ತಿಂಗಳುಗಳ ಸೆಣಸಾಟಕ್ಕೆ ಸಿಕ್ತು ಫಲ...ಗಿಲ್ಲಿ ನಟನ ಮುಡಿಗೆ ಬಿಗ್​ಬಾಸ್ ಮುಕುಟ | BBK12

ಸುಮಾರು 40 ಕೋಟಿ ವೋಟ್‌ ಪಡೆಯುವ ಮೂಲಕ ಗಿಲ್ಲಿ ಈ ಸಲದ ಬಿಗ್‌ಬಾಸ್​ನಲ್ಲಿ ಗೆಲುವಿನ ನಗೆ ಬೀರಿದ್ದು, ರಾಜ್ಯದ ಕೋಟ್ಯಾಂತರ ಅಭಿಮಾನಿಗಳ ಪೂಜಾಫಲ, ಹರಕೆ ಸೇರಿದಂತೆ ಇನ್ನಿತರ ಅಭಿಮಾನದ ನಡೆಗಳು ಕೊನೆಗೂ ಕೈಗೂಡಿವೆ.

ಅಂತಿಮವಾಗಿ ಟಾಪ್​ 5 ನಲ್ಲಿ ರಘು, ಕಾವ್ಯ, ಗಿಲ್ಲಿ, ರಕ್ಷಿತಾ ಮತ್ತು ಅಶ್ವಿನಿ ಗೌಡ ಇದ್ದರು. ಅಂತಿಮವಾಗಿ ಅಶ್ವಿನಿಗೌಡ ಸ್ಪರ್ಧೆಯಿಂದ ಹೊರಬೀಳುತ್ತಿದ್ದಂತೆ ಗಿಲ್ಲಿ ನಟ ಮತ್ತು ರಕ್ಷಿತಾ ಮಧ್ಯೆ ಪೈಪೋಟಿ ಏರ್ಪಟ್ಟಿತು. ಕೊನೆಗೆ ಕಿಚ್ಚ ಸುದೀಪ್​ ಮಂಡ್ಯ ಹೈದನ ಕೈ ಎತ್ತುವ ಮೂಲಕ ಗಿಲ್ಲಿ ನಟನನ್ನು ಬಿಗ್​ಬಾಸ್ ವಿನ್ನರ್​ ಎಂದು ಅಧಿಕೃತವಾಗಿ ಘೋಷಿಸಿದರು. ಗಿಲ್ಲಿಗೆ 50 ಲಕ್ಷ ಹಣದೊಂದಿಗೆ ಮಾರುತಿ ಸುಜುಕಿ ವಿಕ್ಟರಿಸ್ ಕಾರ್ ಪಡೆಯಲಿದ್ದಾರೆ.

ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ನಿರೂಪಕ ಕಿಚ್ಚ ಸುದೀಪ್, ಬಿಗ್ ಬಾಸ್ 12 ಕನ್ನಡ ಸ್ಪರ್ಧಿಗಳು, ತಾಂತ್ರಿಕ ತಂಡ ಮತ್ತು ಬಿಗ್ ಬಾಸ್ ತಂಡವನ್ನು ಅಭಿನಂದಿಸಿದ್ದಾರೆ.

ಇಂದು ಸೂರ್ಯಾಸ್ತದ ವೇಳೆಗೆ, #BBK12 ಮುಕ್ತಾಯಗೊಳ್ಳಲಿದೆ.