72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪ್ರಕಟ: ಮಮ್ಮುಟ್ಟಿ–ಕಾರ್ತಿಕ್ ಆರ್ಯನ್ ಅತ್ಯುತ್ತಮ ನಟರು, ಯಾಮಿ ಗೌತಮ್‌ಗೆ ಶ್ರೇಷ್ಠ ನಟಿ ಗೌರವ! 72nd National Film Awards

ನವದೆಹಲಿ: ಶನಿವಾರ (ಜು.18) ನವದೆಹಲಿಯ ನ್ಯಾಷನಲ್​ ಮೀಡಿಯಾ ಸೆಂಟರ್​ನಲ್ಲಿ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು 72 ನೇ ಸಾಲಿನ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ (72nd National Film Awards) ಪ್ರಧಾನ ಕಾರ್ಯಕ್ರಮವನ್ನು ಆಯೋಜಿಸಿದೆ.

ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮ ಆರಂಭವಾಗಿದ್ದು, ಬ್ರಹ್ಮಯುಗಂ ಸಿನಿಮಾದ ನಟನೆಗಾಗಿ ಮಳಿಯಾಳಂ ನಟ ಮಮ್ಮುಟ್ಟಿಗೆ ಹಾಗೂ ಚಂದು ಚಾಂಪಿಯನ್ ಸಿಮಾಗಾಗಿ ಕಾರ್ತಿಕ್​ ಆರ್ಯನ್​ಗೆ ಅತ್ಯುತ್ತಮ ನಟ ಪ್ರಶಸ್ತಿ ಲಭಿಸಿದರೆ, ಆರ್ಟಿಕಲ್​ 370 ಸಿನಿಮಾದ ಅಭಿನಯಕ್ಕೆ ನಿರ್ದೇಶಕ ಆದಿತ್ಯ ಧರ್​ ಪತ್ನಿ ಯಾಮಿ ಗೌತಮ್​ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಈ ಪ್ರಶಸ್ತಿಯನ್ನು ಜನವರಿ 2024 ರಿಂದ ಡಿಸೆಂಬರ್​ 2024 ರ ಒಳಗೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ಯಿಂದ ಪ್ರಮಾಣಪತ್ರವನ್ನು ಪಡೆದ ಸಿನಿಮಾಗಳಿಗೆ ನೀಡಲಾಗುತ್ತಿದೆ.

ಹಿಂದಿ ನಟ ರಾಜಕುಮಾರ್​ ರಾವ್​ ನಟನೆಯ ಶ್ರೀಕಾಂತ್​ ಸಿನಿಮಾಗೆ ಅತ್ಯುತ್ತಮ ಹಿಂದಿ ಭಾಷಾ ಸಿನಿಮಾ ಎಂಬ ಪ್ರಶಸ್ತಿ ಲಭಿಸಿದೆ. ಈ ಸಿನಿಮಾದಲ್ಲಿ ರಾಜ್​ಕುಮಾರ್​ ರಾವ್​ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರೆ, ಇವರ ಜೊತೆಗೆ ಜ್ಯೋತಿಕಾ ಮತ್ತು ಅಲಯ ಎಫ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಈ ಸಿನಿಮಾವನ್ನು ತುಷಾರ್ ಹಿರಾನಂದಾನಿ ನಿರ್ದೇಶಿಸಿದ್ದರು.

ಇನ್ನೂ ಅತ್ಯುತ್ತಮ ಕನ್ನಡ ಸಿನಿಮಾ ಎಂದ ಪ್ರಶಸ್ತಿಯನ್ನು ರಕ್ಷಿತ್ ಶೆಟ್ಟಿ ನಿರ್ಮಾಣದ, ಸುಮಂತ್​ ಭಟ್​ ನಿರ್ದೇಶನದ ಮಿಥ್ಯಾ ಸಿನಿಮಾ ಪಡೆದುಕೊಂಡಿದೆ. ಹಾಗೆಯೇ ಅತ್ಯುತ್ತಮ ಡಾನ್ಸ್ ಕೋರಿಯೋಗ್ರಫಿಗೆ ತಮ್ಮನ್ನಾ ಭಾಟಿಯಾ ಡಾನ್ಸ್​ ಮಾಡಿದ್ದ ಸ್ತ್ರೀ ಸಿನಿಮಾದ 'ಆಜ್​ ಕೀ ರಾತ್'​ ಪಡೆದುಕೊಂಡಿದೆ,(ಏಜನ್ಸೀಸ್​).