ಯುಕೆನಲ್ಲಿ ಇದು ಎಂದಿಗೂ ಸಾಧ್ಯವಿಲ್ಲ: ಭಾರತದ ಸೂಪರ್ ಫಾಸ್ಟ್ ಡೆಲಿವರಿ ಸೇವೆಗೆ ಫಿದಾ ಆದ ವೇಲ್ಸ್‌ ಟ್ರಾವೆಲರ್! Quick Commerce

ಆದಾಗ್ಯೂ, ಈ ಪ್ಲಾಟ್​ಫಾರ್ಮ್​ನಿಂದ ಭಾರತೀಯರಿಗೆ ಹತ್ತು- ಹದಿನೈದು ನಿಮಿಷಗಳಲ್ಲಿ ಸಾಮಾಗ್ರಿ ಪಡೆಯುವುದು ಅಭ್ಯಾಸವಾಗಿರಬಹುದು. ಆದರೆ, ವಿದೇಶಿಗರಿಗೆ ಇದು ಇಂದಿಗೂ ಒಂದು ಅದ್ಭುತ ಲೋಕದಂತೆ ಭಾಸವಾಗುತ್ತಿದೆ.  ಇದಕ್ಕೆ ಸಾಕ್ಷಿ ಎಂಬಂತೆ, ವೇಲ್ಸ್‌ನಿಂದ (ಯುಕೆ) ಭಾರತಕ್ಕೆ ಬಂದಿದ್ದ ಪ್ರವಾಸಿಗರೊಬ್ಬರು ಇಲ್ಲಿನ ಸೂಪರ್-ಫಾಸ್ಟ್ ಡೆಲಿವರಿ ವೇಗವನ್ನು ಕಂಡು ಸಂಪೂರ್ಣವಾಗಿ ಆಶ್ಚರ್ಯಚಕಿತರಾಗಿ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. 

ಭಾರತದಲ್ಲಿ ತಾವು ಬಳಸಿ ಸೌಕರ್ಯ ಪಡೆದ ಕೆಲವು 'ಅನುಕೂಲಕರ' ಅಪ್ಲಿಕೇಶನ್‌ಗಳ ಬಗ್ಗೆ ಮಾತನಾಡಿದ ಕಾರಾ, ಮೊಟ್ಟಮೊದಲ ಬಾರಿಗೆ ಬ್ಲಿಂಕಿಟ್​ ಆ್ಯಪ್​ ಅನ್ನು ಕಂಡುಕೊಂಡಿರುವುದರ ಬಗ್ಗೆ ಅನುಭವ ಹಂಚಿಕೊಂಡಿದ್ದಾರೆ. 

ಆಗ್ರಾದ ಹೋಟೆಲ್​ವೊಂದರಲ್ಲಿ ತಂಗಿದ್ದಾಗ ನಮ್ಮ ಹೋಟೆಲ್ ಸ್ವಾಗತ ಕೇಂದ್ರದಲ್ಲಿ ಸೂಟ್‌ಕೇಸ್ ಎಲ್ಲಿ ಖರೀದಿಸಬಹುದು ಎಂದು ಯಾರೋ ಒಬ್ಬ ವ್ಯಕ್ತಿ ಕೇಳುತ್ತಿದ್ದರು. ಆಗ ಅವರು ನೀವು ಬ್ಲಿಂಕಿಟ್​ ಅಪ್ಲಿಕೇಶನ್​ನಲ್ಲಿ ಆರ್ಡರ್ ಮಾಡಬಹುದು ಎಂದು ಹೇಳಿದ್ದರು. ಅದರಂತೆ 10 ನಿಮಿಷಗಳ ಒಳಗಾಗಿ ಆ ವಸ್ತು ಹೋಟೆಲ್​ಗೆ ತಲುಪಿತು ಎಂದು ಕಾರಾ ತಿಳಿಸಿದ್ದಾರೆ. 

ಇದಾದ ಬಳಿಕ ಹೋಳಿ ಹಬ್ಬದಂದು ಹಬ್ಬವನ್ನು ಆಚರಿಸಲು ನನಗೆ ಬಟ್ಟೆಗಳ ಅವಶ್ಯಕತೆ ಇತ್ತು. ಈ ಸಮಯದಲ್ಲಿ ಬ್ಲಿಂಕಿಟ್​ನಲ್ಲಿ ಟಿ-ಶರ್ಟ್ ಮತ್ತು ಪ್ಯಾಂಟ್ ಅನ್ನು 10.23ಕ್ಕೆ ಆರ್ಡರ್ ಮಾಡಿದೆ. ಪ್ರಸ್ತುತ ಅದು ಡೆಲಿವರಿಯಾಗಲು 9 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ ಎಂದು ತೋರಿಸುತ್ತಿದೆ. ಎಷ್ಟು ಗಂಟೆಗೆ ಬರುತ್ತದೆ ಎಂದು ನೋಡೋಣ ಎಂದು ವೈಲ್ಡ್​ಬರ್ ವಿಡಿಯೋದಲ್ಲಿ ಹೇಳಿದ್ದಾರೆ.

ಮೂಲ ವಿತರಣಾ ಸಮಯ ಒಂಬತ್ತು ನಿಮಿಷಗಳಾಗಿದ್ದರೂ, ವಿತರಣಾ ಕಾರ್ಯನಿರ್ವಾಹಕರು ಮೂರು ನಿಮಿಷಗಳ ಒಳಗೆ ಬಂದು ಡೆಲಿವರಿ ನೀಡಿದ್ದಾರೆ. ಆ್ಯಪ್​ ಪ್ರಕಾರ ಇನ್ನೂ ಎಂಟು ನಿಮಿಷಗಳ ದೂರದಲ್ಲಿದೆ. ಈ ಸೇವೆಯಿಂದ ನಾನು ಸಂಪೂರ್ಣವಾಗಿ ದಿಗ್ಭ್ರಮೆಗೊಂಡಿದ್ದೇನೆ. ಯುಕೆ ಎಂದಿಗೂ ಸಾಧ್ಯವಿಲ್ಲ ಎಂದರು.

ಪೋಸ್ಟ್ ಎಲ್ಲೆಡೆ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಪ್ರತಿಕ್ರಿಯಿಸಿದ್ದು, ಭಾರತದ  ಲಾಜಿಸ್ಟಿಕ್ಸ್ ವ್ಯವಸ್ಥೆಯು ಪ್ರಪಂಚದ ಇತರ ಭಾಗಗಳಿಗಿಂತ ವಿಭಿನ್ನವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಹೇಳಿದರು.

ಪ್ರಸ್ತುತ ಭಾರತದಲ್ಲಿ ಅಂತಹ ನಾಲ್ಕು ಅಪ್ಲಿಕೇಶನ್​ಗಳಿವೆ ಎಂದು ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇನ್ನೊಬ್ಬ ಬಳಕೆದಾರರು ಬ್ಲಿಂಕಿಟ್, ಜೆಪ್ಟೊ, ಇನ್‌ಸ್ಟಾಮಾರ್ಟ್ ಮೂಲಕ ಶಾಪಿಂಗ್ ಮಾಡಿ. ನೀವು ಒಂದು ಪೌಂಡ್‌ನಿಂದ ಸ್ವಿಗ್ಗಿ  ಪ್ರಾರಂಭಿಸಿದ್ದೀರಿ ನೋಡಿ, ನಂತರ ನೀವು ಶಾಪಿಂಗ್ ಮಾಡುವುದನ್ನು ಮುಂದುವರಿಸುತ್ತೀರಿ. ಭಾರತ ಆರಂಭಿಕರಿಗಾಗಿ ಅಲ್ಲ ಎಂಬ ಮಾತಿನಂತೆ ಅವ್ಯವಸ್ಥೆಯನ್ನು ಸ್ವೀಕರಿಸಿ ಮತ್ತು ಭಾರತವನ್ನು ಪ್ರೀತಿಸಿ ಎಂದು ಕಾಮೆಂಟ್​ ಮಾಡಿದ್ದಾರೆ (ಏಜೆನ್ಸೀಸ್​).