ಕಾರಿಗೆ ಸಣ್ಣ ಸ್ಕ್ರ್ಯಾಚ್​... ಪೊಲೀಸ್ ಪೇದೆಯನ್ನು ಕಾರಿನಿಂದ ಎಳೆದು ನಡುರಸ್ತೆಯಲ್ಲಿ ಥಳಿಸಿದ ಯುವಕರು; 14 ಮಂದಿ ಬಂಧನ! Nagpur Police Attacked

ನಾಗ್ಪುರ​​: ಕ್ಷುಲ್ಲಕ ಕಾರಣಕ್ಕೆ ಪೊಲೀಸ್​ ಪೇದೆಯೊಬನನ್ನು ವಾಹನದಿಂದ ಎಳೆದು ರಸ್ತೆಯಲ್ಲಿ ಥಳಿಸಿರುವ ಘಟನೆ ಮಹಾರಾಷ್ಟ್ರದ ನಾಗ್ಪುರ (Nagpur Police Attacked) ದಲ್ಲಿ ವರದಿಯಾಗಿದೆ. ಈ ಘಟನೆಯು ಜೂನ್​ 28 ರಂದು ನಡೆದಿದ್ದು, ಜೀಪಿನಲ್ಲಿದ್ದ ಪೊಲೀಸ್​ನನ್ನು ಬೈಕಿನೊಂದಿಗೆ ಬಂದ ಯುವಕರು ಹಲ್ಲೆ ನಡೆಸಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಹಲ್ಲೆಗೊಳಲಾದ 35 ವರ್ಷದ ಪೊಲೀಸ್​ ಪೇದೆ ತನ್ನ ಗೆಳತಿ ಜೊತೆ ತಮ್ಮ ಖಾಸಗಿ ಕಾರಿನಲ್ಲಿ ಮಂಕಾಪುರ ಚೌಕ್​ನತ್ತ ಸಾಗುತ್ತಿದ್ದರು. ಈ ವೇಳೆ ಅಲ್ಲಿದ್ದ ಬೈಕ್​ವೊಂದು ಕಾರಿಗೆ ಡಿಕ್ಕಿ ಹೊಡೆದು, ಸಣ್ಣ ಗಿರು ಬಿದ್ದಿದೆ. ಇದೇ ಕಾರಣಕ್ಕೆ ಕಾರಿನಲ್ಲಿದ್ದ ಪೇದೆ ಮತ್ತು ಬೈಕ್​ನಲ್ಲಿದ್ದ ಯುವಕನಿಗೆ ವಾಗ್ವಾದ ನಡೆದಿದೆ.

ಈ ಘಟನೆ ಬಳಿಕ ತೀವ್ರವಾಗಿ ಗಾಯಗೊಂಡಿದ್ದ ಪೊಲೀಸ್​ ಪೇದೆಯನ್ನು ಹತ್ತಿರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸ್​ ಇಲಾಖೆ ಅಧಿಕಾರಿಗಳು ಆಸ್ಪತ್ರೆಗೆ ಆಗಮಿಸಿ ಮಾಹಿತಿ ಪಡೆದು, ಧೈರ್ಯ ನೀಡಿದ್ದಾರೆಂದು ತಿಳಿದು ಬಂದಿದೆ.

ಇನ್ನೊಂದು ಕಡೆ ಪೊಲೀಸರು ಸುಮಾರು 14 ಜನರನ್ನು ಈ ಪ್ರಕರಣದಲ್ಲಿ ಬಂಧಿಸಿದ್ದಾರೆಂದು ತಿಳಿದು ಬಂದಿದೆ. ಬಂಧಿತ ಆರೋಪಿಗಳನ್ನು ಹರ್ಷ್ ಪವಾರ್, ಗೌರವ್ ಧಿರ್ಡೆ, ಸಂಯಮ್ ಗಣೇಶಪುರಿ, ಯಾಸ್ ಪ್ರತೀಕಿ, ಸತ್ಯಂ ಶಿರ್ಕೆ, ಪ್ರೇಮ್‌ರಾಜ್ ಢಕಾಟೆ, ಆಕಾಶ್ ಬೊಕಡೆ, ನಿತಿನ್ ಗೋಖಲೆ, ವಿಕ್ಕಿ ತೇಲ್ಘರೆ, ಸಾಗರ್ ಬೊಕ್ಡೆ, ಗಣೇಶ್ ಉಯಿಕೆ, ಪ್ರೀತಮ್ ಮೋಡೆಕರ್ ಮತ್ತು ಟಿಕಾರಾಂ ಬಾರಾಪತ್ರೆ ಎಂದು ಗುರುತಿಸಲಾಗಿದೆ.

ಬಂಧಿತ ಆರೋಪಿಗಳಿಂದ ಸುಮಾರು 5.6 ಲಕ್ಷ ಮೌಲ್ಯದ ಐದು ಬೈಕ್​ಗಳನ್ನು ವಶಕ್ಕೆ ಪಡೆಯಲಾಗಿದ್ದು, ವಿಚಾರಣೆ ಮುಂದುವರಿದಿದೆ ಎಂದು ಪೊಲೀಸ್​ ಮೂಲಗಳು ತಿಳಿಸಿವೆ, (ಏಜನ್ಸೀಸ್​).