ದೇಶ

Alcohol Consumption: ಕಡಿಮೆ ಕುಡಿಯುತ್ತೇವೆ ಎಂದು ಸಂತೋಷವೇ? ಹುಷಾರ್​​... ಎಚ್ಚರಿಕೆ ಕೊಟ್ಟ ಹೊಸ ಅಧ್ಯಯನ!

Alcohol Consumption
Alcohol Consumption
Published on: 

ಪ್ರಮುಖ ಮುಖ್ಯಾಂಶಗಳು

  • ಇತ್ತೀಚಿನ ದಿನಗಳಲ್ಲಿ ದೇಶದಲ್ಲಿ ಮದ್ಯ ಸೇವನೆ ತೀವ್ರವಾಗಿ ಹೆಚ್ಚಾಗಿದೆ
  • ಇತ್ತೀಚಿನ ಅಧ್ಯಯನಗಳು ಆಘಾತಕಾರಿ ವಿಷಯಗಳನ್ನು ಬಹಿರಂಗೊಳಿಸಿವೆ
  • ಸ್ಥಳೀಯವಾಗಿ ತಯಾರಿಸಿದ ಮದ್ಯ (ದೇಸಿ ದಾರು ಮುಂತಾದವು) ಸೇವಿಸುವವರಲ್ಲಿ ಬಾಯಿ ಕ್ಯಾನ್ಸರ್​ ಅಪಾಯ 87% ತನಕ ಏರುತ್ತದೆ ಎಂದು ಅಧ್ಯಯನ ಬಹಿರಂಗಪಡಿಸಿದೆ.
ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ದೇಶದಲ್ಲಿ ಮದ್ಯ ಸೇವನೆ ತೀವ್ರವಾಗಿ ಹೆಚ್ಚಾಗಿದೆ. ಒಂದು ಕಾಲದಲ್ಲಿ ಸಾಮಾನ್ಯವಾಗಿ 30-40 ವರ್ಷ ವಯಸ್ಸಿನವರು ಮಾತ್ರ ಮದ್ಯ ಸೇವಿಸುತ್ತಿದ್ದರು. ಆದರೆ, ಇದೀಗ ಶಾಲಾ ಮಕ್ಕಳು ಸಹ ಇದಕ್ಕೆ ದಿನದಿನಕ್ಕೆ ವ್ಯಸನಿಯಾಗುತ್ತಿದ್ದಾರೆ. ಹೀಗಾಗಿ, ಮದ್ಯದಿಂದ ಅನೇಕ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತಿವೆ. ಆದರೆ, ಕೆಲವರು ನಾವು ಕಡಿಮೆ ಮಾತ್ರ ಕುಡಿಯುತ್ತೇವೆ ಮತ್ತು ನಮಗೆ ಯಾವುದೇ ರೋಗಗಳು ಬರುವುದಿಲ್ಲ ಎಂದು ಭಾವಿಸುತ್ತಾರೆ. ಆದರೆ ಇತ್ತೀಚಿನ ಅಧ್ಯಯನಗಳು ಆಘಾತಕಾರಿ ವಿಷಯಗಳನ್ನು ಬಹಿರಂಗೊಳಿಸುವ ಮೂಲಕ ಅಂತಹ ಜನರನ್ನು ಬೆಚ್ಚಿಬೀಳಿಸಿವೆ.
ದಿನಕ್ಕೆ ಕೇವಲ ಒಂದು ಸ್ಟ್ಯಾಂಡರ್ಡ್ ಡ್ರಿಂಕ್ (ಸುಮಾರು 9 ಗ್ರಾಂ ಆಲ್ಕೋಹಾಲ್) ಸೇವಿಸಿದರೂ ಬಾಯಿಯ ಕ್ಯಾನ್ಸರ್ (ಬ್ಯೂಕಲ್ ಮ್ಯೂಕೋಸಾ ಕ್ಯಾನ್ಸರ್) ಬರುವ ಅಪಾಯ 50% ಹೆಚ್ಚಾಗುತ್ತದೆ ಎಂದು ಹೊಸ ಅಧ್ಯಯನ ಬೆಳಕು ಚೆಲ್ಲಿದೆ.
ಹೌದು, BMJ ಗ್ಲೋಬಲ್ ಹೆಲ್ತ್ ಜರ್ನಲ್‌ನಲ್ಲಿ ಪ್ರಕಟವಾದ ಈ ಸಂಶೋಧನೆಯ ಪ್ರಕಾರ, ಬಾಯಿ ಕ್ಯಾನ್ಸರ್‌ಗೆ ಮದ್ಯ ಸೇವನೆಯಲ್ಲಿ ಯಾವುದೇ ಸುರಕ್ಷಿತ ಮಿತಿಯಿಲ್ಲ. ಸ್ಥಳೀಯವಾಗಿ ತಯಾರಿಸಿದ ಮದ್ಯ (ದೇಸಿ ದಾರು ಮುಂತಾದವು) ಸೇವಿಸುವವರಲ್ಲಿ ಅಪಾಯ 87% ತನಕ ಏರುತ್ತದೆ ಎಂದು ಅಧ್ಯಯನ ಬಹಿರಂಗಪಡಿಸಿದೆ.
ಟಾಟಾ ಮೆಮೋರಿಯಲ್ ಸೆಂಟರ್‌ನ ಸೆಂಟರ್ ಫಾರ್ ಕ್ಯಾನ್ಸರ್ ಎಪಿಡೆಮಿಯಾಲಜಿ ಮತ್ತು ಅಂತಾರಾಷ್ಟ್ರೀಯ ಕ್ಯಾನ್ಸರ್ ಸಂಶೋಧನಾ ಸಂಸ್ಥೆ (IARC) ಸಹಯೋಗದಲ್ಲಿ ನಡೆದ ಈ ಬೃಹತ್ ಅಧ್ಯಯನದಲ್ಲಿ 2010-2021ರ ಅವಧಿಯಲ್ಲಿ 1,803 ಬಾಯಿ ಕ್ಯಾನ್ಸರ್ ರೋಗಿಗಳು ಮತ್ತು 1,903 ಆರೋಗ್ಯವಂತರನ್ನು ಒಳಗೊಂಡಂತೆ 3,706 ಜನರನ್ನು ಪರೀಕ್ಷಿಸಲಾಗಿದೆ.

ಫಲಿತಾಂಶಗಳು ಆಘಾತಕಾರಿ

ಭಾರತದಲ್ಲಿ ಬಾಯಿ ಕ್ಯಾನ್ಸರ್ ಪ್ರಕರಣಗಳಲ್ಲಿ 11.3% ಮದ್ಯ ಸೇವನೆಗೆ ಸಂಬಂಧಿಸಿದ್ದು, ಮದ್ಯ ಮತ್ತು ತಂಬಾಕು ಚಪ್ಪರಿಸುವಿಕೆಯ ಸಂಯೋಜನೆಯಿಂದ 62% ಪ್ರಕರಣಗಳು ಸಂಭವಿಸುತ್ತವೆ.

ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ

"ಬಾಯಿ ಕ್ಯಾನ್ಸರ್ ಅಪಾಯಕ್ಕೆ ಮದ್ಯ ಸೇವನೆಯಲ್ಲಿ ಸುರಕ್ಷಿತ ಮಟ್ಟವೇ ಇಲ್ಲ. ಸ್ಥಳೀಯ ಮದ್ಯದಲ್ಲಿ ಮೆಥನಾಲ್, ಅಸೆಟಾಲ್ಡಿಹೈಡ್‌ನಂತಹ ವಿಷಕಾರಕಗಳ ಮಿಶ್ರಣದಿಂದ ಅಪಾಯ ಹೆಚ್ಚು." ಭಾರತದಲ್ಲಿ ಬಾಯಿ ಕ್ಯಾನ್ಸರ್ ಪುರುಷರಲ್ಲಿ ಅತ್ಯಂತ ಸಾಮಾನ್ಯ ಕ್ಯಾನ್ಸರ್‌ಗಳಲ್ಲಿ ಒಂದು. ಮೇಘಾಲಯ, ಅಸ್ಸಾಂ, ಮಧ್ಯಪ್ರದೇಶದಂತಹ ರಾಜ್ಯಗಳಲ್ಲಿ ಮದ್ಯಕ್ಕೆ ಸಂಬಂಧಿಸಿದ ಪ್ರಕರಣಗಳು 14% ತನಕ ಇವೆ.

ತಜ್ಞರು ಸಲಹೆ

ಮದ್ಯ ಮತ್ತು ತಂಬಾಕು ನಿಯಂತ್ರಣ ನೀತಿಗಳನ್ನು ಬಲಪಡಿಸಿ ಬಾಯಿ ಕ್ಯಾನ್ಸರ್‌ನ್ನು ಹೆಚ್ಚಿನ ಮಟ್ಟದಲ್ಲಿ ತಡೆಗಟ್ಟಬಹುದು. ಆಲ್ಕೋಹಾಲ್ ಬಾಟಲ್‌ಗಳ ಮೇಲೆ ಕ್ಯಾನ್ಸರ್ ಎಚ್ಚರಿಕೆ ಲೇಬಲ್ ಕಡ್ಡಾಯಗೊಳಿಸುವಂತೆ ಒತ್ತಾಯಿಸಲಾಗಿದೆ,(ಏಜೆನ್ಸೀಸ್​).
Health
Body
Drink
Alcohol consumption
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net