ಭಾರತಕ್ಕೆ ಬಿಗ್ ರಿಲೀಫ್? ಭಾರತೀಯ ಸರಕುಗಳ ಮೇಲಿನ ಶೇ. 25ರಷ್ಟು ಸುಂಕ ರದ್ದತಿಗೆ ಅಮೆರಿಕ ಒಲವು! | Tariff

ಸ್ವಿಟ್ಜರ್ಲೆಂಡ್‌ನ ದಾವೋಸ್‌ನಲ್ಲಿ ನಡೆಯುತ್ತಿರುವ ವಿಶ್ವ ಆರ್ಥಿಕ ವೇದಿಕೆಯ (WEF) ಶೃಂಗಸಭೆಯಲ್ಲಿ ಅವರು ಈ ಮಹತ್ವದ ಹೇಳಿಕೆ ನೀಡಿದ್ದಾರೆ.

ದಾವೋಸ್‌ನಲ್ಲಿ ಮಾತನಾಡಿದ ಸ್ಕಾಟ್ ಬೆಸೆಂಟ್, "ಭಾರತದ ಮೇಲೆ ನಾವು ವಿಧಿಸಿದ್ದ ಶೇ. 25ರಷ್ಟು ಸುಂಕವು ದೊಡ್ಡ ಮಟ್ಟದ ಯಶಸ್ಸು ಕಂಡಿದೆ. ಭಾರತೀಯ ಸಂಸ್ಕರಣಾಗಾರಗಳು ರಷ್ಯಾದಿಂದ ಖರೀದಿಸುತ್ತಿದ್ದ ತೈಲ ಪ್ರಮಾಣವು ಈಗ ಗಣನೀಯವಾಗಿ ಕುಸಿದಿದೆ. ನಮ್ಮ ಉದ್ದೇಶ ಈಡೇರಿರುವುದರಿಂದ ಈಗ ಆ ಸುಂಕಗಳನ್ನು ಹಿಂಪಡೆಯಲು ಹಾದಿ ಸುಗಮವಾಗಿದೆ," ಎಂದು ತಿಳಿಸಿದ್ದಾರೆ.

2022ರಲ್ಲಿ ಉಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಮಾಡಿದ ನಂತರ, ಪಾಶ್ಚಿಮಾತ್ಯ ದೇಶಗಳು ರಷ್ಯಾದ ಮೇಲೆ ಆರ್ಥಿಕ ನಿರ್ಬಂಧಗಳನ್ನು ಹೇರಿದ್ದವು. ಆದರೆ ಭಾರತವು ರಷ್ಯಾದಿಂದ ರಿಯಾಯಿತಿ ದರದಲ್ಲಿ ತೈಲ ಖರೀದಿಸುವುದನ್ನು ಮುಂದುವರಿಸಿತ್ತು. ಇದರಿಂದ ಕೆರಳಿದ ಡೊನಾಲ್ಡ್ ಟ್ರಂಪ್ ಆಡಳಿತವು 2025ರ ಆಗಸ್ಟ್‌ನಲ್ಲಿ ಕಾರ್ಯಕಾರಿ ಆದೇಶದ ಮೂಲಕ ಭಾರತೀಯ ಸರಕುಗಳ ಮೇಲೆ ಶೇ. 25ರಷ್ಟು ಹೆಚ್ಚುವರಿ ಸುಂಕವನ್ನು ವಿಧಿಸಿತ್ತು. ಇದರಿಂದ ಭಾರತೀಯ ರಫ್ತುದಾರರಿಗೆ ಅಮೆರಿಕ ಮಾರುಕಟ್ಟೆಯಲ್ಲಿ ಭಾರಿ ಹೊಡೆತ ಬಿದ್ದಿತ್ತು.

ಜನವರಿ 2026ರ ದತ್ತಾಂಶಗಳ ಪ್ರಕಾರ, ಭಾರತದ ರಷ್ಯಾ ತೈಲ ಆಮದು ಕಳೆದ ತಿಂಗಳಿಗಿಂತ ಶೇ. 35ರಷ್ಟು ಕುಸಿದಿದ್ದು, ಕಳೆದ ಎರಡು ವರ್ಷಗಳಲ್ಲೇ ಅತ್ಯಂತ ಕನಿಷ್ಠ ಮಟ್ಟಕ್ಕೆ ತಲುಪಿದೆ. ಪ್ರಸ್ತುತ ಕೇವಲ ಮೂರು ಭಾರತೀಯ ತೈಲ ಸಂಸ್ಕರಣಾಗಾರಗಳು ಮಾತ್ರ ರಷ್ಯಾದಿಂದ ತೈಲ ಖರೀದಿಸುತ್ತಿವೆ ಎಂದು ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಅಮೆರಿಕ ತನ್ನ ಕಠಿಣ ನಿಲುವನ್ನು ಸಡಿಲಗೊಳಿಸಲು ಮುಂದಾಗಿದೆ.

ಆರಂಭದಿಂದಲೂ ಅಮೆರಿಕದ ಈ ಸುಂಕ ನೀತಿಯನ್ನು "ಅನ್ಯಾಯ ಮತ್ತು ಅವಿವೇಕದ ಕ್ರಮ" ಎಂದು ಭಾರತ ಟೀಕಿಸಿತ್ತು. ತನ್ನ ರಾಷ್ಟ್ರೀಯ ಹಿತಾಸಕ್ತಿ ಮತ್ತು ಇಂಧನ ಭದ್ರತೆಯ ದೃಷ್ಟಿಯಿಂದ ತೈಲ ಖರೀದಿ ಮಾಡಲಾಗುತ್ತಿದೆ ಎಂದು ಭಾರತ ಸ್ಪಷ್ಟಪಡಿಸಿತ್ತು.

ಒಂದು ವೇಳೆ ಅಮೆರಿಕ ಈ ಹೆಚ್ಚುವರಿ ಸುಂಕವನ್ನು ರದ್ದುಗೊಳಿಸಿದರೆ, ಭಾರತದ ಜವಳಿ, ಕೃಷಿ ಉತ್ಪನ್ನಗಳು ಮತ್ತು ಎಲೆಕ್ಟ್ರಾನಿಕ್ಸ್ ವಲಯದ ರಫ್ತುದಾರರಿಗೆ ಅಮೆರಿಕ ಮಾರುಕಟ್ಟೆಯಲ್ಲಿ ಮತ್ತೆ ದೊಡ್ಡ ಅವಕಾಶಗಳು ತೆರೆಯಲಿವೆ,(ಏಜೆನ್ಸೀಸ್​).