ಹೆಣ್ಣು ಗೋಡೆ ಮೇಲೂ ಸುರಕ್ಷಿತಳಲ್ಲ! ಮಹಿಳೆಯ ಚಿತ್ರದೊಟ್ಟಿಗೆ ಯುವಕರ ಅಸಭ್ಯ ವರ್ತನೆ; ವೈರಲ್​ ವಿಡಿಯೋಗೆ ನಟಿ ಭೂಮಿ ಪೆಡ್ನೇಕರ್ ಆಕ್ರೋಶ! Bhumi Pednekar on Women Safety

ಮುಂಬೈ: ಇತ್ತೀಚೆಗೆ ಸ್ವಿಮಿಂಗ್​ಪೂಲ್​ವೊಂದರಲ್ಲಿ ಚಿತ್ರಿಸಲಾಗಿದ್ದ ಮಹಿಳೆಯ ಚಿತ್ರದೊಂದಿಗೆ ಕೆಲ ಪುರುಷರು ಅಸಭ್ಯವಾಗಿ ವರ್ತಿಸಿದ ವಿಡಿಯೋವೊಂದು ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗಿತ್ತು. ಈಗ ಈ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಬಾಲಿವುಡ್​ ನಟಿ ಭೂಮಿ ಪೆಡ್ನೇಕರ್ (Bhumi Pednekar on Women Safety) ವಿಡಿಯೋದಲ್ಲಿರುವ ಪುರಷರ ಮೇಲೆ ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದ ವಿಡಿಯೋವನ್ನು ಹಂಚಿಕೊಂಡಿರುವ ಭೂಮಿ, ಹೆಣ್ಣು ಗೋಡೆ ಮೇಲೆ ಸಹ ಸುರಕ್ಷಿವಾಗಿಲ್ಲ, ಇದು ಯುವಕರ ಕಿಳು ಮಾನಸಿಕತೆಯನ್ನು ತೋರಿಸುತ್ತದೆ. ಇದೇ ಜನರು ರಸ್ತೆಯಲ್ಲಿ ಸಿಕ್ಕ-ಸಿಕ್ಕವರ ಮೇಲೆ ಹಲ್ಲೆ ನಡೆಸುತ್ತಾರೆ. ಇಂತವರಿಗೆ ಹೇಳಲು ಶಬ್ದವಿಲ್ಲ, ಈ ಯುವಕರ ಮೇಲೆ ಕಠಿಣ ಕ್ರಮವನ್ನು ತೆಗೆದುಕೊಳ್ಳಬೇಕೆಂದು ನಾನು ಆಗ್ರಹಿಸುತ್ತೆ ಎಂದು ನಟಿ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಬರೆದುಕೊಂಡಿದ್ದಾರೆ.

ಜನವರಿ ತಿಂಗಳಲ್ಲಿ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಮನುಕುಲ ತಲೆತಗ್ಗಿಸುವ ಘಟನೆಯೊಂದು ನಡೆದಿತ್ತು. ಕೇವಲ ಆರು ವರ್ಷದ ಹೆಣ್ಣು ಮಗು ಮೇಲೆ 10,13 ಹಾಗೂ 14 ವಯಸ್ಸಿನ ಅಪ್ರಾಪ್ತ ಬಾಲಕರು ಅತ್ಯಾಚಾರ ವೆಸಗಿದ್ದರು.

ಈ ಘಟನೆ ಕುರಿತು ಮಾತನಾಡಿದ್ದ ನಟಿ ಭೂಮಿ ಪೆಡ್ನೇಕರ್, ನಮ್ಮ ದೇಶದಲ್ಲಿ ಏನು ನಡೆಯುತ್ತಿದೆ, ದೆಹಲಿಯ ಈ ಘಟನೆ ನನ್ನ ಮನಸ್ಸನ್ನು ಘಾಸಿಗೊಳಿಸಿದೆ. ಈ ಹೀನ ಕೃತ್ಯವನ್ನು ಮಾಡಿದ ಆ ಬಾಲಕರು ಯಾವ ವಾತಾವರಣದಲ್ಲಿ ಬೆಳೆದಿರಬಹುದು? ನಮ್ಮ ದೇಶದಲ್ಲಿ ನಾಯಿಗಳಿಗೆ ನೀಡುವ ಶಿಕ್ಷೆಯನ್ನು ಅಪರಾಧಿಗಳಿಗೆ ನೀಡುವಲ್ಲಿ ವಿಫಲವಾಗಿದ್ದೆವೆಂದು ಆಕ್ರೋಶ ಹೊರಹಾಕಿದ್ದರು, (ಏಜನ್ಸೀಸ್​).