ಇದು ಸೋಮವಾರದ ಪ್ರೇರಣೆ..ಅಜ್ನರ್ ನದಿಗೆ ಮರುಜೀವ ನೀಡಿದ ಯುವಕನ ಸಾಹಸಕ್ಕೆ ಆನಂದ್ ಮಹೀಂದ್ರಾ ಸಲಾಂ! Save Rivers

ಬಿಟ್ಟು ತಬಾಹಿ ಎಂದು ಗುರುತಿಸಿಕೊಳ್ಳುವ ಯುವಕನು ಕೇವಲ ಸೋಶಿಯಲ್ ಮೀಡಿಯಾ ವೀಕ್ಷಣೆಗಳಿಗಾಗಿ ನದಿಯ ಕೆಲವು ಭಾಗಗಳನ್ನು ಸ್ವಚ್ಛಗೊಳಿಸಿದ್ದೇನೆ ಎಂದು ಹೇಳಿಕೊಳ್ಳುತ್ತಿದ್ದಾನೆ ಎಂದು ಟೀಕೆಗೊಳಗಾಗಿದ್ದರು. ಆದಾಗ್ಯೂ, ಸಾಮಾನ್ಯವಾಗಿ ಸಾಮಾಜಿಕ ಜಾಲತಾಣಗಳು ಅರ್ಥಪೂರ್ಣ ವಿಚಾರಕ್ಕಿಂತ ಕ್ಷುಲ್ಲಕ ವಿಷಯಗಳಿಗೆ ಹೆಚ್ಚಿನ ಪ್ರತಿಫಲ ನೀಡುತ್ತದೆ. ಹಾಗಿರುವಾಗ, ಒಂದು ವೇಳೆ 'ಲೈಕ್ಸ್' (Likes) ಪಡೆಯುವ ಹಂಬಲವೇ ಒಂದು ಒಳ್ಳೆಯ ಕಾರ್ಯಕ್ಕೆ ಶಕ್ತಿಯಾಗಿ ಬದಲಾಗುವುದಾದರೆ, ಅದಕ್ಕೆ ನನ್ನ ಅಭ್ಯಂತರವಿಲ್ಲ ಎಂದು ತಮ್ಮ ಪೋಸ್ಟ್​ನಲ್ಲಿ ಬರೆದಿದ್ದಾರೆ.

ಟೀಕೆಗಳನ್ನು ಎದುರಿಸುತ್ತಿದ್ದರೂ, ಬಿಟ್ಟು ನದಿಯ ನೈಸರ್ಗಿಕ ಸೌಂದರ್ಯವನ್ನು ಪ್ರದರ್ಶಿಸುವ ಸಲುವಾಗಿ ಮೊದಲು ಮತ್ತು ನಂತರದ ದೃಶ್ಯವನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು, ಆ ವಿಡಿಯೋದಲ್ಲಿ ಗೋಚರ ಸುಧಾರಣೆಗಳನ್ನು ಮತ್ತು ಮಾಲಿನ್ಯವನ್ನು ಕಡಿಮೆ ಮಾಡಿರುವುದನ್ನು ಕಾಣಬಹುದಾಗಿದೆ.

ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಯುವಕನ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆದಾಗ್ಯೂ, ಒಬ್ಬ ಬಳಕೆದಾರರು ಸರ್ ನಿಮಗೆ ಸಾಧ್ಯವಾದರೆ ಅವರಿಗೆ ಹಣವನ್ನು ನೀಡಿ ಅದನ್ನು ಅವರು ನದಿಯನ್ನು ಸ್ವಚ್ಛಗಿಡಲು ಬಳಸಿಕೊಳ್ಳುತ್ತಾರೆ ಎಂದು ಬರೆದಿದ್ದಾರೆ. ಇನ್ನೊಬ್ಬ ಬಳಕೆದಾರರು ಪರ್ವತ ಮನುಷ್ಯನಾದ ಮಾಂಝಿಯಂತೆ, ನಮ್ಮಲ್ಲಿ ಬಿಟ್ಟು ಎಂಬ ಏಕಾಂಗಿ ಯೋಧ ಇದ್ದಾನೆ ಎಂದು ಕಾಮೆಂಟ್​ ಮಾಡಿದ್ದಾರೆ (ಏಜೆನ್ಸೀಸ್​).