ಕೊಲೆ ಪ್ರಕರಣವೊಂದರಲ್ಲಿ 38 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿ ಬಂಧನ!

ಆರೋಪಿ ಪ್ರದೀಪ್ ಕುಮಾರ್ ಸಕ್ಸೇನಾ ಎಂದು ಗುರುತಿಸಲಾಗಿದೆ. ಆರೋಪಿ ಪೊಲೀಸರ ಬಂಧನದಿಂದ ತಪ್ಪಿಸಿಕೊಳ್ಳಲು ವರ್ಷಗಳಿಂದ ತನ್ನ ನೋಟ, ಗುರುತು ಮತ್ತು ಧರ್ಮವನ್ನು ಸಹ ಬದಲಾಯಿಸುತ್ತಿದ್ದ ಎಂದು ತಿಳಿಸಿದ್ದಾರೆ.

1987 ರಲ್ಲಿ ತನ್ನ ಸಹೋದರ ಸಂಜೀವ್ ಸಕ್ಸೇನಾ ಅವರನ್ನು ಕೊಂದ ಆರೋಪ ಹೊತ್ತಿರುವ ಪ್ರದೀಪ್, 1989 ರಲ್ಲಿ ಪೆರೋಲ್ ಮೇಲೆ ಬಿಡುಗಡೆಯಾದ ನಂತರ ನಾಪತ್ತೆಯಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ನಂತರ ಅವನು ತನ್ನ ಹೆಸರನ್ನು ಅಬ್ದುಲ್ ರಹೀಮ್ ಎಂದು ಬದಲಾಯಿಸಿಕೊಂಡನು, ಗಡ್ಡ ಬೆಳೆಸಿದನು, ಕುರ್ತಾ-ಪೈಜಾಮ ಧರಿಸಲು ಪ್ರಾರಂಭಿಸಿದನು ಮತ್ತು ಬಂಧನದಿಂದ ತಪ್ಪಿಸಿಕೊಳ್ಳಲು ಮೊರಾದಾಬಾದ್‌ನಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದನು.

ನಾಲ್ಕು ವಾರಗಳ ಒಳಗೆ ಬರೇಲಿಯ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸುವಂತೆ ಹೈಕೋರ್ಟ್ ಆದೇಶದ ಮೇರೆಗೆ ಪ್ರೇಮ್ ನಗರ ಪೊಲೀಸರು ಗುರುವಾರ ದೀರ್ಘ ಕಾಲದಿಂದ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು ಬಂಧಿಸಿದ್ದಾರೆ ಎಂದು ನಗರ ಪೊಲೀಸ್ ವರಿಷ್ಠಾಧಿಕಾರಿ ಮಾನುಷ್ ಪಾರಿಖ್ ತಿಳಿಸಿದ್ದಾರೆ.

ಆರೋಪಿ ಮೂರು ದಶಕಗಳಿಗೂ ಹೆಚ್ಚು ಕಾಲ ವಿಚಾರಣೆಯಿಂದ ತಪ್ಪಿಸಿಕೊಳ್ಳುತ್ತಿದ್ದುದನ್ನು ನ್ಯಾಯಾಲಯ ಗಂಭೀರವಾಗಿ ಪರಿಗಣಿಸಿದೆ ಎಂದು ಅಧಿಕಾರಿ ಹೇಳಿದರು,(ಏಜೆನ್ಸೀಸ್​).