ಕೇರಳದಲ್ಲಿ 350 KG ತೂಕದ ದೈತ್ಯ ಶಾರ್ಕ್ ಸೆರೆ: ಮಾರಾಟವಾದ ಬೆಲೆ ಕೇಳಿದ್ರೆ ಬೆರಗಾಗ್ತೀರಾ! ಇದನ್ನು ತಿಂತಾರಾ? Achini shark

ಕೊಚ್ಚಿ: ಕೇರಳದ ವಿಳಿಂಜಂ ಮೀನುಗಾರಿಕಾ ಬಂದರಿಗೆ ಆಗಮಿಸಿದ ಬೃಹತ್ ಅಚಿನಿ ಶಾರ್ಕ್ ( Achini shark ), ಹರಾಜಿನಲ್ಲಿ 83 ಸಾವಿರ ರೂ. ಮಾರಾಟವಾಗಿದೆ. ಈ ಶಾರ್ಕ್​ ಸುಮಾರು 350 ಕೆಜಿ ತೂಕವಿದೆ. ಈ ವರ್ಷ ಸುಮಾರು ಹತ್ತು ಬೃಹತ್ ಶಾರ್ಕ್‌ಗಳು ವಿಳಿಂಜಂ ಮೀನುಗಾರಿಕಾ ಬಂದರಿಗೆ ಆಗಮಿಸಿವೆ ಎಂದು ವರದಿಯಾಗಿದೆ.

ಬಂದರಿಗೆ ಆಗಮಿಸಿದ ಶಾರ್ಕ್​ ಮೀನನ್ನು ಮೀನುಗಾರರು ದಡಕ್ಕೆ ತರಲು ತುಂಬಾ ಶ್ರಮಿಸಿದರು. ಕೊನೆಗೆ ಹೇಗೋ ಕಷ್ಟಪಟ್ಟು ಭಾರಿ ಗಾತ್ರದ ಮೀನನ್ನು ದಡಕ್ಕೆ ತರುವಲ್ಲಿ ಯಶಸ್ವಿ ಸಹ ಆದರು. ಈ ವೇಳೆ ದೈತ್ಯ ಮೀನನ್ನು ಕಣ್ತುಂಬಿಕೊಳ್ಳಲು ನೂರಾರು ಮಂದಿ ಸ್ಥಳದಲ್ಲಿ ಜಮಾಯಿಸಿದರು ಮತ್ತು ತಮ್ಮ ಮೊಬೈಲ್​ಗಳನ್ನು ಜೇಬಿಂದ ತೆಗೆದು, ಫೋಟೋಗಳನ್ನು ಸೆರೆಹಿಡಿದುಕೊಂಡರು.

ಇನ್ನೂ ಶಾರ್ಕ್​ ಮೀನುಗಳ ರೆಕ್ಕೆಗಳನ್ನು ಒಣಗಿಸಿ ಔಷಧಿ ತಯಾರಿಸಲು ಬಳಸಲಾಗುತ್ತದೆ. ಮೀನುಗಾರರು ಅವುಗಳ ತುಪ್ಪವನ್ನು ಮೀನಿನ ಎಣ್ಣೆ ಮಾತ್ರೆಗಳನ್ನು ತಯಾರಿಸಲು ಮತ್ತು ಅವುಗಳ ಹಲ್ಲುಗಳನ್ನು ಅಲಂಕಾರಿಕ ಹಾರಗಳನ್ನು ತಯಾರಿಸಲು ಬಳಸುತ್ತಾರೆ ಎಂದು ಹೇಳುತ್ತಾರೆ, (ಏಜೆನ್ಸೀಸ್​).