ಮೈದಾನದಲ್ಲಿ ಕಿತ್ತಾಟ, ಮದುವಣಗಿತ್ತಿಯಂತೆ ಮುನಿಸು; ಕೊನೆಗೂ ಕೊಲೊಂಬೊ ಹೋಟೆಲ್‌ನಲ್ಲಿ ನಡೆದಿದ್ದೇನು..? Surya-Kuldeep

ಪಾಕಿಸ್ತಾನದ ಚೇಸಿಂಗ್ ವೇಳೆ ಈ ಘಟನೆ ಸಂಭವಿಸಿತ್ತು. ತಂಡಕ್ಕೆ ಮರಳಿದ್ದ ಸ್ಪಿನ್ನರ್ ಕುಲದೀಪ್ ಯಾದವ್ ಅವರು ಕೈಚೆಲ್ಲಿದ ಒಂದು ಕ್ಯಾಚ್ ನಾಯಕ ಸೂರ್ಯಕುಮಾರ್ ಯಾದವ್ ಅವರ ತಾಳ್ಮೆ ಕೆಡಿಸಿತ್ತು. ಮೈದಾನದಲ್ಲೇ ಸೂರ್ಯಕುಮಾರ್ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸುತ್ತಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ಭಾರತ-ಪಾಕಿಸ್ತಾನ ಪಂದ್ಯದ ತೀವ್ರತೆಯ ನಡುವೆ ಈ ದೃಶ್ಯ ಕಂಡ ಅಭಿಮಾನಿಗಳು, ತಂಡದೊಳಗೆ ಎಲ್ಲವೂ ಸರಿಯಿಲ್ಲವೇ ಎಂಬ ಪ್ರಶ್ನೆ ಎತ್ತಿದ್ದರು.

ಬೌಲಿಂಗ್‌ಗೆ ಪೂರಕವಾಗಿದ್ದ ಪಿಚ್‌ನಲ್ಲಿ ಅರ್ಶ್‌ದೀಪ್ ಸಿಂಗ್ ಬದಲಿಗೆ ಕುಲದೀಪ್ ಅವರನ್ನು ಆಡಿಸಲಾಗಿತ್ತು. ಮೊದಲ ಇನ್ನಿಂಗ್ಸ್‌ನಲ್ಲಿ ಸ್ಪಿನ್ನರ್‌ಗಳಿಗೆ ನೆರವಾಗಿದ್ದ ಪಿಚ್, ಎರಡನೇ ಇನ್ನಿಂಗ್ಸ್‌ನಲ್ಲಿ ಮಂಜಿನ ಕಾರಣದಿಂದ ಸ್ಕಿಡ್ ಆಗಲು ಶುರು ಮಾಡಿತು. ಇದರಿಂದ ಸ್ಪಿನ್ನರ್‌ಗಳಿಗೆ ಚೆಂಡನ್ನು ಗ್ರಿಪ್ ಮಾಡುವುದು ಕಷ್ಟವಾಯಿತು. ಇಷ್ಟೆಲ್ಲಾ ಸವಾಲುಗಳ ನಡುವೆಯೂ ಕುಲದೀಪ್ 3 ಓವರ್‌ಗಳಲ್ಲಿ ಕೇವಲ 14 ರನ್ ನೀಡಿ 1 ವಿಕೆಟ್ ಪಡೆಯುವ ಮೂಲಕ ಅದ್ಭುತ ಬೌಲಿಂಗ್ ಪ್ರದರ್ಶಿಸಿದರು.

ಇದನ್ನೂ ಓದಿ: ನಖ್ವಿ ಅಸಮರ್ಥ ಅಂದಿದ್ದ ಸ್ಪೀಡ್ ಕಿಂಗ್, ದಿಢೀರ್ ಉಲ್ಟಾ ಹೊಡೆದಿದ್ದೇಕೆ.,: ರಾವಲ್ಪಿಂಡಿ ಎಕ್ಸ್‌ಪ್ರೆಸ್ ಹೇಳಿಕೆ ಬದಲಾಗಿದ್ದೆಲ್ಲಿ..? Shoaib Akhtar

ಪಂದ್ಯ ಮುಗಿದ ಕೆಲವೇ ಗಂಟೆಗಳಲ್ಲಿ ಸೂರ್ಯಕುಮಾರ್ ಯಾದವ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಕುಲದೀಪ್ ಅವರೊಂದಿಗೆ ಇರುವ ಹಾಸ್ಯಮಯ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಈ ಮೂಲಕ ಮೈದಾನದಲ್ಲಿ ನಡೆದದ್ದು ಕೇವಲ ಆಟದ ತೀವ್ರತೆಯಿಂದ ಬಂದ ಸಿಟ್ಟೇ ಹೊರತು, ನಮ್ಮ ನಡುವೆ ಯಾವುದೇ ವೈಯಕ್ತಿಕ ಬಿರುಕಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದ್ದು, ಅಭಿಮಾನಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ.

ಭಾರತ ಸತತ ಮೂರು ಗೆಲುವುಗಳೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದರೆ, ಪಾಕಿಸ್ತಾನ ಈಗ ಸೂಪರ್ 8 ಹಂತಕ್ಕೇರಲು ನಮೀಬಿಯಾ ವಿರುದ್ಧದ ಪಂದ್ಯದಲ್ಲಿ ಕಡ್ಡಾಯವಾಗಿ ಗೆಲ್ಲಲೇಬೇಕಿದೆ. ಒಂದು ವೇಳೆ ಪಾಕಿಸ್ತಾನ ಸೋತರೆ ಅಮೆರಿಕಾ ಮುಂದಿನ ಹಂತಕ್ಕೆ ಹೋಗುವ ಬಾಗಿಲು ತೆರೆಯಲಿದೆ,(ಏಜೆನ್ಸೀಸ್).