ಮುಂಬೈ ಗೆಲುವಿಗೆ ಅಸ್ತು ಎಂದ ಅಶ್ವಿನಿ ದೇವತೆಗಳು... ಗುಜರಾತ್​ ವಿರುದ್ಧ ಎಂಐಗೆ ದಿಗ್ವಿಜಯದ ತಿಲಕ | MIvsGT

ಮುಂಬೈ ಇಂಡಿಯನ್ಸ್ ತಂಡದ ಈ ಐತಿಹಾಸಿಕ ಗೆಲುವಿನ ಶಿಲ್ಪಿ ಯುವ ಬ್ಯಾಟರ್ ತಿಲಕ್ ವರ್ಮಾ. ತಮ್ಮ ವೃತ್ತಿಜೀವನದ ಶ್ರೇಷ್ಠ ಪ್ರದರ್ಶನ ನೀಡಿದ ಅವರು, ಅಹಮದಾಬಾದ್ ಮೈದಾನದಲ್ಲಿ ದಾಖಲೆಯ ಶತಕ ಸಿಡಿಸಿ ಮಿಂಚಿದರು.

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಬೇಕಾಗಿ ಬಂದ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಆರಂಭಿಕ ಆಘಾತ ಎದುರಾಗಿತ್ತು. ಆದರೆ, ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್‌ಗೆ ಬಂದ ತಿಲಕ್ ವರ್ಮಾ ಮೈದಾನದ ತುಂಬೆಲ್ಲಾ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದರು. ಕೇವಲ 45 ಎಸೆತಗಳಲ್ಲಿ 101 ರನ್ ಗಳಿಸಿದ ತಿಲಕ್, 8 ಬೃಹತ್ ಸಿಕ್ಸರ್ ಹಾಗೂ 6 ಬೌಂಡರಿಗಳ ನೆರವಿನಿಂದ ತಂಡದ ಮೊತ್ತವನ್ನು 199ಕ್ಕೆ ತಲುಪಿಸಿದರು. ಇದು ಐಪಿಎಲ್ ಇತಿಹಾಸದಲ್ಲಿ ಮುಂಬೈ ಪರ ದಾಖಲಾದ ಅತ್ಯಂತ ವೇಗದ ಶತಕಗಳಲ್ಲಿ ಒಂದಾಗಿ ದಾಖಲೆ ನಿರ್ಮಿಸಿತು.

200 ರನ್‌ಗಳ ಬೃಹತ್ ಗುರಿ ಬೆನ್ನಟ್ಟಿದ ಗುಜರಾತ್ ಟೈಟನ್ಸ್‌ಗೆ ಜಸ್ಪ್ರೀತ್ ಬುಮ್ರಾ ಮತ್ತು ಅಶ್ವಿನಿ ಕುಮಾರ್​ ಆಘಾತ ನೀಡಿದರು. ಗಿಲ್ ಬ್ಯಾಟರ್​ಗಳನ್ನು ಕಾಡಿದ ಯುವ ವೇಗಿ ಅಶ್ವಿನಿ ಕುಮಾರ್ 4 ವಿಕೆಟ್​ ಪಡೆದು ಗುಜರಾತ್ ತಂಡದ ಬೆನ್ನೆಲುಬನ್ನೇ ಮುರಿದರು.ಅಲ್ಲದೆ, ಬ್ರಮ್ರಾ 1 ವಿಕೆಟ್​ ಪಡೆದರು. ಮುಂಬೈನ ಶಿಸ್ತುಬದ್ಧ ಬೌಲಿಂಗ್ ದಾಳಿಗೆ ತತ್ತರಿಸಿ ಹೋದರು.

ಜೊತೆಯಾಟ: ತಿಲಕ್ ವರ್ಮಾ ಮತ್ತು ಹಾರ್ದಿಕ್ ಪಾಂಡ್ಯ ನಡುವಿನ 80 ರನ್‌ಗಳ ಜೊತೆಯಾಟ ಪಂದ್ಯದ ಗತಿಯನ್ನು ಬದಲಿಸಿತು.

ಫೀಲ್ಡಿಂಗ್ ಮ್ಯಾಜಿಕ್: ಮುಂಬೈ ಇಂಡಿಯನ್ಸ್ ಆಟಗಾರರು ಇಂದು ಮೈದಾನದಲ್ಲಿ ಚಿರತೆಯಂತೆ ಓಡಿ ಅತ್ಯುತ್ತಮ ಕ್ಯಾಚ್‌ಗಳನ್ನು ಹಿಡಿಯುವ ಮೂಲಕ ರನ್ ಕದಿಯದಂತೆ ತಡೆದರು.

ಸೋಲಿನ ಸರಣಿಗೆ ಅಂತ್ಯ: ಕಳೆದ 4 ಪಂದ್ಯಗಳಲ್ಲಿ ಸತತವಾಗಿ ಸೋತಿದ್ದ ಮುಂಬೈಗೆ ಈ ಗೆಲುವು ಸಂಜೀವಿನಿಯಂತೆ ಕೆಲಸ ಮಾಡಿದೆ,(ಏಜೆನ್ಸೀಸ್​)