ದೇಶ

ನೀವು ತಿನ್ನುತ್ತಿರೋದು ಅಸಲಿ ಪನೀರ್ ಅಥವಾ ಮೃತ್ಯುವಿನ ತುತ್ತಾ..? ಹೋಳಿ ಹಬ್ಬದ ಸ್ವೀಟ್ಸ್ ಖರೀದಿಸುವ ಮುನ್ನ ಈ ಬೆಚ್ಚಿಬೀಳಿಸುವ ಸುದ್ದಿ ಓದಿ! Paneer Scam

(ಚಿತ್ರ X)
(ಚಿತ್ರ X)
Published on: 

ಪ್ರಮುಖ ಮುಖ್ಯಾಂಶಗಳು

  • ರ್ವಜನಿಕರ ಆರೋಗ್ಯದೊಂದಿಗೆ ಚೆಲ್ಲಾಟವಾಡುತ್ತಿರುವ ಕಲಬೆರಕೆ ಜಾಲದ ಮೇಲೆ ದಾಳಿ ನಡೆಸಿದ UP ಅಧಿಕಾರಿಗಳು
  • ಹಬ್ಬದ ಅವಧಿಯಲ್ಲಿ ಅಸುರಕ್ಷಿತ ಆಹಾರ ಸೇವನೆಯಿಂದಾಗಿ ಅಪಾಯಗಳ ಹೆಚ್ಚಾಗುವ ಹಿನ್ನಲೆ ದಾಳಿ
  • ರಾಜ್ಯದಾದ್ಯಂತ ನಡೆಸಿದ ತಪಾಸಣೆಯಲ್ಲಿ ಬರೋಬ್ಬರಿ 2 ಟನ್‌ಗಿಂತಲೂ ಹೆಚ್ಚು ಕಲಬೆರಕೆ ಡೈರಿ ಉತ್ಪನ್ನಗಳು
ಉತ್ತರ ಪ್ರದೇಶ: ಬಣ್ಣಗಳ ಹಬ್ಬ ಹೋಳಿ ಹತ್ತಿರ ಬರುತ್ತಿದ್ದಂತೆಯೇ, ಸಾರ್ವಜನಿಕರ ಆರೋಗ್ಯದೊಂದಿಗೆ ಚೆಲ್ಲಾಟವಾಡುತ್ತಿರುವ ಕಲಬೆರಕೆ ಜಾಲದ ಮೇಲೆ ಉತ್ತರ ಪ್ರದೇಶದ ಆಹಾರ ಸುರಕ್ಷತಾ ಇಲಾಖೆ ಚಾಟಿ ಬೀಸಿದೆ. ರಾಜ್ಯದಾದ್ಯಂತ ನಡೆಸಿದ ತಪಾಸಣೆಯಲ್ಲಿ ಬರೋಬ್ಬರಿ 2 ಟನ್‌ಗಿಂತಲೂ ಹೆಚ್ಚು ಕಲಬೆರಕೆ ಡೈರಿ ಉತ್ಪನ್ನಗಳು (Paneer Scam) ಮತ್ತು ಮಸಾಲೆ ಪದಾರ್ಥಗಳನ್ನು ವಶಪಡಿಸಿಕೊಂಡು ನಾಶಪಡಿಸಿದ್ದಾರೆ.
ಹಬ್ಬದ ಅವಧಿಯಲ್ಲಿ ಅಸುರಕ್ಷಿತ ಆಹಾರ ಸೇವನೆಯಿಂದಾಗಿ ಅಪಾಯಗಳ ಹೆಚ್ಚಾಗುವ ಹಿನ್ನಲೆ, ಈ ಜಾರಿ ಕ್ರಮಗಳ ಸಂಪೂರ್ಣ ವಿವರ ಮತ್ತು ವಶಪಡಿಸಿಕೊಂಡ ಪದಾರ್ಥಗಳ ಮಾಹಿತಿಯನ್ನು ಭಾರತೀಯ ಆಹಾರ ಸುರಕ್ಷತೆ ಮತ್ತು ಮಾನದಂಡಗಳ ಪ್ರಾಧಿಕಾರ (FSSAI) ತನ್ನ ಅಧಿಕೃತ 'X' ಖಾತೆಯಲ್ಲಿ ಪೋಸ್ಟ್ ಮಾಡಿದೆ.
ಫೆಬ್ರವರಿ 23 ರಂದು, ಗಾಜಿಯಾಬಾದ್‌ನಲ್ಲಿ ದಾಳಿ ನಡೆಸಿದ ಯುಪಿಎಫ್‌ಎಸ್‌ಡಿಎ, ಸುಮಾರು 3.84 ಲಕ್ಷ ರೂ. ಮೌಲ್ಯದ 1,200 ಕೆಜಿ ಪನೀರ್ ಸೇವನೆಗೆ ಹಾನಿಕಾರಕ ಎಂದು ಬಣ್ಣಿಸಿ ವಶಪಡಿಸಿಕೊಂಡಿತು. ಆದಾಗ್ಯೂ, ಕಲಬೆರಕೆಯ ನಿಖರ ಸ್ವರೂಪವನ್ನು ಪಡೆಯುವ ಸಲುವಾಗಿ, ಪನೀರ್​ನ ಮೂರು ಮಾದರಿಗಳನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಫೆಬ್ರವರಿ 24 ರಂದು, ಬರಾಬಂಕಿಯಲ್ಲಿ ನಡೆದ ದಾಳಿಯಲ್ಲಿ 60 ಕೆಜಿ ಖೋವಾ, 250 ಲೀಟರ್ ಹಾಲು, 60 ಕೆಜಿ ಮಸಾಲೆಗಳು, 370 ಕೆಜಿ ಕಚ್ರಿ-ಪಾಪಡ್ ಮತ್ತು 90 ಕೆಜಿ ಛೇನಾ ಸೇರಿದಂತೆ ಗುಣಮಟ್ಟವಲ್ಲದ ಆಹಾರ ಪದಾರ್ಥಗಳನ್ನು ವಶಪಡಿಸಿಕೊಂಡಿದ್ದಾರೆ.
ಫೆಬ್ರವರಿ 25 ರಂದು, ಕಾನ್ಪುರದಲ್ಲಿ ಆಹಾರ ಸುರಕ್ಷತಾ ಇಲಾಖೆಯು ರೈಲಿನಲ್ಲಿ ಸಾಗಿಸುತ್ತಿದ್ದ 900 ಕೆಜಿ ಕೋವಾವನ್ನು ವಶಪಡಿಸಿಕೊಂಡು, ಗೋವಿಂದ್ ನಗರದಲ್ಲಿರುವ ಅಧಿಕೃತ ತ್ಯಾಜ್ಯ ವಿಲೇವಾರಿ ಘಟಕಕ್ಕೆ ಸಾಗಿಸಲಾಯಿತು. ಏಕೆಂದರೆ, ಈ ವಸ್ತುಗಳು ಅಪ್ಪಿತಪ್ಪಿಯೂ ಮರಳಿ ಆಹಾರ ಪೂರೈಕೆ ಸರಪಳಿಯನ್ನು ಪ್ರವೇಶಿಸಬಾರದು ಮತ್ತು ಜನರ ಆರೋಗ್ಯಕ್ಕೆ ಹಾನಿಯಾಗಬಾರದು ಎಂಬುದು ಇದರ ಮುಖ್ಯ ಉದ್ದೇಶವಾಗಿದೆ.
ಈ ಸತತ ಕಾರ್ಯಾಚರಣೆಗಳು ಆಹಾರ ಕಲಬೆರಕೆ, ವಿಶೇಷವಾಗಿ ಪನೀರ್ ಮತ್ತು ಖೋವಾದಂತಹ ಹೆಚ್ಚಿನ ಬೇಡಿಕೆಯ ಸರಕುಗಳನ್ನು ನಿಯಂತ್ರಿಸಲು ಈ ಪ್ರಯತ್ನಗಳನ್ನು ಎತ್ತಿ ತೋರಿಸಿದೆ. ಆದಾಗ್ಯೂ, ಸಂಗ್ರಹಿಸಿದ ಮಾದರಿಗಳಿಂದ ಪ್ರಯೋಗಾಲಯದಿಂದ ಫಲಿತಾಂಶಗಳನ್ನು ನಿರೀಕ್ಷಿಸಿ, ನಂತರ ಕ್ರಮ ಕೈಗೊಳ್ಳುವುದಾಗಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ (ಏಜೆನ್ಸೀಸ್​).
Uttarpradesh
FSSAI
foodsafety
holi2026
adulteratedfood
paneerbusted
khoyascam
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net