹಾಗಾಗಿ ಹಕ್ಕಿಗಳು ಇದನ್ನು ತಮ್ಮ ಗೂಡಿನ ಒಳಭಾಗದಲ್ಲಿ ಒಂದು ಬೆಡ್‌ಶೀಟ್ ತರಹ ಬಳಸುತ್ತವೆ. ಇದರಿಂದಾಗಿ ಗೂಡಿನ ಒಳಗಿನ ವಾತಾವರಣವು ಬೆಚ್ಚಗಾಗಿದ್ದು, ಮೊಟ್ಟೆಗಳು ಮತ್ತು ಮರಿಗಳಿಗೆ ಸಾಕಷ್ಟು ಆರಾಮದಾಯಕ ಅನುಭವ ಸಿಗುತ್ತದೆ. ಇದರೊಂದಿಗೆ, ಗೂಡನ್ನು ಕಟ್ಟುವಾಗ ಬಳಸಿರುವ ಇತರ ವಸ್ತುಗಳು ಜರುಗದಂತೆ ಒಂದೇ ಕಡೆ ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳಲು ಸಹ ಈ ಹಾವಿನ ಚರ್ಮವು ಹಕ್ಕಿಗಳಿಗೆ ಸಹಾಯ ಮಾಡುತ್ತದೆ.

ಪಕ್ಷಿಗಳು ತಮ್ಮ ಗೂಡುಗಳಲ್ಲಿ ಹಾವಿನ ಚರ್ಮವನ್ನು ತಂದಿಡುವ ಈ ವಿಶೇಷ ಅಭ್ಯಾಸವು ವಿಜ್ಞಾನಿಗಳ ಗಮನ ಸೆಳೆದಿದೆ. ಸಂಶೋಧನೆಗಾಗಿ ವಿಜ್ಞಾನಿಗಳು ಕೆಲವು ಹಕ್ಕಿಗಳ ಗೂಡುಗಳಿಂದ ಈ ಹಾವಿನ ಚರ್ಮದ ರಕ್ಷಣಾ ಕವಚವನ್ನು ತೆಗೆದುಹಾಕಿದಾಗ, ಅಂತಹ ಗೂಡುಗಳ ಮೇಲೆ ಅಳಿಲುಗಳು ಮತ್ತು ಇತರ ಪರಭಕ್ಷಕ ಪ್ರಾಣಿಗಳ ದಾಳಿಗಳು ಹಲವು ಪಟ್ಟು ಹೆಚ್ಚಾಗಿರುವುದು ಕಂಡುಬಂದಿದೆ. ಈ ಪ್ರಯೋಗದಿಂದ ಹಕ್ಕಿಗಳು ಆಕಸ್ಮಿಕವಾಗಿ ಹಾವಿನ ಚರ್ಮವನ್ನು ಗೂಡಿಗೆ ತರುತ್ತಿಲ್ಲ; ಬದಲಿಗೆ ಶತ್ರುಗಳಿಂದ ತಮ್ಮ ಮರಿಗಳನ್ನು ರಕ್ಷಿಸಲು ಉದ್ದೇಶಪೂರ್ವಕವಾಗಿಯೇ ಅದನ್ನು ಹುಡುಕಿ ತಂದು ಇಡುತ್ತವೆ ಎಂಬುದು ಸಾಬೀತಾಗಿದೆ, (ಏಜೆನ್ಸೀಸ್​).