ವಿಶ್ವದ ಅತ್ಯಂತ ವಿಷಕಾರಿ ಹಕ್ಕಿ ಯಾವುದು ಗೊತ್ತೇ! ಏನಿದರ ವಿಶೇಷತೆ? | Hooded Pitohui

ಹೌದು, ಹುಡೆಡ್ ಪಿಟೋಹುಯಿ (Hooded Pitohui) ಎಂಬ ಈ ಹಕ್ಕಿಯು ವಿಶ್ವದ ಅತ್ಯಂತ ವಿಷಕಾರಿ ಹಕ್ಕಿ ಎಂಬ ಖ್ಯಾತಿಗೆ ಪಾತ್ರವಾಗಿದೆ. ಇದರ ಗರಿ ಮತ್ತು ಚರ್ಮದಲ್ಲಿ ಬ್ಯಾಟ್ರಾಕೋಟಾಕ್ಸಿನ್ ಎಂಬ ಶಕ್ತಿಶಾಲಿ ನ್ಯೂರೋಟಾಕ್ಸಿನ್ ಇದ್ದು, ಸ್ಪರ್ಶಿಸಿದರೆ ಕಣ್ಣೀರು ಮತ್ತು ಪಾರ್ಶ್ವವಾಯುವಿನಂತಹ ಲಕ್ಷಣಗಳನ್ನು ಉಂಟುಮಾಡುತ್ತದೆ. ಹೆಚ್ಚಿನ ಪ್ರಮಾಣದಲ್ಲಿ ಇದು ಪ್ಯಾರಾಲಿಸಿಸ್ ಮತ್ತು ಮರಣಕ್ಕೂ ಕಾರಣವಾಗಬಲ್ಲದು ಎಂದು ತಜ್ಞರು ಹೇಳಿದ್ದಾರೆ.

1990ರಲ್ಲಿ ಅಮೆರಿಕದ ವಿಜ್ಞಾನಿ ಜ್ಯಾಕ್ ಡಂಬಾಚರ್ ಅವರು ಈ ಹಕ್ಕಿಯ ವಿಷಕಾರಿತ್ವವನ್ನು ಮೊದಲ ಬಾರಿಗೆ ವೈಜ್ಞಾನಿಕವಾಗಿ ದೃಢಪಡಿಸಿದರು. ಅವರು ಹಕ್ಕಿಯನ್ನು ಹಿಡಿದಾಗ ಗಾಯವಾದ ಬೆರಳನ್ನು ಬಾಯಿಗೆ ಒತ್ತಿದಾಗ ತೀವ್ರ ನೋವು ಮತ್ತು ತಿಂಗಳು ಅನುಭವಿಸಿದರು. ನಂತರದ ಸಂಶೋಧನೆಯಲ್ಲಿ ಈ ವಿಷ ದಕ್ಷಿಣ ಅಮೆರಿಕದ ಪಾಯಿಸನ್ ಡಾರ್ಟ್ ಕಪ್ಪೆಗಳಲ್ಲಿರುವ ಅದೇ ಬ್ಯಾಟ್ರಾಕೋಟಾಕ್ಸಿನ್ ಎಂಬುದು ತಿಳಿದುಬಂದಿತು.

ಈ ಹಕ್ಕಿ ತನ್ನ ವಿಷವನ್ನು ಸ್ವತಃ ಉತ್ಪಾದಿಸುವುದಿಲ್ಲ. ಬದಲಿಗೆ, ಆಹಾರವಾದ ಚೋರೆಸೈನ್ ಜಾತಿಯ ಜೀರುಂಡೆಗಳಿಂದ ಈ ವಿಷವನ್ನು ಸಂಗ್ರಹಿಸುತ್ತದೆ. ನ್ಯೂ ಗಿನಿಯಾ ಸ್ಥಳೀಯರು ಈ ಹಕ್ಕಿಯನ್ನು "ರಬಿಷ್ ಬರ್ಡ್" ಎಂದು ಕರೆಯುತ್ತಾರೆ ಮತ್ತು ತಿನ್ನುವುದನ್ನು ತಪ್ಪಿಸುತ್ತಾರೆ. ಇದರ ಕಿತ್ತಳೆ-ಕಪ್ಪು ಬಣ್ಣದ ಗರಿಗಳು ಮತ್ತು ತೀವ್ರ ವಾಸನೆಯು ಆಪೋಸೆಮ್ಯಾಟಿಕ್ ಸಿಗ್ನಲ್ ಆಗಿ ಕೆಲಸ ಮಾಡಿ, ಶತ್ರುಗಳನ್ನು ದೂರವಿಡುತ್ತವೆ.

ಹುಡೆಡ್ ಪಿಟೋಹುಯಿ ಜೊತೆಗೆ ವೇರಿಯಬಲ್ ಪಿಟೋಹುಯಿ ಮತ್ತು ಬ್ಲೂ-ಕ್ಯಾಪ್ಡ್ ಇಫ್ರಿಟಾ ಸಹ ನ್ಯೂ ಗಿನಿಯಾದಲ್ಲಿ ವಿಷಕಾರಿ ಹಕ್ಕಿಗಳು. ಆದರೆ, ಹುಡೆಡ್ ಪಿಟೋಹುಯಿಯೇ ಅತ್ಯಂತ ಶಕ್ತಿಶಾಲಿ. ಈ ಅಪರೂಪದ ಜೀವಿಯು ಪ್ರಕೃತಿಯ ರಕ್ಷಣಾ ತಂತ್ರಗಳ ಬಗ್ಗೆ ಹೊಸ ಒಳನೋಟ ನೀಡುತ್ತದೆ,(ಏಜೆನ್ಸೀಸ್​).