ಪತ್ರಕರ್ತೆ ತೇಜೋವಧೆ ಆರೋಪ: ಖಾನ್ ಸರ್ ಸೇರಿ 8 ಜನರ ವಿರುದ್ಧ ಮಾನನಷ್ಟ ಮೊಕದ್ದಮೆ: 2 ಕೋಟಿ ಪರಿಹಾರ ಕೇಳಿದ ಅಂಜನಾ ಓಂ ಕಶ್ಯಪ್​! Anjana Om Kashyap and Khan Sir

ನವದೆಹಲಿ: ಹಿರಿಯ ಪತ್ರಕರ್ತೆಯೊಬ್ಬರ ಮೇಲೆ ನಾಲಿಗೆ ಹರಿಬಿಟ್ಟ ಆರೋಪದಲ್ಲಿ ಫೈಸಲ್​ ಖಾನ್​ ಅಲಿಯಾಸ್​ ಖಾನ್​ ಸರ್​ ಸೇರಿದಂತೆ ಇತರೆ 8 ಜನರ ಮೇಲೆ ಟಿವಿ ಟುಡೇ ಗ್ರೂಪ್​ 2 ಕೋಟಿ ಮಾನನಷ್ಟ ಮೊಕದ್ದಮೆಯನ್ನು ದೆಹಲಿ ಹೈಕೋರ್ಟ್​ನಲ್ಲಿ ಹೂಡಿದೆ.

ಆನ್​ಲೈನ್​ ವಿಡಿಯೋಗಳ ಮೂಲಕ ಟಿವಿ ಟುಡೇ ಗ್ರೂಪ್​ನ ಹಿರಿಯ ಪರ್ತಕರ್ತೆಯಾದ ಅಂಜನಾ ಓಂ ಕಶ್ಯಪ್ (Anjana Om Kashyap and Khan Sir)​ ಅವರ ಮಾನಹಾನಿ, ಚಾರಿತ್ರ್ಯಹರಣಕ್ಕೆ ಮುಂದಾದ ಹಿನ್ನಲೆ ಈ ಮೊಕದ್ದಮೆಯನ್ನು ಹೂಡಲಾಗಿದೆ. ಆನ್​ಲೈನ್​ನಲ್ಲಿ ತರಗತಿ ನಡೆಸುವ ಶಿಕ್ಷಕರ ಮೇಲೆ ಪತ್ರಕರ್ತೆ ಟಿಪ್ಪಣಿ ಮಾಡಿದ ಹಿನ್ನಲೆ, ಪತ್ರಕರ್ತೆ ಮೇಲೆ ಖಾನ್​ ಸರ್​, ಅಭಯ್​ ಮ್ಯಾಥ್ಸ್​ ಸೇರಿದಂತೆ ಇತರೆ ಆನ್​ಲೈನ್​ ಶಿಕ್ಷಕರು ಪತ್ರಕರ್ತೆಯ ತೆಜೋವಧೆಗೆ ಮುಂದಾದರು.

ಹೈಕೋರ್ಟ್​ಗೆ ಸಲ್ಲಿಸಿರುವ ಅರ್ಜಿಯಲ್ಲಿ ಪತ್ರಕರ್ತೆ ವಿರುದ್ಧ ಮೇಲೆ ನಮೂದಿಸಿರುವ ಶಿಕ್ಷಕರು ಸಾಮಾಜಿಕ ಜಾಲತಾಣ ವೇದಿಕೆಗಳಲ್ಲಿ ಒಬ್ಬ ಮಹಿಳಾ ಪತ್ರಕರ್ತೆಯ ತೆಜೋವಧೆ ನಡೆಸಿದ್ದಾರೆ. ಆ ವಿಡಿಯೋಗಳ ಕೆಳಗೆ ಕೀಳು ಮಟ್ಟದ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಲಾಗಿದೆ. ಹೀಗಾಗಿ ಆ ಎಲ್ಲಾ ವಿಡಿಯೋಗಳನ್ನು ಈ ಕೂಡಿಲೇ ಡೀಲಿಟ್ ಮಾಡಬೇಕು ಹಾಗೂ 2 ಕೋಟಿಯನ್ನು ಪರಿಹಾರ ಮೊತ್ತವಾಗಿ ನೀಡಬೇಕೆಂದು ಕೋರಲಾಗಿದೆ.

ಇತ್ತೀಚೆಗೆ ನೀಟ್​ ಯುಜಿ ಪ್ರಶ್ನೆ ಪತ್ರಿಕೆ ಸೋರಿಕೆ ವಿಚಾರ ದೇಶಾದ್ಯಂತ ಚರ್ಚೆಯಾಗಿತ್ತು. ಈ ಸಮಯದಲ್ಲಿ ಪತ್ರಕರ್ತೆ ಅಂಜನಾ ಓಂ ಕಶ್ಯಪ್​, ಆನ್​ಲೈನ್​ ಶಿಕ್ಷಕರಿಗೆ ಈ ನೀಟ್​, ಸಿಬಿಎಸ್​ಇ ಪರೀಕ್ಷೆ ಹಾಗೂ ಅದರ ಮುಂದೂಡಿಕೆ ಬಗ್ಗೆ ಮಾಹಿತಿ ಕೊರತೆಯಿದೆ. ಆದರೂ ಬಾಯಿಗೆ ಬಂದಂತೆ ಮಾತನಾಡುತ್ತಾರೆ. ಇವರ ಪಾಠಗಳು ಹಲವಾರು ರೀಟೇಕ್​, ಸ್ಕಿಪ್ಟ್​, ಅಲ್ಗಾರಿದಮ್​ಗೆ ತಕ್ಕಂತ ಎಡಿಟಿಂಗ್​ ಇರುತ್ತದೆ. ಇವರು ಕೇವಲ ಅಧಿಕ ವೀಕ್ಷಣೆಯನ್ನು ಪಡೆಯಲು ಸೂಕ್ಷ್ಮ ವಿಷಯಗಳ ಬಗ್ಗೆ ತಮಗೆ ತೋಚಿದಂತೆ ಮಾತನಾಡುತ್ತಾರೆಂದು ಹೇಳಿದ್ದರು.

ಅಂಜಾನಾ ಓಂ ಕಶ್ಯಪ್​ ಅವರ ಈ ಹೇಳಿಕೆಯಿಂದ ಕುಪಿತವಾದ ಆನ್​ಲೈನ್​ ಶಿಕ್ಷಕರ ಸಮೂಹ ಪತ್ರಕರ್ತೆ ಮೇಲೆ ಮುಗಿ ಬಿದ್ದಿದ್ದಾರೆ. ನಾವು ಶಿಕ್ಷಕರು ನ್ಯಾಯಯುತ, ಪ್ರಾಮಾಣಿಕತೆಯಿಂದ ದುಡಿಯುತ್ತೇವೆ, ಹೀಗಾಗಿ ವ್ಯವಸ್ಥೆಯನ್ನು ನಾವು ಪ್ರಶ್ನಿಸುತ್ತಿದ್ದೆವೆ. ಆನ್​ಲೈನ್​ ಶಿಕ್ಷಕರ ಬಗ್ಗೆ ಮಾತನಾಡುವ ಮೊದಲು ಪತ್ರಕರ್ತರಲ್ಲಿರುವ ಸಮಸ್ಯೆಗಳನ್ನು ಮೊದಲು ಸರಿಮಾಡಿಕೊಳ್ಳಿ ಎಂದು ತಿರುಗೇಟನ್ನು ನೀಡಿದ್ದರು, (ಏಜನ್ಸೀಸ್​).