ಸಾವಿನ ರಸ್ತೆಯಲ್ಲಿ ಅನಾಥವಾದ ನೋಟುಗಳು: ಮಿಲಿಟರಿ ವಿಮಾನ ಪತನಗೊಂಡು 15 ಮಂದಿ ಬಲಿ! Bolivia Plane Crash

ಸರಕು ವಿಮಾನವು ಬೊಲಿವಿಯಾ ವಿಮಾನ ನಿಲ್ದಾಣದಿಂದ ಟೇಕ್-ಆಫ್ ಆದ ಕೆಲವೇ ಕ್ಷಣಗಳಲ್ಲಿ ನಿಯಂತ್ರಣ ತಪ್ಪಿ ಪಕ್ಕದ ಪ್ರಮುಖ ಹೆದ್ದಾರಿಗೆ ಅಪ್ಪಳಿಸಿತು. ವಿಮಾನವು ರಸ್ತೆಗೆ ಬೀಳುವ ರಭಸಕ್ಕೆ ಅಲ್ಲಿ ಸಂಚರಿಸುತ್ತಿದ್ದ ಸುಮಾರು ಒಂದು ಡಜನ್ (12) ವಾಹನಗಳು ನಜ್ಜುಗುಜ್ಜಾಗಿವೆ. ಆದಾಗ್ಯೂ, ವಿಮಾನವು ಹೆದ್ದಾರಿಗೆ ಅಪ್ಪಳಿಸಿದ ತಕ್ಷಣ ಸ್ಪೋಟಗೊಂಡು ಬೆಂಕಿ ಹೊತ್ತಿಕೊಂಡಿದೆ ಎಂದು ಪ್ರತ್ಯಕ್ಷದರ್ಶಿಗಳು ಮಾಹಿತಿ ನೀಡಿದ್ದಾರೆ.

ಈ ಘಟನೆ ಕುರಿತು ಮಾತನಾಡಿದ ಅಗ್ನಿಶಾಮಕ ದಳದ ಮುಖ್ಯಸ್ಥ ಪಾವೆಲ್​ ಟೋವರ್​ ಕನಿಷ್ಟ 15 ಜನರು ಸಾವನ್ನಪ್ಪಿದ್ದಾರೆ. ಆದರೆ, ಮೃತರು ವಿಮಾನದಲ್ಲಿರುವವರೋ ಅಥವಾ ಕಾರುಗಳಿದ್ದವರೋ ಎಂದು ಸ್ಪಷ್ಟಪಡಿಸಿಲ್ಲ.

ಶುಕ್ರವಾರ ರಾತ್ರಿಯವರೆಗೂ ನಡೆದ ಕಾರ್ಯಾಚರಣೆಯಲ್ಲಿ ವಿಮಾನದ ಇಬ್ಬರು ಸಿಬ್ಬಂದಿ ಪತ್ತೆಯಾಗಿಲ್ಲ. ಆದಾಗ್ಯೂ, ಈ ವಿಮಾನವು ಸಾಂತಾ ಕ್ರೂಜ್​ನಿಂದ ಸರಕುಗಳನ್ನು ತೆಗೆದುಕೊಂಡು ಆಗಮಿಸುತ್ತಿತ್ತು ಎಂದು ಬೊಲಿವಿಯನ್ ವಾಯುಪಡೆಯ ಜನರಲ್ ಸೆರ್ಗಿಯೊ ಲೋರಾ ತಿಳಿಸಿದ್ದಾರೆ.

ವಿಮಾನವು ಸೆಂಟ್ರಲ್ ಬ್ಯಾಂಕಿನಿಂದ ನೋಟುಗಳನ್ನು ಸಾಗಿಸುತ್ತಿರುವಾಗ ಅಪಘಾತದ ಸ್ಥಳದಲ್ಲಿ ಚದುರಿದ ನೋಟುಗಳನ್ನು ಸಂಗ್ರಹಿಸಲು ಜನರು ಬರುತ್ತಿರುವುದನ್ನು ವಿಡಿಯೋವೊಂದು ತೋರಿಸಿದೆ. ಆ ವೇಳೆ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಜನರನ್ನು ಅಲ್ಲಿಂದ ಹೊರ ಕಳುಸಿಹಲು ಪ್ರಯತ್ನಿಸಿದ್ದಾರೆ.

ಘಟನೆಯ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ, ಬೊಲಿವಿಯಾ ಸೆಂಟ್ರಲ್ ಬ್ಯಾಂಕ್ ಅಧ್ಯಕ್ಷ ಡೇವಿಡ್ ಎಸ್ಪಿನೋಜಾ ವಿಮಾನದಲ್ಲಿ ಸಾಗಿಸಲಾಗುತ್ತಿದ್ದ ನೋಟುಗಳು ಇನ್ನೂ ಅಧಿಕೃತವಾಗಿ ಚಲಾವಣೆಗೆ ಬಂದಿಲ್ಲ. ಈ ನೋಟುಗಳಿಗೆ ಇನ್ನೂ ಸರಣಿ ಸಂಖ್ಯೆಗಳನ್ನು ನಿಗದಿಪಡಿಸಿಲ್ಲ. ಆದ್ದರಿಂದ, ಈ ಬಿಲ್‌ಗಳಿಗೆ ಯಾವುದೇ ಕಾನೂನುಬದ್ಧ ಟೆಂಡರ್ ಸ್ಥಾನಮಾನವಿಲ್ಲ ಎಂದು ತಿಳಿಸಿದ್ದಾರೆ (ಏಜೆನ್ಸೀಸ್​).