ಸಂಭಾವನೆ ಕಟ್, ಬಿಗ್​ಬಾಸ್ ಮನೆಯಿಂದ ಔಟ್! Bigg Boss ಇತಿಹಾಸದಲ್ಲೇ ಮೊದಲ ಬಾರಿಗೆ ಡಬಲ್ ರೆಡ್ ಕಾರ್ಡ್..

ನವದೆಹಲಿ: ( Bigg Boss) ಕನ್ನಡ, ತಮಿಳು, ತೆಲಗು, ಹಿಂದಿಯಲ್ಲಿ ಖಾಸಗಿವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಬಿಗ್​ಬಾಸ್​​ ಕಾರ್ಯಕ್ರಮ ಜನಮನ್ನಣೆಯನ್ನು ಪಡೆದಿರುವ ಕಾರ್ಯಕ್ರಮವಾಗಿದೆ. ( Bigg Boss) ತಮಿಳು ಬಿಗ್​ಬಾಸ್​ ಸೀಸನ್​​​ 9ರಲ್ಲಿ ಒಂದು ಹೈಡ್ರಾಮಾವೇ ನಡೆದಿದ್ದು, ಮಹಿಳಾ ಸ್ಪರ್ಧಿಯ ಮೇಲೆ ಅಮಾನವೀಯವಾಗಿ ವರ್ತಿಸಿದ ಇಬ್ಬರು ಸ್ಪರ್ಧಿಗಳನ್ನು ಈ ಕಾರ್ಯಕ್ರಮದ ನಿರೂಪಕ ವಿಜಯ್​​ ಸೇತುಪತಿ ರೆಡ್​ಕಾರ್ಡ್​​ ನೀಡಿ ಶೋನಿಂದಲೇ ಹೊರಹಾಕಿದ್ದಾರೆ.

ಬಿಗ್ ಬಾಸ್ ಸೀಸನ್ 9 ತಮಿಳು ಸೀಸನ್ 9 ಕಾರ್ಯಕ್ರಮವು ಅಕ್ಟೋಬರ್ 5, 2025 ರಂದು ಪ್ರಾರಂಭವಾಯಿತು ಮತ್ತು ಇಲ್ಲಿಯವರೆಗೆ ಸುಮಾರು 90 ದಿನಗಳನ್ನು ತಲುಪಿದೆ. ಕಾರ್ಯಕ್ರಮವು 2 ವಾರಗಳಲ್ಲಿ ಕೊನೆಗೊಳ್ಳಲಿರುವ ಹಿನ್ನೆಲೆಯಲ್ಲಿ, ಸ್ಪರ್ಧೆಯ ಅಂತಿಮ ಹಂತವಾದ ಟಿಕೆಟ್ ಟು ಫಿನಾಲೆ ಟಾಸ್ಕ್ ಸುಮಾರು ಒಂದು ವಾರದಿಂದ ನಡೆಯುತ್ತಿದೆ.

ನಿನ್ನೆ (ಜನವರಿ 2, 2026) ಪ್ರಸಾರವಾದ ಸಂಚಿಕೆಯಲ್ಲಿ ಕಾರ್ ಟಾಸ್ಕ್ ನಲ್ಲಿ, ಪಾರ್ವತಿ ಮತ್ತು ಕಮ್ರುದ್ದೀನ್ ಸಾಂಡ್ರಾ ಅವರನ್ನು ಬಲವಂತವಾಗಿ ಕಾರಿನಿಂದ ಕೆಳಗೆ ತಳ್ಳಿದರು. ಸಾಂಡ್ರಾ ಕೆಳಗೆ ಬಿದ್ದು ಪ್ಯಾನಿಕ್ ಅಟ್ಯಾಕ್ ಆದರು. ಇದರಿಂದಾಗಿ ಶಬರಿ ಮತ್ತು ವಿನೋದ್ ಕೂಡ ಸ್ಪರ್ಧೆಯಿಂದ ಹಿಂದೆ ಸರಿದರು. ಸಹ ಸ್ಪರ್ಧಿಗಳು ಅವಳನ್ನು ಮೇಲೆತ್ತಿ ಮನೆಯೊಳಗಿನ ವೈದ್ಯರು ವೈದ್ಯಕೀಯ ಪರೀಕ್ಷೆಗೆ ಕರೆದೊಯ್ಯುತ್ತಾರೆ. ಈ ಪರಿಸ್ಥಿತಿಯಲ್ಲಿ, ಶಬರಿ, ದಿವ್ಯಾ, ವಿಕ್ಸ್ ವಿಕ್ರಮ್ ಮತ್ತು ವಿನೋದ್ ಸೇರಿದಂತೆ ವಿವಿಧ ಸ್ಪರ್ಧಿಗಳು ಕಮ್ರುದ್ದೀನ್ ಮತ್ತು ಪಾರ್ವತಿ ವಿರುದ್ಧ ಧ್ವನಿ ಎತ್ತಿದ್ದರು. ಸ್ಪರ್ಧಿಗಳ ನಡುವೆ ಪ್ರಮುಖ ಸಮಸ್ಯೆಗಳು ಉದ್ಭವಿಸಿವೆ. .

ಇತರ ಸೀಸನ್‌ಗಳಿಗೆ ಹೋಲಿಸಿದರೆ, ಈ ಸೀಸನ್‌ನಲ್ಲಿ ಸ್ಪರ್ಧಿಗಳಲ್ಲಿ ಸರಿಯಾದ ನೈತಿಕತೆ ಮತ್ತು ನಡವಳಿಕೆ ಇಲ್ಲ ಎಂಬ ಟೀಕೆಗಳಿವೆ. ಈ ಸೀಸನ್‌ನಲ್ಲಿ ಪಾರ್ವತಿ ಮತ್ತು ಕಮ್ರುದ್ದೀನ್ ಇಬ್ಬರೂ ಹಲವು ಭಾರು ಕಾರ್ಯಕ್ರಮದ ನಿಯಮವನ್ನು ಉಲ್ಲಂಘಿಸಿ ಎಚ್ಚರಿಕೆಗಳನ್ನು ಸಾಕಷ್ಟು ಭಾರಿ ಪಡೆದರು. ಅವರು ಪ್ರೀತಿಸುತ್ತಿದ್ದಾರೆಂದು ಹೇಳಲಾಗಿದ್ದರೂ, ಬಿಗ್ ಬಾಸ್ ಅವರಿಗೆ ಹಲವಾರು ಬಾರಿ ಎಚ್ಚರಿಕೆ ನೀಡಿದ್ದರು. ಆರೂ ಈ ಜೋಡಿಯಲ್ಲಿ ಯಾವುದೇ ಬದಲಾವಣೆಯೂ ಆಗಿಲ್ಲ ಎನ್ನುವ ಕುರತಿತಾಗಿ ನೆಟ್ಟಿಗರು ಆಕ್ರೋಶ ಹೊರ ಹಾಕಿದ್ದರು.

ಬಿಗ್ ಬಾಸ್ ನಿಯಮಗಳ ಪ್ರಕಾರ, ಒಬ್ಬ ಸ್ಪರ್ಧಿ ರೆಡ್ ಕಾರ್ಡ್ ಪಡೆದು ಹೊರಬಂದರೆ ಅಥವಾ ಶೋನ ನಿಯಮಗಳನ್ನು ಗಂಭೀರವಾಗಿ ಉಲ್ಲಂಘಿಸಿದರೆ, ಅವರಿಗೆ ನೀಡಬೇಕಾದ ಸಂಭಾವನೆಯಲ್ಲಿ (Salary/Fee) ದೊಡ್ಡ ಮಟ್ಟದ ಕಡಿತವಾಗುವ ಸಾಧ್ಯತೆ ಇರುತ್ತದೆ. ಒಪ್ಪಂದದ ಪ್ರಕಾರ ದಂಡವನ್ನು ವಿಧಿಸುವ ಅಧಿಕಾರ ವಾಹಿನಿಗೆ ಇರುತ್ತದೆ.