AIMIM | ಶಾಸಕ ಹುಮಾಯೂನ್ ಕಬೀರ್​​ ಜೊತೆ ಮೈತ್ರಿ ಮಾಡಿಕೊಳ್ಳಲು ಎಐಎಂಐಎಂ ರೆಡಿ: ಪಕ್ಷದ ಮುಖ್ಯಸ್ಥ ಇಮ್ರಾನ್ ಸೋಲಂಕಿ

ಎರಡು ಕಡೆಯಿಂದ ಮಾತುಕತೆ ನಡೆಯುತ್ತಿದೆ ಎಂದು ಎಐಎಂಐಎಂನ ಬಂಗಾಳ ಘಟಕದ ಮುಖ್ಯಸ್ಥ ಇಮ್ರಾನ್ ಸೋಲಂಕಿ ಮಾಹಿತಿ ನೀಡಿದ್ದು, ಬಂಗಾಳದ ಕೆಲವು ಕ್ಷೇತ್ರಗಳಲ್ಲಿ ಹೊಂದಾಣಿಕೆಯ ಮೂಲಕ ಸ್ಪರ್ಧಿಸಲಿದ್ದೇವೆ ಎಂದು ಸೋಲಾನಿ ತಿಳಿಸಿದ್ದಾರೆ.

ನಾನು ಹುಮಾಯೂನ್ ಕಬೀರ್ ಜೊತೆ ಮಾತನಾಡಿದ್ದೇನೆ. ಓವೈಸಿಗೆ ಭಾರತದಾದ್ಯಂತ ಅವರದ್ದೇ ಆದ ಇಮೇಜ್ ಇರುವ ಕಾರಣ ಅವರು ಎಐಎಂಐಎಂ ಜೊತೆ ಮೈತ್ರಿ ಮಾಡಿಕೊಳ್ಳಲು ಇಚ್ಛಿಸುತ್ತಿದ್ದಾರೆ. ಅಂತಿಮ ನಿರ್ಧಾರವನ್ನು ಅಸಾದುದ್ದೀನ್ ಓವೈಸಿ ತೆಗೆದುಕೊಳ್ಳುತ್ತಾರೆ ಎಂದು ಸೋಲಂಕಿ ತಿಳಿಸಿದ್ದಾರೆ. ಓವೈಸಿ ನೇತೃತ್ವದ ಪಕ್ಷವು ಪ್ರಬಲ ಸ್ಪರ್ಧೆಯನ್ನು ಒಡ್ಡಲಿದೆ ಎಂದು ಸೋಲಂಕಿ ತಿಳಿಸಿದ್ದು ಈ ಬಾರಿ ಬ್ಯಾನರ್ಜಿಗೆ ಇದು ಕಠಿಣ ಚುನಾವಣೆಯಾಗಲಿದೆ ಎಂದು ಹೇಳಿದ್ದಾರೆ. ನಾವು ಬಂಗಾಳದಲ್ಲಿ ಚುನಾವಣೆಯಲ್ಲಿ ಹೋರಾಡುತ್ತೇವೆ. ನಮ್ಮ ಸಂಘಟನೆ ಕಳೆದ ಬಾರಿಗಿಂತ ಬಲಿಷ್ಠವಾಗಿದ್ದು, ಅಸಾದುದ್ದೀನ್ ಓವೈಸಿ ಈ ಬಾರಿ ಸಾಕಷ್ಟು ಆಕ್ರಮಣಕಾರಿ ಮತ್ತು ಸಕ್ರಿಯರಾಗಿದ್ದಾರೆ ಎಂದರು.

ಎಷ್ಟು ಕ್ಷೇತ್ರಗಳಲ್ಲಿ ಸ್ಪರ್ಧಿಸಬೇಕು ಎಂಬ ವಿಷಯವಾಗಿ ಇನ್ನು ಯಾವುದೇ ನಿರ್ಧಾರ ತೆಗೆದುಕೊಳ್ಳಲಾಗಿಲ್ಲವಾದರೂ, ಮಾಲ್ಡಾ, ಮುರ್ಷಿದಾಬಾದ್, ಬಿರ್ಭುಮ್, ಉತ್ತರ ಮತ್ತು ದಕ್ಷಿಣ ದಿನಾಜ್‌ಪುರ ಮತ್ತು ಕೋಲ್ಕತ್ತಾದ ಕೆಲವು ಸ್ಥಾನಗಳು ಸೇರಿದಂತೆ ದಕ್ಷಿಣ ಬಂಗಾಳದ ಕೆಲವು ಸ್ಥಳಗಳಲ್ಲಿ ಎಐಎಂಐಎಂ ಬಲಿಷ್ಟ ನೆಲೆ ಹೊಂದಿದ್ದು, ಅಲ್ಪಸಂಖ್ಯಾತರ ಮತಗಳಿಂದ ಗೆದ್ದಿರುವ ಬ್ಯಾನರ್ಜಿ ಆ ಸಮುದಾಯವನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸುತ್ತಿದ್ದಾರೆ ಎಂದು ಸೋಲಂಕಿ ಆರೋಪಿಸಿದ್ದಾರೆ

ಅಲ್ಪಸಂಖ್ಯಾತರ ಪ್ರಾಬಲ್ಯವಿರುವ ಮುರ್ಷಿದಾಬಾದ್ ಜಿಲ್ಲೆಯಲ್ಲಿ ಬಾಬರಿ ಮಸೀದಿ ಮಾದರಿ ಕಟ್ಟಡಕ್ಕೆ ಇತ್ತೀಚೆಗೆ ಶಿಲನ್ಯಾಸ ನೆರವೇರಿಸಿರುವ ನಂತರ ಕಬೀರ್, ತಮ್ಮ ಪ್ರಸ್ತಾಪವನ್ನು ಘೋಷಿಸುವ ಮೂಲಕ ರಾಷ್ಟ್ರ ಮಟ್ಟದಲ್ಲಿ ಸುದ್ದಿಯಾದರು. 1992 ರಲ್ಲಿ ಅಯೋಧ್ಯೆಯಲ್ಲಿ ಧ್ವಂಸಗೊಂಡ 16 ನೇ ಶತಮಾನದ ಬಾಬರಿ ಮಸೀದಿಯ ಶೈಲಿಯಲ್ಲಿ ಈ ಕಟ್ಟಡ ನಿರ್ಮಿಸಲು ಕಬೀರ್​ ನಿರ್ಧರಿಸಿದ್ದಾರೆ.