ಪ್ಯಾಂಟ್‌ನಲ್ಲಿತ್ತು 3.36 ಕೋಟಿ ರೂ. ಚಿನ್ನದ ಪೇಸ್ಟ್; ಕಸ್ಟಮ್ಸ್ ಕಣ್ಣಿಗೆ ಮಣ್ಣೆರಚಲು ಹೋಗಿ ಇಬ್ಬರು ಕಿಲಾಡಿಗಳು ಅರೆಸ್ಟ್! Gold Smuggling

ಮೂಲಗಳ ಪ್ರಕಾರ, ಕಸ್ಟಮ್ಸ್‌ನ ವಾಯು ಗುಪ್ತಚರ ಘಟಕದ (AIU) ಅಧಿಕಾರಿಗಳಿಗೆ ಈ ಕಳ್ಳಸಾಗಣೆ ಬಗ್ಗೆ ಮೊದಲೇ ನಿಖರ ಮಾಹಿತಿ ಇತ್ತು. 'ಅಡ್ವಾನ್ಸ್ ಪ್ಯಾಸೆಂಜರ್ ಇನ್ಫರ್ಮೇಷನ್ ಸಿಸ್ಟಮ್' (APIS) ಎಂಬ ಅತ್ಯಾಧುನಿಕ ತಂತ್ರಜ್ಞಾನ ವ್ಯವಸ್ಥೆಯ ಮೂಲಕ ಅಧಿಕಾರಿಗಳು ಪ್ರಯಾಣಿಕರ ಮುಂಗಡ ಮಾಹಿತಿ ಹಾಗೂ ಡೇಟಾವನ್ನು ಸಂಪೂರ್ಣವಾಗಿ ವಿಶ್ಲೇಷಿಸಿದ್ದರು. ಇದರೊಂದಿಗೆ, ದೇಶದ ಪ್ರತಿಷ್ಠಿತ ಕಂದಾಯ ಗುಪ್ತಚರ ನಿರ್ದೇಶನಾಲಯ (DRI) ನೀಡಿದ ಪ್ರಮುಖ ಸುಳಿವುಗಳು ಅಧಿಕಾರಿಗಳ ಕೈ ಹಿಡಿದಿದ್ದವು.

ಈ ಡೇಟಾವನ್ನು ಬಳಸಿಕೊಂಡು, ಕಸ್ಟಮ್ಸ್ ಅಧಿಕಾರಿಗಳು ಕೌಲಾಲಂಪುರದಿಂದ ವಿಮಾನದಲ್ಲಿ ಹೈದರಾಬಾದ್‌ಗೆ ಆಗಮಿಸಿದ್ದ ಇಬ್ಬರು ಪ್ರಯಾಣಿಕರನ್ನು ಯಶಸ್ವಿಯಾಗಿ ಗುರುತಿಸಿ ತಡೆದು ಸಂಪೂರ್ಣ ತಪಾಸಣೆ ನಡೆಸುವ ಸಮಯದಲ್ಲಿ ಪ್ರಯಾಣಿಕರಿಬ್ಬರು ತಮ್ಮ ಪ್ಯಾಂಟಿನಲ್ಲಿ ಚಿನ್ನವನ್ನು ಬಚ್ಚಿಟ್ಟುಕೊಂಡಿರುವುದನ್ನು ಪತ್ತೆ ಹಚ್ಚಿದ್ದಾರೆ.

ಆದಾಗ್ಯೂ, ಅಧಿಕಾರಿಗಳು ಸೂಕ್ಷ್ಮವಾಗಿ ಪರಿಶೀಲಿಸಿದಾಗ ಕಳ್ಳಸಾಗಾಣಿಕ ಚಿನ್ನವನ್ನು ಭದ್ರತಾ ಪತ್ತೆಹಚ್ಚುವಿಕೆಯಿಂದ ತಪ್ಪಿಸುವ ಸಲುವಾಗಿ ಪೇಸ್ಟ್​ ರೂಪದಲ್ಲಿ ಸಂಸ್ಕರಿಸಲಾಗಿತ್ತು. ಚಿನ್ನದ ಪೇಸ್ಟ್ ಅನ್ನು ವಿಶೇಷವಾಗಿ ಹೊಲಿದ ಸಣ್ಣ ಚೀಲಗಳೊಳಗೆ ಪ್ಯಾಕ್ ಮಾಡಲಾಗಿತ್ತು. ಇವು ಯಾರಿಗೂ ಅನುಮಾನ ಬಾರದಂತೆ ಬಿಳಿ ಬಣ್ಣದ ಸೆಲ್ಲೋಫೇನ್ ಟೇಪ್‌ನಿಂದ ಸುರಕ್ಷಿತವಾಗಿ ಸುತ್ತಿಡಲಾಗಿತ್ತು. ಈ ಚೀಲಗಳನ್ನು ಇಬ್ಬರೂ ಪ್ರಯಾಣಿಕರು ತಾವು ಧರಿಸಿದ್ದ ಪ್ಯಾಂಟ್‌ನ ಸೊಂಟದ ಪಟ್ಟಿಯ ಒಳಭಾಗದಲ್ಲಿ ಅತ್ಯಂತ ವಿವೇಚನೆಯಿಂದ ಮರೆಮಾಡಿದ್ದರು ಎನ್ನಲಾಗಿದೆ.

ಚಿನ್ನವು ಪೇಸ್ಟ್ ರೂಪದಲ್ಲಿದ್ದ ಕಾರಣ, ಅಧಿಕಾರಿಗಳು ಶುದ್ಧ ಹಳದಿ ಲೋಹವನ್ನು ಸುರಕ್ಷಿತವಾಗಿ ಹೊರತೆಗೆಯುವ ಸಲುವಾಗಿ ಸ್ಥಳೀಯ ಅಕ್ಕಸಾಲಿಗನನ್ನು ಕರೆತರಲಾಯಿತು.

ಚಿನ್ನವನ್ನು ಸಂಪೂರ್ಣವಾಗಿ ಹೊರತೆಗೆದ ನಂತರ, ಸರ್ಕಾರಿ ಅನುಮೋದಿತ ಅಧಿಕೃತ ಮೌಲ್ಯಮಾಪಕರನ್ನು ಕರೆಸಿ ಅದರ ಮೌಲ್ಯಮಾಪನ ಮಾಡಿದ್ದು, ಅತ್ಯಾಧುನಿಕ ಸಾಧನಗಳ ಮೂಲಕ ಕೂಲಂಕುಷವಾಗಿ ಪರೀಕ್ಷೆ ನಡೆಸಿ ಅದು ನಿಖರವಾಗಿ 2 ಕೆಜಿ 271 ಗ್ರಾಂ ಕಿಲೋಗ್ರಾಂಗಳಷ್ಟು ತೂಕವಿದ್ದು, ಮಾರುಕಟ್ಟೆ ಮೌಲ್ಯ ಬರೋಬ್ಬರಿ 3.36 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.

ಆದಾಗ್ಯೂ, ಇಬ್ಬರು ಪ್ರಯಾಣಿಕರನ್ನು 1962 ರ ಕಸ್ಟಮ್ಸ್ ಕಾಯ್ದೆಯ ನಿಬಂಧನೆಗಳ ಅಡಿಯಲ್ಲಿ ಬಂಧಿಸಲಾಗಿದ್ದು, ಹೈದರಾಬಾದ್ ಕಸ್ಟಮ್ಸ್ ಕೊರಿಯರ್‌ಗಳ ಹಿಂದೆ ಕಾರ್ಯನಿರ್ವಹಿಸುತ್ತಿರುವ ಸಂಭಾವ್ಯ ಕಳ್ಳಸಾಗಣೆ ಜಾಲವನ್ನು ಪತ್ತೆ ಹಚ್ಚಲು ಆಳವಾದ ತನಿಖೆಯನ್ನು ಪೊಲೀಸರು ಆರಂಭಿಸಿದ್ದಾರೆ (ಏಜೆನ್ಸೀಸ್​).