ನಕ್ಸಲಿಸಂಗೆ ಭಾರಿ ಹೊಡೆತ: 18 ಮಹಿಳೆಯರು ಸೇರಿ ಮತ್ತೆ 63 ನಕ್ಸಲರು ಪೊಲೀಸರ ಮುಂದೆ ಶರಣಾಗತಿ | Naxalites surrender

ರಾಯ್​ಪುರ: ಕೇಂದ್ರ ಸರ್ಕಾರದ ಆಪರೇಷನ್ ಕಗಾರ್​ನಿಂದ ಭಾರಿ ಹಿನ್ನಡೆ ಕಂಗಾಲಾಗಿರುವ ನಕ್ಸಲಿಸಂಗೆ ಮತ್ತೊಮ್ಮೆ ಭಾರಿ ಹೊಡೆತ ಬಿದ್ದಿದ್ದು, ಇಂದು(ಜ. 09) ಛತ್ತೀಸ್​ಗಢದ ದಂತೇವಾಡದಲ್ಲಿ 18 ಮಹಿಳೆಯರು ಸೇರಿ 63 ನಕ್ಸಲರು(Naxalites surrender) ಪೊಲೀಸರ ಮುಂದೆ ಶರಣಾಗಿದ್ದಾರೆ ಎಂದು ವರದಿಯಾಗಿದೆ.

ಛತ್ತೀಸ್​ಗಢ ಸರ್ಕಾರದ ಮನೆಗೆ ಹಿಂತಿರುಗಿ ಅಭಿಯಾನದ ಭಾಗವಾಗಿ ಪಶ್ಚಿಮ ಬಸ್ತಾರ್ ವಿಭಾಗೀಯ ಸಮಿತಿಯ ಕಾರ್ಯದರ್ಶಿ ಮೋಹನ್ ಕಡ್ತಿ ತಮ್ಮ ಪತ್ನಿ ಸೇರಿ ಬೆಂಬಲಿಗರೊಂದಿಗೆ ಪೊಲೀಸರ ಮುಂದೆ ಶರಣಾಗಿದ್ದಾರೆ. ಈ ವೇಳೆ ತಮ್ಮ ಬಳಿಯಿದ್ದ ಎಲ್ಲಾ ಶಸ್ತ್ರಾಸ್ತ್ರಗಳನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಶರಣಾದ ಎಲ್ಲಾ ನಕ್ಸಲರ ಮೇಲೆ 1 ಕೋಟಿ ರೂ. ಬಹುಮಾನವಿತ್ತು ಎನ್ನಲಾಗಿದೆ.

2026 ಮಾರ್ಚ್ 31ರೊಳಗೆ ದೇಶದಲ್ಲಿ ನಕ್ಸಲಿಸಂ ಕೊನೆಯಾಗಬೇಕೆಂದು ಪಣತೊಟ್ಟಿರುವ ಕೇಂದ್ರ ಸರ್ಕಾರ, ಅದಕ್ಕಾಗಿ ಭದ್ರತಾ ಪಡೆಗಳಿಂದ ಆಪರೇಷನ್ ಕಾಗರ್ ಕಾರ್ಯಾಚರಣೆಯನ್ನು ಆರಂಭಿಸಿದೆ. ದೇಶದ ಬಹುತೇಕ ಎಲ್ಲಾ ರಾಜ್ಯಗಳಲ್ಲಿ ನಕ್ಸಲರ ಪ್ರಭಾವ ಕಡಿಮೆಯಾಗಿದ್ದು, ಛತ್ತೀಸ್​ಗಢದಲ್ಲಿ ಇನ್ನೂ ಸ್ವಲ್ಪಮಟ್ಟಿಗೆ ಪ್ರಭಾವ ಇದೆ ಎನ್ನಲಾಗಿದೆ. ಈ ಹಿನ್ನೆಲೆ ಪೊಲೀಸರು ಮತ್ತು ಭದ್ರತಾ ಪಡೆಗಳು ಜಂಟಿಯಾಗಿ ಕೂಂಬಿಂಗ್ ಕಾರ್ಯಾಚರಣೆ ನಡೆಸಿವೆ (ಏಜೆನ್ಸೀಸ್).