25 ಸಾವಿರ ಕೋಟಿ ಬ್ಯಾಂಕ್ ವಂಚನೆ ಪ್ರಕರಣ; ಎನ್​ಸಿಪಿ(ಎಸ್​ಪಿ) ಶಾಸಕ ರೋಹಿತ್ ಪವಾರ್​​ಗೆ ಕ್ಲೀನ್ ​ಚಿಟ್ | Rohit Pawar

ಮುಂಬೈ: ಮಹಾರಾಷ್ಟ್ರ ರಾಜ್ಯ ಸಹಕಾರಿ ಬ್ಯಾಂಕ್​ನಲ್ಲಿ ನಡೆದಿದೆ ಎನ್ನಲಾದ 25 ಸಾವಿರ ಕೋಟಿ ರೂ. ವಂಚನೆ ಪ್ರಕರಣದಲ್ಲಿ ಎನ್​​ಸಿಪಿ(ಎಸ್​ಪಿ) ಶಾಸಕ ರೋಹಿತ್ ಪವಾರ್​ಗೆ(Rohit Pawar) ಬುಧವಾರ(ಏ. 22) ಕೋರ್ಟ್ ಕ್ಲೀನ್​ಚಿಟ್ ನೀಡಿದೆ.

ಹಗರಣ ಪ್ರಕರಣದಲ್ಲಿ ರಾಜ್ಯ ಆರ್ಥಿಕ ಅಪರಾಧ ವಿಭಾಗ (EOW) ಅಜಿತ್ ಪವಾರ್, ಸುನೇತ್ರಾ ಪವಾರ್ ಮತ್ತು ರೋಹಿತ್ ಪವಾರ್ ವಿರುದ್ಧ ಯಾವುದೇ ಆಕ್ಷೇಪಾರ್ಹ ಪುರಾವೆಗಳು ಕಂಡುಬಂದಿಲ್ಲ ಎಂದು ಮುಕ್ತಾಯ ವರದಿಯನ್ನು ಸಲ್ಲಿಸಿತ್ತು.

ಈ ಹಿನ್ನೆಲೆ ತಮ್ಮ ಹೆಸರನ್ನು ಕೈಬಿಡುವಂತೆ ಶಾಸಕ ರೋಹಿತ್ ಪವಾರ್ ಸಲ್ಲಿಸಿದ್ದ ದೋಷಮುಕ್ತ ಅರ್ಜಿಯನ್ನು ಅಂಗೀಕರಿಸಿದ ಜನಪ್ರತಿನಿಧಿಗಳ ವಿಶೇಷ ನ್ಯಾಯಾಲಯವು ಅವರನ್ನು ಖುಲಾಸೆಗೊಳಿಸಿ ಆದೇಶಿಸಿದೆ. ಇಡಿ ಯಾವುದೇ ಆಕ್ಷೇಪಣೆ ಸಲ್ಲಿಸಲಿಲ್ಲ ಎನ್ನಲಾಗಿದೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ರೋಹಿತ್ ಪವಾರ್, ಸತ್ಯವು ಅಂತಿಮವಾಗಿ ಮೇಲುಗೈ ಸಾಧಿಸಿದೆ. ನ್ಯಾಯಾಂಗದ ಮೇಲೆ ನನಗೆ ಸಂಪೂರ್ಣ ನಂಬಿಕೆ ಮತ್ತು ನಂಬಿಕೆ ಇತ್ತು. ಮೊದಲ ದಿನದಿಂದಲೂ, ಈ ಬ್ಯಾಂಕ್ ಹಗರಣ ಮತ್ತು ಹಣ ವರ್ಗಾವಣೆ ಪ್ರಕರಣದಲ್ಲಿ ನನ್ನ ಯಾವುದೇ ಸಂಬಂಧವಿಲ್ಲ ಎಂದು ನಾನು ಹೇಳುತ್ತಿದ್ದೇನೆ ಮತ್ತು ಇಂದು ನ್ಯಾಯಾಲಯವು ಎಲ್ಲಾ ಆರೋಪಗಳನ್ನು ಖುಲಾಸೆಗೊಳಿಸಿದೆ ಎಂದು ಹೇಳಿದ್ದಾರೆ.

ನ್ಯಾಯಾಲಯಕ್ಕೆ ನಾನು ಕೃತಜ್ಞನಾಗಿದ್ದೇನೆ. ಸತ್ಯವನ್ನು ವಿಳಂಬಗೊಳಿಸಬಹುದು ಮತ್ತು ತೊಂದರೆಗೊಳಿಸಬಹುದು, ಆದರೆ ಅದನ್ನು ಸೋಲಿಸಲು ಸಾಧ್ಯವಿಲ್ಲ. ಈ ಪ್ರಕರಣದಲ್ಲಿ ನಾನು ಬಹಳಷ್ಟು ತೊಂದರೆಗಳನ್ನು ಎದುರಿಸಿದೆ. ಉದ್ದೇಶಪೂರ್ವಕ ತೊಂದರೆಯಿಂದ ನಾನು ದುಷ್ಟ ಶಕ್ತಿಗಳ ನಾಶಕನೂ ಆಗಿದ್ದೇನೆ ಎಂದಿದ್ದಾರೆ.

2019ರ ಮಹರಾಷ್ಟ್ರ ವಿಧಾನಸಭೆ ಚುನಾವಣೆಗೂ ಮುನ್ನ ಈ ಸಹಕಾರಿ ಬ್ಯಾಂಕ್​ ಹಗರಣ ಬೆಳಕಿಗೆ ಬಂದಿತು. ಈ ಬ್ಯಾಂಕ್​ನ ಸದಸ್ಯರು ಮತ್ತು ನಿರ್ದೇಶಕರೂ ಆಗಿರದಿದ್ದ ಶರದ್ ಪವಾರ್ ಅವರಿಗೆ ಇಡಿ ಸಮನ್ಸ್​ ನೀಡಿ ತನಿಖೆಗೆ ಆಹ್ವಾನಿಸಿದ್ದು, ಆಗ ರಾಜಕೀಯವಾಗಿ ಬಹಳ ಕೋಲಾಹಲವನ್ನು ಎಬ್ಬಿಸಿತ್ತು (ಏಜೆನ್ಸೀಸ್).