ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶರತ್ ಚಂದ್ರ ಪವಾರ್ ಅವರ ಪ್ರಕಾರ, ₹2 ಕೋಟಿಗೂ ಅಧಿಕ ಮೌಲ್ಯದ ಆಸ್ತಿ, ತೀರಿಸದ ಸಾಲ ಹಾಗೂ ಕುಟುಂಬದ ವೈಷಮ್ಯವೇ ಈ ಹತ್ಯೆಯ ಪ್ರಮುಖ ಕಾರಣವಾಗಿದೆ. ಮುಖ್ಯ ಆರೋಪಿ ಸಯ್ಯದ್ ಅಸ್ಲಂ ಹೈದರಾಬಾದ್ನಲ್ಲಿ ಕಾರು ಚಾಲಕನಾಗಿದ್ದು, ಸಾಲದ ಹೊರೆ ಹಾಗೂ ಆರ್ಥಿಕ ಸಮಸ್ಯೆಯಿಂದ ಬಳಲುತ್ತಿದ್ದ. ಈ ಹಿಂದೆ ಹಸೀನಾ ಅವರಿಂದ ₹1 ಲಕ್ಷ ಸಾಲ ಪಡೆದಿದ್ದ ಅಸ್ಲಂ, ಮತ್ತೊಮ್ಮೆ ₹1 ಲಕ್ಷ ಸಾಲ ಕೇಳಿದ್ದ. ಆದರೆ ಹಸೀನಾ ನಿರಾಕರಿಸಿ, ಹಿಂದಿನ ಸಾಲಕ್ಕೂ ಬಡ್ಡಿ ಕಟ್ಟಿಲ್ಲ ಎಂದು ಗದರಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಇದಕ್ಕೂ ಮೊದಲು ಹಸೀನಾ ಮನೆಯಲ್ಲಿದ್ದ ಜಮೀನಿನ ದಾಖಲೆ ಕದಿಯಲು ಯತ್ನಿಸಿದ್ದರೂ ಅದು ವಿಫಲವಾಗಿತ್ತು.
