Amazon | ಆತ್ಮನಿರ್ಭರ ಭಾರತ ಧ್ಯೇಯಕ್ಕೆ ಅಮೆಜಾನ್ ಶಕ್ತಿ; 2030ರ ವೇಳೆಗೆ 35 ಬಿಲಿಯನ್ ಡಾಲರ್ ಹೂಡಿಕೆ

ಕೀಸ್ಟೋನ್ ಪ್ರಕಾರ, ಈ ಹೂಡಿಕೆಗಳು ಅಮೆಜಾನ್ ಅನ್ನು ಭಾರತದಲ್ಲಿ ಅತ್ಯಂತ ದೊಡ್ಡ ವಿದೇಶಿ ಹೂಡಿಕೆದಾರನಾಗಿ ಮಾಡಲಿದೆ. ಅಲ್ಲದೆ, ಇಕಾಮರ್ಸ್ ರಫ್ತುಗಳ ಅತ್ಯಂತ ದೊಡ್ಡ ಸನ್ನದ್ಧದಾರ ಮತ್ತು ದೇಶದಲ್ಲಿ ಮುಂಚೂಣಿಯ ಉದ್ಯೋಗ ಸೃಷ್ಟಿಸುವವರಲ್ಲಿ ಒಬ್ಬರನ್ನಾಗಿಸಿದೆ. ಈ ಕಂಪನಿಯು ಭೌತಿಕ ಮತ್ತು ಡಿಜಿಟಲ್ ಮೂಲಸೌಕರ್ಯ ನಿರ್ಮಾಣಕ್ಕೆ ಅಪಾರ ಹೂಡಿಕೆ ನೀಡಿದ್ದು ಇದರಲ್ಲಿ ಫುಲ್ ಫಿಲ್ಮೆಂಟ್ ಸೆಂಟರ್ ಗಳು, ಸಾರಿಗೆ ಜಾಲಗಳು, ಡೇಟಾ ಸೆಂಟರ್ ಗಳು, ಡಿಜಿಟಲ್ ಪಾವತಿಯ ಮೂಲಸೌಕರ್ಯ ಮತ್ತು ತಂತ್ರಜ್ಞಾನ ಅಭಿವೃದ್ಧಿ ಒಳಗೊಂಡಿದೆ.

ಕೀಸ್ಟೋನ್ ವರದಿಯ ಪ್ರಕಾರ, ಅಮೆಜಾನ್ 12 ಮಿಲಿಯನ್ ಸಣ್ಣ ಉದ್ಯಮಗಳನ್ನು ಡಿಜಿಟಲೀಕರಣಗೊಳಿಸಿದೆ ಮತ್ತು 20 ಬಿಲಿಯನ್ ಡಾಲರ್ ಒಟ್ಟು ಇಕಾಮರ್ಸ್ ರಫ್ತು ಸಾಧ್ಯವಾಗಿಸಿದೆ. 2024ರಲ್ಲಿ ಹಲವು ಕೈಗಾರಿಕೆಗಳಲ್ಲಿ ಸುಮಾರು 2.8 ಮಿಲಿಯನ್ ನೇರ, ಪರೋಕ್ಷ ಮತ್ತು ಪ್ರೇರಿತ ಮತ್ತು ಋತು ಆಧರಿತ ಉದ್ಯಮಗಳನ್ನು ಬೆಂಬಲಿಸಿದೆ.

ಇದೇ ವೇದಿಕೆಯಲ್ಲಿ ಅಮೆಜಾನ್ ಭಾರತಕ್ಕೆ ತನ್ನ ಬದ್ಧತೆಯನ್ನು ಮರು ದೃಢೀಕರಿಸಿದೆ ಮತ್ತು 2030ರ ವೇಳೆಗೆ ದೇಶದಲ್ಲಿ ತನ್ನ ಎಲ್ಲ ವಹಿವಾಟುಗಳಲ್ಲಿ 35 ಬಿಲಿಯನ್ ಡಾಲರ್ ಮೀರಿ ಹೂಡಿಕೆ ಮಾಡುವ ಯೋಜನೆ ಹೊಂದಿದೆ. ದೇಶದಲ್ಲಿ ಉದ್ಯಮ ವಿಸ್ತರಣೆ ಹಾಗೂ ಮೂರು ಕಾರ್ಯತಂತ್ರೀಯ ಸ್ತಂಭಗಳಾದ ಎಐ ಪ್ರೇರಿತ ಡಿಜಿಟಲೀಕರಣ, ರಫ್ತು ಪ್ರಗತಿ ಮತ್ತು ಉದ್ಯೋಗಸೃಷ್ಟಿಗೆ ಆದ್ಯತೆ ನೀಡಲಿದೆ.

ಇದನ್ನೂ ಓದಿ: ಒಂದೇ ದಿನದಲ್ಲಿ ಬೆಳ್ಳಿ ಬೆಲೆ 11,500 ರೂ ಏರಿಕೆ; 1 ಕೆಜಿಗೆ 1.92 ಲಕ್ಷ | Silver price

ಈ ಬಗ್ಗೆ ಮಾತನಾಡಿದ ಅಮೆಜಾನ್ ಸೀನಿಯರ್ ವಿ.ಪಿ. ಎಮರ್ಜಿಂಗ್ ಮಾರ್ಕೆಟ್ಸ್ ಅಮಿತ್ ಅಗರ್ವಾಲ್, ಕಳೆದ 15 ವರ್ಷಗಳಿಂದ ಭಾರತದ ಡಿಜಿಟಲ್ ಪರಿವರ್ತನೆಯ ಪ್ರಯಾಣದ ಭಾಗವಾಗಿರಲು ನಾವು ಬಹಳ ಸಂತೋಷ ಹೊಂದಿದ್ದೇವೆ. ಭಾರತದಲ್ಲಿ ಅಮೆಜಾನ್ ಪ್ರಗತಿಯು ಆತ್ಮ ನಿರ್ಭರ ಭಾರತ ಮತ್ತು ವಿಕಸಿತ್ ಭಾರತದ ಧ್ಯೇಯೋದ್ದೇಶಕ್ಕೆ ಪರಿಪೂರ್ಣವಾಗಿ ಹೊಂದಿಕೊಂಡಿದೆ. ಭಾರತದಲ್ಲಿ ಸಣ್ಣ ವ್ಯಾಪಾರಗಳಿಗೆ ಭೌತಿಕ ಮತ್ತು ಡಿಜಿಟಲ್ ಮೂಲಸೌಕರ್ಯದಲ್ಲಿ ದೊಡ್ಡ ಪ್ರಮಾಣದಲ್ಲಿ ಹೂಡಿಕೆ ಮಾಡಿದ್ದು, ಲಕ್ಷಾಂತರ ಉದ್ಯೋಗಗಳನ್ನು ಸೃಷ್ಟಿಸಿದ್ದೇವೆ ಎಂದು ಹೇಳಿದ್ದಾರೆ.

ಭಾರತವನ್ನು ಜಾಗತಿಕವಾಗಿ ಕೊಂಡೊಯ್ದಿದ್ದೇವೆ. ಮುಂದೆ ನಾವು ಕೋಟ್ಯಂತರ ಮಂದಿ ಭಾರತೀಯರಿಗೆ ಎಐ ಲಭ್ಯತೆ ದೊರೆಯುವಂತೆ ಮಾಡಿ, 1 ಮಿಲಿಯನ್ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿ ಮತ್ತು 2030ರ ವೇಳೆಗೆ 80 ಬಿಲಿಯನ್ ಡಾಲರ್​ಗೆ ನಾಲ್ಕು ಪಟ್ಟು ಒಟ್ಟು ಇಕಾಮರ್ಸ್ ರಫ್ತು ಸಾಧ್ಯವಾಗಿಸುವ ಮೂಲಕ ಭಾರತದ ಪ್ರಗತಿಯ ವೇಗವರ್ಧಕವಾಗಿ ಮುಂದುವರಿಯಲು ಉತ್ಸುಕರಾಗಿದ್ದೇವೆ. ಅಲ್ಲದೆ, 2030ರಲ್ಲಿ ಅಮೆಜಾನ್ ಬಿಸಿನೆಸಸ್ 3.8 ಮಿಲಿಯನ್ ನೇರ, ಪರೋಕ್ಷ, ಪ್ರೇರಿತ ಮತ್ತು ಋತು ಆಧರಿತ ಉದ್ಯೋಗಗಳಿಗೆ ಬೆಂಬಲಿಸಲಿದೆ ಎಂದು ಅಮಿತ್ ಅಗರ್ವಾಲ್ ತಿಳಿಸಿದ್ಧಾರೆ.

ಭಾರತದ ಪ್ರಗತಿಯ ಕಥೆಯಲ್ಲಿ ಕಾರ್ಯತಂತ್ರೀಯ ಹೂಡಿಕೆ: 2030ರವೇಳೆಗೆ ಹೆಚ್ಚುವರಿ 35 ಬಿಲಿಯನ್ ಡಾಲರ್ ಹೂಡಿಕೆ ಯೋಜಿಸಿರುವ ಅಮೆಜಾನ್ ಡಿಜಿಟಲ್ ಪರಿವರ್ತನೆಯನ್ನು ಮತ್ತಷ್ಟು ವೃದ್ಧಿಸಲಿದೆ, ಮೂಲಸೌಕರ್ಯ ಸದೃಢಗೊಳಿಸಲಿದೆ ಮತ್ತು ದೇಶಾದ್ಯಂತ ಆವಿಷ್ಕಾರಕ್ಕೆ ಬೆಂಬಲಿಸಲಿದೆ. ಈ ಹೂಡಿಕೆಗಳು ಭಾರತದ ರಾಷ್ಟ್ರೀಯ ಆದ್ಯತೆಗಳಿಗೆ ಪೂರಕವಾಗಿವೆ ಮತ್ತು ವಿಸ್ತರಿಸುವ ಎಐ ಸಾಮರ್ಥ್ಯಗಳಿಗೆ ಆದ್ಯತೆ ನೀಡಲಿವೆ, ಲಾಜಿಸ್ಟಿಕ್ಸ್ ಮೂಲಸೌಕರ್ಯ ಹೆಚ್ಚಿಸಲಿವೆ, ಸಣ್ಣ ಉದ್ಯಮಗಳ ಪ್ರಗತಿ ಮತ್ತು ಉದ್ಯೋಗಸೃಷ್ಟಿಗೆ ನೆರವಾಗಲಿದೆ.

ಅಮೆಜಾನ್ 2024ರ ವೇಳೆಗೆ ಸುಮಾರು 2.8 ಮಿಲಿಯನ್ ನೇರ, ಪರೋಕ್ಷ, ಪ್ರೇರಿತ ಮತ್ತು ಋತು ಆಧರಿತ ಉದ್ಯೋಗಗಳಿಗೆ ಬೆಂಬಲಿಸಿದ್ದು ಇದರಲ್ಲಿ ತಂತ್ರಜ್ಞಾನ, ಲಾಜಿಸ್ಟಿಕ್ಸ್, ರೀಟೇಲ್ ಮತ್ತು ಸೃಜನಶೀಲ ಸೇವೆಗಳನ್ನು ಒಳಗೊಂಡಿದೆ. 2030ರ ವೇಳೆಗೆ ಕಂಪನಿಯು 3.8 ಮಿಲಿಯನ್ ನೇರ, ಪರೋಕ್ಷ, ಪ್ರೇರಿತ ಮತ್ತು ಋತು ಆಧರಿತ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವ ಯೋಜನೆ ಹೊಂದಿದೆ. ಇವುಗಳು ಅಮೆಜಾನ್ ನ ಉದ್ಯಮ ವಿಸ್ತರಣೆ ಹಾಗೂ ವೃದ್ಧಿಸುತ್ತಿರುವ ಫುಲ್ ಫಿಲ್ ಮೆಂಟ್ ಹಾಗೂ ಡೆಲಿವರಿ ಜಾಲವೂ ಒಳಗೊಂಡಿದ್ದು ಅದೇ ಸಮಯಕ್ಕೆ ಪ್ಯಾಕೇಜಿಂಗ್, ಉತ್ಪಾದನೆ ಮತ್ತು ಸಾರಿಗೆ ಸೇವೆಗಳನ್ನೂ ಬೆಂಬಲಿಸುತ್ತದೆ.

ಅಮೆಜಾನ್ ಗ್ಲೋಬಲ್ ಸೆಲ್ಲಿಂಗ್ 10 ವರ್ಷಗಳ ಕಾರ್ಯಾಚರಣೆಗಳನ್ನು ಪೂರೈಸಿದ್ದು ಭಾರತದಿಂದ ಅಮೆಜಾನ್ ಸನ್ನದ್ಧ ರಫ್ತು 20 ಬಿಲಿಯನ್ ಡಾಲರ್ ಮೀರಿದೆ. ಕಂಪನಿಯು 2030ರ ವೇಳೆಗೆ ಭಾರತದಿಂದ ಒಟ್ಟು ರಫ್ತು 80 ಬಿಲಿಯನ್ ಡಾಲರ್ ಮುಟ್ಟುವ ಗುರಿ ಹೊಂದಿದೆ. ಈ ಗುರಿಯತ್ತ ಗಮನಾರ್ಹ ಹೆಜ್ಜೆ ಇರಿಸುವ ನಿಟ್ಟಿನಲ್ಲಿ ಅಮೆಜಾನ್ ಇಂದು, ಆಕ್ಸಲರೇಟ್ ಎಕ್ಸ್ ಪೋರ್ಟ್ಸ್ ಎಂಬ ಉತ್ಪಾದನೆ ಕೇಂದ್ರಿತ ಉಪಕ್ರಮವನ್ನು ಪ್ರಾರಂಭಿಸಿದೆ.

ಇದು ಡಿಜಿಟಲ್ ಉದ್ಯಮಿಗಳನ್ನು ವಿಶ್ವಾಸಾರ್ಹ ಉತ್ಪಾದಕರೊಂದಿಗೆ ಸಂಪರ್ಕಿಸುತ್ತದೆ. ಅಲ್ಲದೆ ಉತ್ಪಾದಕರಿಗೆ ಯಶಸ್ವಿ ಜಾಗತಿಕ ಮಾರಾಟಗಾರರಾಗಲು ನೆರವಾಗುತ್ತದೆ. ಈ ಕಾರ್ಯಕ್ರಮದ ಭಾಗವಾಗಿ ಅಮೆಜಾನ್ ಭಾರತದಾದ್ಯಂತ ತಿರುಪೂರ್, ಕಾನ್ಪುರ್ ಮತ್ತು ಸೂರತ್ ಒಳಗೊಂಡು10 ಉತ್ಪಾದನಾ ಕ್ಲಸ್ಟರ್ ಗಳಲ್ಲಿ ಸ್ಥಳದಲ್ಲಿಯೇ ಸೇರ್ಪಡೆಯ ಕಾರ್ಯಕ್ರಮ ಆಯೋಜಿಸಲಿದೆ. ಸಂಭವ್ ಸಮಿಟ್ ನಲ್ಲಿ ಅಮೆಜಾನ್ ಭಾರತದ ಉಡುಪು ರಫ್ತು ಉತ್ತೇಜನ ಸಮಿತಿಯೊಂದಿಗೆ ಪ್ರಮುಖ ಸಹಯೋಗ ಪ್ರಕಟಿಸಿದೆ ಮತ್ತು ಭಾರತದಾದ್ಯಂತ ಈ ಕಾರ್ಯಕ್ರಮವನ್ನು ವಿಸ್ತರಿಸಲಿದೆ.

ಭಾರತದಾದ್ಯಂತ ಎಐ ಪ್ರಯೋಜನಗಳನ್ನು ವಿದ್ಯಾರ್ಥಿಗಳು, ಉದ್ಯಮಿಗಳು ಮತ್ತು ಗ್ರಾಹಕರಿಗೆ ತರುವುದು: ಅಮೆಜಾನ್ ನ ಸಮಗ್ರ ಎಐ ಬದ್ಧತೆಯು ಭಾರತದ ಡಿಜಿಟಲ್ ಕ್ಷೇತ್ರವನ್ನು ಬದಲಿಸಲಿದ್ದು 2030ರ ವೇಳೆಗೆ ಸರ್ಕಾರದ ಎಲ್ಲರಿಗೂ ಎಐ ಧ್ಯೇಯಕ್ಕೆ ಬೆಂಬಲಿಸಲಿದೆ.

1. ಎಐ ಪ್ರಯೋಜನಗಳನ್ನು 15 ಮಿಲಿಯನ್ ಸಣ್ಣ ವ್ಯಾಪಾರಗಳಿಗೆ ತರುವುದು, ಅಮೆಜಾನ್.ಇನ್ ನಲ್ಲಿ ಮಾರಾಟಗಾರರು ಈಗಾಗಲೇ ಸೆಲ್ಲರ್ ಅಸಿಸ್ಟೆಂಟ್, ನೆಕ್ಸ್ಟ್ ಜೆನ್ ಸೆಲ್ಲಿಂಗ್ ಮತ್ತಿತರೆ ಎಐ ಸನ್ನದ್ದ ಸಾಧನಗಳನ್ನು ಬಳಸುತ್ತಿದ್ದಾರೆ.

2. ವಿಶುಯಲ್ ಡಿಸ್ಕವರಿಗೆ ಲೆನ್ಸ್ ಎಐ, ಸಂವಹನೀಯ ಖರೀದಿಗೆ ರುಫುಸ್ ಮತ್ತು ಸಾಕ್ಷರತೆಯ ಅಡೆತಡೆ ನಿವಾರಿಸಲು ಬಹುಭಾಷಾ ಅನುಭವಗಳನ್ನು ನೀಡುವ ಮೂಲಕ ನೂರಾರು ಮಿಲಿಯನ್ ಜನರ ಖರೀದಿ ಅನುಭವಗಳನ್ನು ಉನ್ನತೀಕರಿಸಿದೆ.

3. ಮಿಲಿಯನ್ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳಿಗೆ ಎಐ ಶಿಕ್ಷಣ ಮತ್ತು ಉದ್ಯೋಗದ ಆವಿಷ್ಕಾರವನ್ನು ಎಐ ಪಠ್ಯಕ್ರಮ, ತಂತ್ರಜ್ಞಾನದ ಕೆರೀರ್ ಟೂರ್ಸ್, ಹ್ಯಾಂಡ್ಸ್-ಆನ್ ಎಐ ಸ್ಯಾಂಡ್ ಬಾಕ್ಸ್ ಅನುಭವಗಳು ಮತ್ತು ಶಿಕ್ಷಕ ತರಬೇತಿ ಕಾರ್ಯಕ್ರಮಗಳ ಮೂಲಕ ನೀಡಿದೆ. ಈ ಉಪಕ್ರಮವು ಭಾರತದ ರಾಷ್ಟ್ರೀಯ ಶಿಕ್ಷಣ ನೀತಿ 2020ಕ್ಕೆ ಬೆಂಬಲಿಸುತ್ತಿದ್ದು ಶಿಕ್ಷಣದಲ್ಲಿ ಅಮೆಜಾನ್ ತಂತ್ರಜ್ಞಾನದ ಪರಿಣಿತಿ ಮತ್ತು ಲಾಭರಹಿತ ಸಹಯೋಗಗಳ ಮೂಲಕ ಎಐ ಶಿಕ್ಷಣವನ್ನು ಪ್ರಜಾಸತ್ತೀಯಗೊಳಿಸುತ್ತಿದೆ,(ಏಜೆನ್ಸೀಸ್).