ಕಾರು ಅಪಘಾತದಲ್ಲಿ ದಕ್ಷಿಣ ಭಾರತದ ಖ್ಯಾತ ನಿರ್ಮಾಪಕ ಆರ್​​ಬಿ ಚೌಧರಿ ನಿಧನ; ಅಪ್ಪನನ್ನು ಕಂಡು ಗಳಗಳನೇ ಅತ್ತ ನಟ ಜೀವ..RB Choudary

ಮೇ.5ರ ರಾತ್ರಿ ರಾಜಸ್ಥಾನದ ಉದಯಪುರ ಸಮೀಪದಲ್ಲಿ ಅಪಘಾತ ಸಂಭವಿಸಲಾಗಿದೆ ಎನ್ನಲಾಗಿದೆ. ಇಂದು ಅವರ ಪಾರ್ಥೀವ ಶರೀರವನ್ನು ಚೆನ್ನೈಗೆ ತರಲಾಗುವುದು ಎಂದು ಮಾಹಿತಿ ಹೊರಬಿದ್ದಿದೆ. ಆರ್​ಬಿ  ಚೌಧರಿ ಅವರು ಸೂಪರ್​ ಗುಡ್​​ ಫಿಲ್ಮ್ಸ್​​ನ ಸಂಸ್ಥಾಪಕರು ಹಾಗು ಖ್ಯಾತ ನಿರ್ಮಾಪಕರು. 

ಆರ್‌ಬಿ ಚೌಧರಿ ಅವರು ತಮ್ಮ ಸಂಸ್ಥೆಯಡಿ ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಚಲನಚಿತ್ರಗಳನ್ನು ನಿರ್ಮಿಸುವಲ್ಲಿ ಹೆಸರುವಾಸಿಯಾಗಿದ್ದರು. ನಾಲ್ಕಕ್ಕೂ ಹೆಚ್ಚು ದಶಕಗಳ ಕಾಲ ನಡೆಸಿದ ವೃತ್ತಿ ಜೀವನದಲ್ಲಿ ಹಲವು ಸಿನಿಮಾಗಳು ಸೂಪರ್​ ಹಿಟ್ ಆಗಿವೆ. ಕೆಎಸ್ ರವಿಕುಮಾರ್, ವಿಕ್ರಮನ್, ಎಸ್ ಎಳಿಲ್, ರಾಜಕುಮಾರನ್, ಶಶಿ ಮತ್ತು ರವಿ ಮಾರಿಯಾ ಸೇರಿದಂತೆ 34 ಕ್ಕೂ ಹೆಚ್ಚು ನಿರ್ದೇಶಕರನ್ನು ಪರಿಚಯಿಸುವ ಖ್ಯಾತಿ ಗಳಿಸಿದ್ದಾರೆ. 

ಹೆಸರಾಂತ ನಾಯಕನ ನಿಧನಕ್ಕೆ ಸಿನಿಮಾ ದಿಗ್ಗಜರಾದ ಚಿರಂಜೀವಿ, ಪವನ್​ ಕಲ್ಯಾಣ್​, ಕಮಲ್​ ಹಾಸನ್​​ ನಾನಿ, ವಂಕಟೇಶ್​ ದಗ್ಗುಬಾಟಿ ಸಂತಾಪ ಸಲ್ಲಿಸಿದ್ದಾರೆ. ನನ್ನ ಆತ್ಮೀಯ ಸ್ನೇಹಿತ ಮತ್ತು ಹೆಸರಾಂತ ನಿರ್ಮಾಪಕ ನಮ್ಮನ್ನು ಅಗಲಿದ್ದಾರೆ. ಹೆಸರಾಂತ ಯುವ ನಿರ್ದೇಶಕರಿಗೆ  ಅವಕಾಶ ಕೊಟ್ಟಿದ್ದಾರೆ. ಚಲನಚಿತ್ರ ಜಗತ್ತನ್ನು ಜೀವಂತವಾಗಿರಿಸಿದ್ದಾರೆ.  ಅವರ ಅಕಾಲಿಕ ಮರಣದ ಸುದ್ದಿ ನನಗೆ ತೀವ್ರ ಆಘಾತ ಮತ್ತು ಅಪಾರ ದುಃಖವನ್ನುಂಟು ಮಾಡಿದೆ ಎಂದು ಸೂಪರ್​ ಸ್ಟಾರ್ ರಜನೀಕಾಂತ್​ ಅವರು ಟ್ವೀಟ್ ಮಾಡಿದ್ದಾರೆ.

ಇಂದು ದಳಪತಿ ವಿಜಯ್​​ ಅವರು ಸ್ಟಾರ್​ ಆಗಿರಬಹುದು ಆದರೆ, ಸಿನಿಮಾ ರಂಗಕ್ಕೆ ಅವರು ಕಾಲಿಟ್ಟಾಗ  ಹಲವು ಸೋಲನ್ನು ಕಂಡಿದ್ದರು. ಆಗ ಕೈ ಹಿಡಿದಿದ್ದು ಚೌಧರಿ ಅವರು. 1996ರಲ್ಲಿ ತೆರೆಕಂಡ 'ಪೂವೇ ಉನಕ್ಕಾಗ' ಚಿತ್ರ ವಿಜಯ್ ವೃತ್ತಿಜೀವನಕ್ಕೆ ಹೊಸ ತಿರುವು ನೀಡಿತು. 'ಲವ್ ಟುಡೇ', 'ತುಳ್ಳಾದ ಮನಮುಮ್ ತುಳ್ಳುಮ್', 'ಜಿಲ್ಲಾ' ನಂತಹ ಬ್ಲಾಕ್ ಬಸ್ಟರ್ ಚಿತ್ರಗಳನ್ನು ನೀಡುವ ಮೂಲಕ ವಿಜಯ್ ಸಾಕಷ್ಟು ಸಕ್ಸಸ್ ಕಂಡರು, (ಏಜೆನ್ಸೀಸ್).