ಬಾಬಾ ಸಿದ್ದಿಕಿ ಕೊಲೆ ಪ್ರಕರಣ: ಅನ್ಮೋಲ್ ಬಿಷ್ಣೋಯ್​ನನ್ನು 11 ದಿನ NIA ವಶಕ್ಕೆ ನೀಡಿದ ದೆಹಲಿ ಕೋರ್ಟ್| Anmol Bishnoi

 ಈ ಪ್ರಕರಣದಲ್ಲಿ NIA ಪರವಾಗಿ ವಕೀಲ ಕುಶ್ದೀಪ್ ಗೌರ್ ಅವರೊಂದಿಗೆ ಹಾಜರಾದ ವಿಶೇಷ ಪಬ್ಲಿಕ್ ಪ್ರಾಸಿಕ್ಯೂಟರ್ ರಾಹುಲ್ ತ್ಯಾಗಿ, ಬಿಷ್ಣೋಯ್ ಅಪರಾಧ ಸಿಂಡಿಕೇಟ್‌ನಲ್ಲಿ ಅನ್ಮೋಲ್‌ನ ಶಂಕಿತ ಪಾತ್ರವನ್ನು ನ್ಯಾಯಾಲಯದಲ್ಲಿ ವಿವರಿಸಿದ್ದಾರೆ. ಅಲ್ಲದೆ, ಜಾಲದ ಪ್ರಮುಖ ಸದಸ್ಯ ಅನ್ಮೋಲ್ 2022 ರಿಂದ ತಲೆಮರೆಸಿಕೊಂಡಿದ್ದು, ಜೈಲಿನಲ್ಲಿರುವ ತನ್ನ ಸಹೋದರ ಲಾರೆನ್ಸ್ ಬಿಷ್ಣೋಯ್ ನೇತೃತ್ವದ ಭಯೋತ್ಪಾದಕ ಮತ್ತು ದರೋಡೆಕೋರ ಸಿಂಡಿಕೇಟ್‌ಗೆ ಸಂಬಂಧಿಸಿದಂತೆ ಬಂಧಿಸಲ್ಪಟ್ಟ ಹತ್ತೊಂಬತ್ತನೇ ಆರೋಪಿಯಾಗಿದ್ದಾನೆ.

ಈ ಗುಂಪಿನ ವಿಶಾಲ ಕಾರ್ಯಾಚರಣೆಯ ರಚನೆಯನ್ನು ಬಹಿರಂಗಪಡಿಸಲು ಕಸ್ಟಡಿ ವಿಚಾರಣೆ ಅಗತ್ಯ ಎಂದು NIA ತಿಳಿಸಿದೆ. ಅಲ್ಲದೆ, ನಿಧಿಯ ಮೂಲವನ್ನು ಪತ್ತೆಹಚ್ಚಲು, ಇತರ ಸದಸ್ಯರನ್ನು ಗುರುತಿಸಲು ಮತ್ತು ಸಿಂಡಿಕೇಟ್ ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಬಿಷ್ಣೋಯ್​ನನ್ನು ಪ್ರಶ್ನಿಸುವ ಅಗತ್ಯವಿದೆ ಎಂದು ಸಂಸ್ಥೆ ನ್ಯಾಯಾಲಯಕ್ಕೆ ಹೇಳಿದೆ.

ಬಿಷ್ಣೋಯ್​ಯ ಹೇಳಿಕೆಗಳು ತನಿಖಾಧಿಕಾರಿಗಳಿಗೆ ಜಾಲದೊಂದಿಗೆ ಸಂಪರ್ಕ ಹೊಂದಿರುವ ಹೆಚ್ಚಿನ ವ್ಯಕ್ತಿಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ ಎಂದು NIA ಮಾನವಿ ಮಾಡಿದೆ.

ಇದನ್ನೂ ಓದಿ: ದೆಹಲಿ ವಾಯು ಮಾಲಿನ್ಯ: ಶಾಲೆಗಳ ಕ್ರೀಡಾ ಚಟುವಟಿಕೆಗಳನ್ನು ಮುಂದೂಡಲು CAQMಗೆ ಸುಪ್ರೀಂ ಸೂಚನೆ | Supreme Court

ಇಂದು ಮುಂಜಾನೆ, ಅನ್ಮೋಲ್ ಬಿಷ್ಣೋಯ್​ನನ್ನು ಅಮೆರಿಕದಿಂದ ಭಾರತಕ್ಕೆ ಕರೆತರಲಾಯಿತು. ಇಂದಿರಾಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ನಂತರ, ಇವನನ್ನು ಔಪಚಾರಿಕವಾಗಿ NIAಗೆ ಹಸ್ತಾಂತರಿಸಲಾಯಿತು. ಇವನ ಹಿರಿಯ ಸಹೋದರ ಲಾರೆನ್ಸ್ ಬಿಷ್ಣೋಯ್​ನೊಂದಿಗಿನ ನಂಟು ಹೊಂದಿರುವ ಪ್ರಮುಖ ಸಂಘಟಿತ ಅಪರಾಧ ಮತ್ತು ಸುಲಿಗೆ ಜಾಲಗಳಲ್ಲಿ ಭಾಗಿಯಾಗಿದ್ದಾರೆ ಎಂದು ತಿಳಿದು ಬಂದಿದೆ.

ರಾಜಸ್ಥಾನ, ಪಂಜಾಬ್ ಮತ್ತು ಮಹಾರಾಷ್ಟ್ರದಾದ್ಯಂತ ಈ ದರೋಡೆಕೋರನ ವಿರುದ್ಧ 31 ಪ್ರಕರಣಗಳು ದಾಖಲಾಗಿವೆ. ಈ ತಿಂಗಳ ಆರಂಭದಲ್ಲಿ, ಅಮೆರಿಕ ಮತ್ತು ಕೆನಡಾ ನಡುವೆ ಆಗಾಗ್ಗೆ ಪ್ರಯಾಣಿಸುತ್ತಿದ್ದ ಬಿಷ್ಣೋಯ್​ನನ್ನು ಕೆನಡಾದಲ್ಲಿ ಬಂಧಿಸಲಾಗಿದೆ ಎಂದು ಏಜೆನ್ಸಿಗಳಿಗೆ ಮಾಹಿತಿ ಬಂದಿತ್ತು. ಇವನ ನಕಲಿ ದಾಖಲೆಯನ್ನು ಬಳಸಿ ಪಡೆದ ರಷ್ಯಾದ ಪಾಸ್‌ಪೋರ್ಟ್ ಹೊಂದಿದ್ದರು ಎಂದು ಅಧಿಕಾರಿ ತಿಳಿಸಿದ್ದಾರೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.

ಅನ್ಮೋಲ್, ಜೈಲಿನಲ್ಲಿರುವ ಗ್ಯಾಂಗ್‌ಸ್ಟರ್ ಲಾರೆನ್ಸ್ ಬಿಷ್ಣೋಯ್​ನ ಕಿರಿಯ ಸಹೋದರವಾಗಿದ್ದಾನೆ. ರಾಷ್ಟ್ರೀಯ ತನಿಖಾ ಸಂಸ್ಥೆಯ ಮೋಸ್ಟ್ ವಾಂಟೆಡ್ ಪಟ್ಟಿಯಲ್ಲಿ ಸ್ಥಾನ ಪಡೆದ ನಂತರ ಅನ್ಮೋಲ್ ಗಮನ ಸೆಳೆದನು. ಇತನ ಬಂಧನಕ್ಕೆ ಕಾರಣವಾಗುವ ಮಾಹಿತಿ ನೀಡಿದವರಿಗೆ ಹತ್ತು ಲಕ್ಷ ರೂಪಾಯಿ ಬಹುಮಾನ ಘೋಷಿಸಲಾಯಿತು.

ಈ ಪ್ರಕರಣದಲ್ಲಿ ಪ್ರಮುಖ ಸಂಚುಕೋರ ಎಂದು ಹೆಸರಿಸಲ್ಪಟ್ಟಿದ್ದ ಆತನ ವಿರುದ್ಧ, 2020 ಮತ್ತು 2023 ರ ನಡುವೆ ಭಾರತದಾದ್ಯಂತ ಭಯೋತ್ಪಾದಕ ಚಟುವಟಿಕೆಗಳಿಗೆ ಅನುಕೂಲ ಮಾಡಿಕೊಡುವಲ್ಲಿ ಆತನ ನೇರ ಪಾತ್ರದ ಪುರಾವೆಗಳು ತನಿಖಾಧಿಕಾರಿಗಳಿಗೆ ಕಂಡುಬಂದ ನಂತರ, ಮಾರ್ಚ್ 2023 ರಲ್ಲಿ NIA ಆರೋಪಪಟ್ಟಿ ಸಲ್ಲಿಸಿತು. ಏಜೆನ್ಸಿಯ ಪ್ರಕಾರ, ಆತ ಅಂತರರಾಷ್ಟ್ರೀಯವಾಗಿ ಗೊತ್ತುಪಡಿಸಿದ ಭಯೋತ್ಪಾದಕ ಗೋಲ್ಡಿ ಬ್ರಾರ್ ಮತ್ತು ಲಾರೆನ್ಸ್ ಬಿಷ್ಣೋಯ್​ನೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತಿದ್ದು, ವಿದೇಶದಿಂದ ಪ್ರಮುಖ ಕಾರ್ಯಾಚರಣೆ ಬೆಂಬಲವನ್ನು ಒದಗಿಸುತ್ತಿದ್ದ ಎಂದು ತಿಳಿದು ಬಂದಿದೆ,(ಏಜೆನ್ಸೀಸ್).