Bihar Election | ರಾಹುಲ್​ ಗಾಂಧಿ ನೇತೃತ್ವದಲ್ಲಿ ಸರಣಿ ಸೋಲು; ಕಾಂಗ್ರೆಸ್​ ನಾಯಕರ ವಿರುದ್ಧ ಬಿಜೆಪಿ ಕಿಡಿ

ರಾಹುಲ್ ಗಾಂಧಿ ಪಕ್ಷದ ನೇತೃತ್ವ ತೆಗೆದುಕೊಂಡ ಬಳಿಕ, ಕಾಂಗ್ರೆಸ್ ಸೋತ ರಾಜ್ಯಗಳ 95 ಚುನಾವಣೆಗಳ ಪಟ್ಟಿ ಮಾಡುವ ನಕ್ಷೆಯನ್ನು ಸಹ ಹಂಚಿಕೊಂಡಿದ್ದಾರೆ. ಹಿಮಾಚಲ ಪ್ರದೇಶ (2007, 2017) ಮತ್ತು ಪಂಜಾಬ್ (2007, 2012, 2022) ರಿಂದ ಗುಜರಾತ್ (2007, 2012, 2017, 2022), ಮಧ್ಯಪ್ರದೇಶ (2008, 2013, 2018, 2023), ಮಹಾರಾಷ್ಟ್ರ (2014, 2019, 2024) ಮತ್ತು ದೆಹಲಿ, ಹರಿಯಾಣ, ಉತ್ತರ ಪ್ರದೇಶ ಮತ್ತು ಬಿಹಾರದಲ್ಲಿ ನಡೆದ ವಿಧಾನಸಭಾ ಚುನಾವಣೆಗಳು ಈ ಪಟ್ಟಿಯಲ್ಲಿವೆ. ಈಶಾನ್ಯ, ದಕ್ಷಿಣ ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳಲ್ಲಿನ ಸೋಲುಗಳು. ಒಡಿಶಾ ಮತ್ತು ಆಂಧ್ರಪ್ರದೇಶದಲ್ಲಿ ಪುನರಾವರ್ತಿತ ಸೋಲುಗಳನ್ನು ಸಹ ಇದು ಒಳಗೊಂಡಿದೆ.

ಬಿಜೆಪಿ ಹಿರಿಯ ನಾಯಕ ಕೇಶವ್​ ಪ್ರಸಾದ ಮೌರ್ಯ ಫಲಿತಾಂಶದ ಕುರಿತಾಗಿ ಮಾತನಾಡಿದ್ದು, ಈ ಮುನ್ನಡೆ ಬಿಹಾರದ ಜನರ ಸ್ಪಷ್ಟ ನಿಲುವನ್ನು ಪ್ರತಿಬಿಂಬಿಸುತ್ತಿದ್ದು, ಜಂಗಲ್ ರಾಜ್ ಇಲ್ಲ, ಕಟ್ಟರಾಜ್ ಇಲ್ಲ, ಗುಂಡಾರಾಜ್ ಇಲ್ಲ, ತುಷ್ಟೀಕರಣವಿಲ್ಲ, ಸ್ವಜನಪಕ್ಷಪಾತವಿಲ್ಲ, ಹಗರಣಗಳಿಲ್ಲ, ಭ್ರಷ್ಟಾಚಾರವಿಲ್ಲ, ದುರಹಂಕಾರವಿಲ್ಲ ಮತ್ತು ಜಾತಿವಾದವಿಲ್ಲ. ಬಿಹಾರವು ಉತ್ತಮ ಆಡಳಿತ, ಅಭಿವೃದ್ಧಿ ಮತ್ತು ಪಾರದರ್ಶಕ ನಾಯಕತ್ವವನ್ನು ಮಾತ್ರ ಸ್ವೀಕರಿಸುತ್ತದೆ ಎಂದು ಹೇಳಿದರು.

ಇದು ಬಿಹಾರ ಮತ್ತು ಆಯೋಗದ ನಡುವಿನ ಹೋರಾಟ ಎಂದ ಕಾಂಗ್ರೆಸ್​

ಚುನಾವಣೆಯ ಹಿನ್ನಡೆ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಕಾಂಗ್ರೆಸ್‌ ನಾಯಕ ಪವನ್ ಖೇರಾ, ಈಗ ಬರುತ್ತಿರುವ ಆರಂಭಿಕ ಹಿನ್ನಡೆಗಳು ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಬಿಹಾರದ ಜನರ ಇಚ್ಛೆಗೆ ವಿರುದ್ಧವಾಗಿ ವರ್ತಿಸುತ್ತಿರುವಂತೆ ತೋರುತ್ತಿದೆ ಎಂದು ಆರೋಪಿಸಿದರು.

ಆರಂಭಿಕ ಟ್ರೆಂಡ್​ ನೋಡಿದಾಗ ಜ್ಞಾನೇಶ್ ಕುಮಾರ್ ಬಿಹಾರದ ಜನರ ನಿರ್ಧಾರದ ವಿರುದ್ಧ ಹೋಗುತ್ತಿರುವಂತೆ ಕಾಣುತ್ತಿದ್ದು. ಈ ಚುನಾವಣೆ ಕೇವಲ ಬಿಜೆಪಿ, ಕಾಂಗ್ರೆಸ್, ಆರ್‌ಜೆಡಿ ಮತ್ತು ಜೆಡಿಯು ನಡುವಿನ ಹೋರಾಟವಲ್ಲ, ಇದು ಜ್ಞಾನೇಶ್ ಕುಮಾರ್ ಮತ್ತು ಭಾರತದ ಜನರ ನಡುವಿನ ನೇರ ಮುಖಾಮುಖಿಯಾಗಿದೆ ಎಂದರು.

ಮತ ಎಣಿಕೆ ಆರಂಭದಿಂದಲೂ ಮುನ್ನಡೆ ಕಾಯ್ದುಕೊಳ್ಳುತ್ತಲೇ ಬರುತ್ತಿರುವ ಬಿಜೆಪಿ ನೇತೃತ್ವದ ಎನ್‌ಡಿಎ, ಸುಮಾರು 202 ಕ್ಷೇತ್ರಗಳಲ್ಲಿ ಮುಂದಿದೆ, ಇತ್ತ ಮಹಾಘಟಬಂಧನ್ ಬಿಹಾರದಲ್ಲಿ ಕೇವಲ 35 ಕ್ಕೆ ಇಳಿದಿದೆ. ಆರ್‌ಜೆಡಿ 26 ಕ್ಷೇತ್ರಗಳಲ್ಲಿ ಮುನ್ನಡೆಯಲ್ಲಿದ್ದರೆ, ಕಾಂಗ್ರೆಸ್ ಕೇವಲ 6 ಸ್ಥಾನಗಳಲ್ಲಿದೆ. ಇತ್ತ ಬಿಜೆಪಿ 91 ಕ್ಷೇತ್ರಗಳಲ್ಲಿ ಮುನ್ನಡೆಯಲ್ಲಿದ್ದರೆ, ಜೆಡಿಯು 81 ಸ್ಥಾನಗಳಲ್ಲಿ ಮುಂದಿದೆ(ಏಜೆನ್ಸೀಸ್).