Bihar Elections | ಎನ್‌ಡಿಎ ಐತಿಹಾಸಿಕ ಗೆಲುವು; ಮಹಿಳೆಯರ ಸುರಕ್ಷತೆ, ಉತ್ತಮ ಆಡಳಿತಕ್ಕಾಗಿ ಸಿಕ್ಕ ವಿಜಯ ಎಂದ ಅಮಿತ್ ಷಾ

ಈ ಬಗ್ಗೆ ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿರುವ ಷಾ, ಬಿಹಾರದ ಜನರಿಗೆ, ವಿಶೇಷವಾಗಿ ನಮ್ಮ ತಾಯಂದಿರು ಮತ್ತು ಸಹೋದರಿಯರಿಗೆ, ನೀವು ಎನ್‌ಡಿಎಗೆ ನೀಡಿದ ಭರವಸೆ ಮತ್ತು ವಿಶ್ವಾಸದೊಂದಿಗೆ, ಮೋದಿಯವರ ನೇತೃತ್ವದಲ್ಲಿ, ಎನ್‌ಡಿಎ ಸರ್ಕಾರವು ಇನ್ನೂ ಹೆಚ್ಚಿನ ಸಮರ್ಪಣೆಯೊಂದಿಗೆ ಎಲ್ಲ ಸೇವೆಯನ್ನು ಪೂರೈಸುತ್ತದೆ ಎಂದು ನಾನು ಭರವಸೆ ನೀಡುತ್ತೇನೆ ಎಂದು ತಿಳಿಸಿದ್ದಾರೆ.

ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಎನ್‌ಡಿಎ 243 ಸ್ಥಾನಗಳಲ್ಲಿ 200 ಕ್ಕೂ ಹೆಚ್ಚು ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಬಿಜೆಪಿ ಸುಮಾರು ಶೇ. 95 ರಷ್ಟು ಸ್ಟ್ರೈಕ್ ರೇಟ್‌ನೊಂದಿಗೆ ಏಕೈಕ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದು, ಅತ್ಯಂತ ಸೂಕ್ಷ್ಮ ರಾಜಕೀಯ ರಾಜ್ಯದಲ್ಲಿ ಆಡಳಿತ ಮೈತ್ರಿಕೂಟದ ಮುಖವಾಗಿದ್ದ ಪ್ರಧಾನಿ ನರೇಂದ್ರ ಮೋದಿಯ ಜನಪ್ರಿಯತೆ ಮತ್ತು ಪ್ರಚಾರದ ಪ್ರಭಾವ ಇನ್ನು ಉಳಿದುಕೊಂಡಿದೆ ಎಂದು ಸಾಬೀತಗಿದೆ.

ವಿಪಕ್ಷಗಳಾದ ಆರ್‌ಜೆಡಿ, ಕಾಂಗ್ರೆಸ್ ಮತ್ತು ಮೂರು ಎಡ ಪಕ್ಷಗಳನ್ನು ಒಳಗೊಂಡ ಮಹಾಘಟಬಂಧನ್ ಹೀನಾಯ ಸೋಲು ಕಾಣುತ್ತಿದೆ. ಅಲ್ಲದೆ, ವಿರೋಧ ಪಕ್ಷಗಳ ಮೈತ್ರಿಕೂಟ 35 ಸ್ಥಾನಗಳ ಗಡಿ ದಾಟಲು ಹೆಣಗಾಡುತ್ತಿದೆ.