ಅನಂತ್ ಅಂಬಾನಿಗೆ 'ಗ್ಲೋಬಲ್ ಹ್ಯೂಮ್ಯಾನಿಟೇರಿಯನ್ ಅವಾರ್ಡ್ ಫಾರ್ ಅನಿಮಲ್ ವೆಲ್‌ಫೇರ್' ಪ್ರಶಸ್ತಿ ಪ್ರದಾನ

ಅಮೆರಿಕದ ಅತ್ಯಂತ ಹಳೆಯ ರಾಷ್ಟ್ರೀಯ ಮಾನವೀಯ ಸಂಸ್ಥೆ ಮತ್ತು ವಿಶ್ವದ ಅತಿದೊಡ್ಡ ಪ್ರಾಣಿ ಕಲ್ಯಾಣ ಪ್ರಮಾಣೀಕರಣ ಸಂಸ್ಥೆಯಾದ ಅಮೇರಿಕನ್ ಹ್ಯೂಮನ್ ಸೊಸೈಟಿಯ ಅಂತರರಾಷ್ಟ್ರೀಯ ಬ್ರ್ಯಾಂಡ್ ಆಗಿ ಕಾರ್ಯನಿರ್ವಹಿಸುವ ಗ್ಲೋಬಲ್ ಹ್ಯೂಮನ್ ಸೊಸೈಟಿ(Global Humane Society), ವನ್ಯಜೀವಿ ರಕ್ಷಣೆಗೆ ಮೀಸಲಾಗಿರುವ ಅಂತರರಾಷ್ಟ್ರೀಯ ಕಾರ್ಯಕ್ರಮದಲ್ಲಿ ಅನಂತ್ ಅಂಬಾನಿಗೆ ಪ್ರಶಸ್ತಿಯನ್ನು ಪ್ರದಾನ ಮಾಡಿದೆ.

ಅನಂತ್ ಅಂಬಾನಿ ಈ ಪ್ರಶಸ್ತಿಯನ್ನು ಪಡೆದ ಅತ್ಯಂತ ಕಿರಿಯ ಮತ್ತು ಮೊದಲ ಏಷ್ಯನ್ ಆಗಿರುವುದರಿಂದ ಅವರಿಗೆ ಈ ಪ್ರಶಸ್ತಿ ಐತಿಹಾಸಿಕವಾಗಿದೆ. ಪ್ರಾಣಿ ಕಲ್ಯಾಣ ಮತ್ತು ಸಂರಕ್ಷಣಾ ಕ್ಷೇತ್ರದಲ್ಲಿ ಪ್ರಮುಖ ಜಾಗತಿಕ ಮನ್ನಣೆಗಳಲ್ಲಿ ಒಂದಾದ ಈ ಪ್ರಶಸ್ತಿ, ಸಾಕ್ಷ್ಯಾಧಾರಿತ ಕಲ್ಯಾಣ ಕಾರ್ಯಕ್ರಮಗಳು, ವಿಜ್ಞಾನ ನೇತೃತ್ವದ ಸಂರಕ್ಷಣಾ ಉಪಕ್ರಮಗಳು ಮತ್ತು ದುರ್ಬಲ ಪ್ರಭೇದಗಳ ರಕ್ಷಣೆಯಲ್ಲಿ ಅಂಬಾನಿಯವರ ನಾಯಕತ್ವವನ್ನು ಗೌರವಿಸಿದೆ.

“ವಂತಾರಾ ಗ್ಲೋಬಲ್ ಹ್ಯೂಮನ್ ಸರ್ಟಿಫೈಡ್​ ಆಗಿದೆ. ಇದು ಆರೈಕೆಯ ಶ್ರೇಷ್ಠತೆಯನ್ನು ಮಾತ್ರವಲ್ಲ, ಪ್ರತಿ ಪ್ರಾಣಿಗೂ ಘನತೆ, ಗುಣಪಡಿಸುವಿಕೆ ಮತ್ತು ಭರವಸೆಯನ್ನು ನೀಡುವ ಆಳವಾದ ಸಮರ್ಪಣೆಯನ್ನು ಪ್ರತಿಬಿಂಬಿಸುತ್ತದೆ. ವಂತಾರಾ, ವಿಶ್ವದ ಪ್ರಮುಖ ತಜ್ಞರ ನಡೆಸಿದ ಸ್ವತಂತ್ರ ಲೆಕ್ಕಪರಿಶೋಧನೆಯನ್ನು ಪೂರ್ಣಗೊಳಿಸಿ, ಪೋಷಣೆ, ನೀರು, ಸುರಕ್ಷತೆ, ವೈದ್ಯಕೀಯ ಆರೈಕೆ ಮತ್ತು ನೈಸರ್ಗಿಕ ನಡವಳಿಕೆಯ ಸೂಚಕಗಳಲ್ಲಿ ಅತ್ಯುನ್ನತ ಮಟ್ಟವನ್ನು ಸಾಧಿಸಿದೆ ಎಂದು ಗ್ಲೋಬಲ್ ಹ್ಯೂಮನ್ ಸೊಸೈಟಿಯ ಅಧ್ಯಕ್ಷ ಮತ್ತು ಸಿಇಓ ಡಾ. ರಾಬಿನ್ ಗ್ಯಾನ್ಜೆರ್ಟ್ ಹೇಳಿದರು.

“ಈ ಗೌರವಕ್ಕಾಗಿ ಗ್ಲೋಬಲ್ ಹ್ಯೂಮನ್ ಸೊಸೈಟಿಗೆ ಧನ್ಯವಾದಗಳು. ಪ್ರಾಣಿಗಳು ನಮಗೆ ಸಮತೋಲನ, ನಮ್ರತೆ ಮತ್ತು ವಿಶ್ವಾಸವನ್ನು ಕಲಿಸುತ್ತವೆ. ವಂತಾರಾದ ಮೂಲಕ, ಸೇವಾ ಮನೋಭಾವದಿಂದ ಪ್ರತಿ ಜೀವಕ್ಕೂ ಘನತೆ ಮತ್ತು ಭರವಸೆಯನ್ನು ನೀಡುವುದು ನಮ್ಮ ಉದ್ದೇಶ” ಎಂದು ಅನಂತ್​ ಅಂಬಾನಿ ಪ್ರತಿಕ್ರಿಯಿಸಿದ್ದಾರೆ.

1877ರಲ್ಲಿ ಸ್ಥಾಪಿತ ಅಮೇರಿಕನ್ ಹ್ಯೂಮನ್ ಸೊಸೈಟಿ, 150 ವರ್ಷಗಳಿಂದ ಪ್ರಾಣಿ ಕಲ್ಯಾಣಕ್ಕೆ ಸಮರ್ಪಿತವಾಗಿದ್ದು, ಡಾ. ಗ್ಯಾನ್ಜೆರ್ಟ್ ನೇತೃತ್ವದಲ್ಲಿ ಜಾಗತಿಕವಾಗಿ ಶತಕೋಟಿ ಪ್ರಾಣಿಗಳ ಜೀವನವನ್ನು ಬದಲಾಯಿಸಿದೆ. ಹಿಂದಿನ ಪ್ರಶಸ್ತಿ ವಿಜೇತರಲ್ಲಿ ಶಿರ್ಲಿ ಮ್ಯಾಕ್‌ಲೈನ್, ಜಾನ್ ಎಫ್. ಕೆನಡಿ, ಬಿಲ್ ಕ್ಲಿಂಟನ್ ಸೇರಿದ್ದಾರೆ. ಅನಂತ್ ಅಂಬಾನಿಯವರು ಇದೀಗ ಈ ಸಾಧನೆ ಮಾಡಿದ್ದಾರೆ,(ಏಜೆನ್ಸೀಸ್​​).