ಇದು ಸಾಕ್ಷಿ ನಾಶವಾ..? ಹಲ್ಲಿಯನ್ನು ಕ್ಯಾಪ್ಸಿಕಂ ಎಂದು ತಿಂದೇ ಬಿಟ್ಟ ಮೆಸ್ ಸಿಬ್ಬಂದಿ! ವಿಡಿಯೋ ವೈರಲ್...Lizard in meals

ಇತ್ತೀಚೆಗೆ, ಭೋಪಾಲ್‌ನ ಕಾಲೇಜು ಹಾಸ್ಟೆಲ್​ವೊಂದರಲ್ಲಿ ಇಂತಹ ಪ್ರಕರಣವೊಂದು ಆನ್​ಲೈನ್​ನಲ್ಲಿ ವ್ಯಾಪಕ ಗಮನ ಸೆಳೆದಿದೆ.  ವಿದ್ಯಾರ್ಥಿಯೊಬ್ಬ ಮೆಸ್​​ನಲ್ಲಿ ಊಟ ಮಾಡುವ ಸಂದರ್ಭದಲ್ಲಿ ಅಸಾಮಾನ್ಯ ವಸ್ತುವನ್ನು ಗಮನಿಸಿದ ನಂತರ ತನ್ನ ಆಹಾರದಲ್ಲಿ ಹಲ್ಲಿ ಬಿದ್ದಿದೆ ಎಂದು ಅಡುಗೆ ಸಿಬ್ಬಂದಿ ಬಳಿ ಮೊರೆ ಹೋಗಿದ್ದಾನೆ. ಈ ವೇಳೆ ಸಿಬ್ಬಂದಿ  ಅವನ ಕಳವಳವನ್ನು ಬದಿಗಿಟ್ಟು, ಅದು ಹಲ್ಲಿ ಅಲ್ಲ ಕ್ಯಾಪ್ಸಿಕಂ  ತುಂಡು ಎಂದು ಹೇಳಿಕೊಂಡರು. 

ಎಕ್ಸ್​ ಬಳಕೆದಾರರೊಬ್ಬರು ಹಂಚಿಕೊಂಡಿರುವ ವಿಡಿಯೋದಲ್ಲಿ ಪಲ್ಯ, ಬೇಳೆ ದಾಲ್ ಮತ್ತು ರೊಟ್ಟಿ ತುಂಬಿದ ತಟ್ಟೆಯನ್ನು ತೋರಿಸುವುದನ್ನು ಹಂಚಿಕೊಂಡಿದ್ದಾರೆ. ಈ ವೇಳೆ ವಿದ್ಯಾರ್ಥಿ ಊಟದ ಕೋಣೆಯ ಸಿಬ್ಬಂದಿಯನ್ನು ಸಹೋದರ, ದಯವಿಟ್ಟು ಇದು ಏನೆಂದು ನೋಡಿ ಎಂದು ಕೇಳಿದ್ದಾನೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ, ಅನೇಕ ಜನರು ಪ್ರತಿಕ್ರಿಯಿಸಿದ್ದಾರೆ. ಒಬ್ಬ ಬಳಕೆದಾರರು ದೂರು ಪರಿಹಾರವು ಎಷ್ಟು ಆಕ್ರಮಣಕಾರಿಯಾಗಿತ್ತೆಂದರೆ, ಅಲ್ಲಿ ಸತ್ಯವನ್ನು ಸಾಬೀತುಪಡಿಸಲು ಬೇಕಿದ್ದ ಸಾಕ್ಷ್ಯವನ್ನೇ ಸಿಬ್ಬಂದಿ ತಿಂದುಹಾಕಿದರು ಎಂದು ಕಾಮೆಂಟ್​ ಮಾಡಿದ್ದಾರೆ (ಏಜೆನ್ಸೀಸ್​).