ಏರ್​ ಇಂಡಿಯಾ 300 ಅಡಿ ಕುಸಿತ: ಪೈಲೆಟ್​​ಗಳ ವೈದ್ಯಕೀಯ ಪರೀಕ್ಷೆಯಲ್ಲಿ ಗಾಂಜಾ ಪತ್ತೆ; ಲೈಸನ್ಸ್ ರದ್ದು! Air India Pilot Drug Test

ನವದೆಹಲಿ: ಆಗಸ್ಟ್​ 4 ರಂದು ಥೈಲ್ಯಾಂಡ್ ರಾಜಧಾನಿ ಫುಕೆಟ್​ನಿಂದ ದೆಹಲಿಗೆ ಆಗಮಿಸುತ್ತಿದ್ದ ಏರ್​ ಇಂಡಿಯಾ ವಿಮಾನ 300 ಅಡಿ ಕುಸಿತ ಕಂಡಿದ್ದ ಸುದ್ದಿ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು. ಈಗ ಈ ವಿಮಾನದ ಪೈಲೆಟ್​​ಗಳನ್ನು ವೈದ್ಯಕೀಯ ಚಿಕಿತ್ಸೆ (Air India Pilot Drug Test) ಗೆ ಒಳಪಡಿಸಲಾಗಿದ್ದು ಇಬ್ಬರು ಪೈಲೆಟ್​ಗಳಲ್ಲಿ ಒಬ್ಬ ಮಾದಕ ವಸ್ತು (ಗಾಂಜಾ) ಸೇವಿಸಿದ್ದಾಗಿ ತಿಳಿದು ಬಂದಿದೆ.

ವಿಮಾನ ಆಗಸದಲ್ಲಿದ್ದಾಗ ದಿಢೀರ್​​ ಟರ್ಬುಲೆನ್ಸ್​​ ಉಂಟಾಗಿ ವಿಮಾನದಲ್ಲಿದ್ದ ಒಟ್ಟು 142 ಪ್ರಯಾಣಿಕರು ಹಾಗೂ 8 ಕ್ರೂ ಸಿಬ್ಬಂದಿಗಳಲ್ಲಿ 134 ಪ್ರಯಾಣಿಕರು ಹಾಗೂ 4 ಕ್ರೂ ಸದಸ್ಯರು ತೀವ್ರ ಗಾಯಗೊಂಡಿದ್ದರು.

ಈ ಅವಗಢದ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ ವಿಮಾನ ಅಪಘಾತ ತನಿಖಾ ಬ್ಯೂರೋ (AAIB) ವಿಮಾನದ ಇಬ್ಬರು ಪೈಲೆಟ್​ಗಳನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ, ಒಬ್ಬ ಪೈಲೆಟ್​​ ಗಾಂಜಾ ಸೇವಿಸಿದ ಬಗ್ಗೆ ವರದಿ ದೊರೆತಿದೆ. ಹಾಗೂ ಈ ಇಬ್ಬರು ಪೈಲೆಟ್​ಗಳ ಪರವಾನಗಿಯನ್ನು ಡಿಜಿಸಿಎ ರದ್ದುಗೊಳಿಸಿ ಆದೇಶಿಸಿದೆ.

ವಿಮಾನ ಒಂದೇ ಸಮನೇ 300 ಅಡಿ ಕುಸಿತ ಕಂಡಿದ್ದು, ಆಟೋ ಪೈಲೆಟ್​ ಮೊಡ್ ಕೂಡ ಕಾರ್ಯನಿರ್ವಹಿಸೆ ಇರುವುದು ಕೆಲಕಾಲ ಗಾಭರಿಗೆ ಕಾರಣವಾಗಿದೆ. ಪೈಲೆಟ್​ಗಳ ಯಾವುದೇ ಮುನ್ನೆಚ್ಚರಿಕೆ ಇಲ್ಲದೆ, ಈ ಘಟನೆ ನಡೆದ ಪರಿಣಾಮ ಹಲವು ಪ್ರಯಾಣಿಕರು ತಮ್ಮ ಆಸನದಿಂದ ಕೆಳಕ್ಕೆ ಬಿದ್ದು ಗಾಯ ಮಾಡಿಕೊಂಡಿದ್ದಾರೆ.

ಆದರೆ, ಈ ಅವಗಢ ದೊಡ್ಡ ದುರಂತವಾಗಿ ಬದಲಾವಣೆ ಕಾಣುವಲ್ಲಿ ವಿಫಲವಾಗಿದ್ದು, ನೆಮ್ಮದಿಯ ಸಂಗತಿಯಾಗಿದ್ದು, ಇನ್ಮುಂದೆ ಪೈಲೆಟ್​ಗಳ ಆಯ್ಕೆ ಹಾಗೂ ಅವರ ವೈದ್ಯಕೀಯ ಪರೀಕ್ಷೆ ಕಡ್ಡಾಯದತ್ತ ಗಮನಹರಿಸುವುದು ಸೂಕ್ತ ಎನ್ನುವುದು ಜನ ಸಾಮಾನ್ಯರ ಅಭಿಪ್ರಾಯವಾಗಿದೆ, (ಏಜನ್ಸೀಸ್​).