ಸರ್​... ರಾತ್ರಿ ಆದ್ರೆ ನನ್ನ ಹೆಂಡ್ತಿ 'ನಾಗಿಣಿ' ಆಗಿ ಬದಲಾಗುತ್ತಾಳೆ: ಜಿಲ್ಲಾಧಿಕಾರಿಗೆ ದೂರು ಕೊಟ್ಟ ವ್ಯಕ್ತಿ! | Nagini

Nagini: ರಾತ್ರಿ ಸಮಯದಲ್ಲಿ ನನ್ನ ಹೆಂಡತಿ 'ನಾಗಿಣಿ' ಆಗಿ ಬದಲಾಗುತ್ತಾಳೆ. ಇದರಿಂದ ನಾನು ನಿದ್ದೆ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ವ್ಯಕ್ತಿಯೊಬ್ಬ ಜಿಲ್ಲಾಧಿಕಾರಿಗೆ ದೂರು ನೀಡಿದ ಅಸಾಮಾನ್ಯ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಅಕ್ಟೋಬರ್ 4 ರಂದು ನಡೆದ 'ಸಮಾಧಾನ್ ದಿವಸ್' (ಸಾರ್ವಜನಿಕ ಕುಂದುಕೊರತೆ ಪರಿಹಾರ ದಿನ) ಸಂದರ್ಭದಲ್ಲಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಅಭಿಷೇಕ್ ಆನಂದ್ ಅವರ ಮುಂದೆ ಈ ಪ್ರಸಂಗ ನಡೆದಿದೆ.

ಇದನ್ನೂ ಓದಿ:ಹಾಲಿನಲ್ಲಿ ಸ್ನಾನ ಮಾಡಿ ಕೇಕ್ ಕತ್ತರಿಸಿ ವಿಚ್ಛೇದವನ್ನು ಸೆಲೆಬ್ರೇಟ್​​ ಮಾಡಿದ ಯುವಕ!..Divorce

ಮಹ್ಮದಾಬಾದ್ ತಹಸಿಲ್‌ನ ಲೋಧಾಸಾ ಗ್ರಾಮದ ದೂರುದಾರ ಮೆರಾಜ್ ಈ ಘಟನೆಯನ್ನು ಜಿಲ್ಲಾಧಿಕಾರಿಗೆ ಹೇಳಿಕೊಂಡಿದ್ದಾನೆ. ತನ್ನ ಪತ್ನಿ ನಾಸಿಮುನ್ ಮಾನಸಿಕವಾಗಿ ಅಸ್ಥಿರಳಾಗಿದ್ದು, ರಾತ್ರಿ ಸಮಯದಲ್ಲಿ "ನಾಗಿಣಿ" (ಹೆಣ್ಣು ಸರ್ಪ) ನಂತೆ ನಟಿಸುತ್ತಾ, ಸಿಳ್ಳೆ ಹೊಡೆಯುತ್ತಾ ಮತ್ತು ಹೆದರಿಸುತ್ತಾ ಕಳೆಯುತ್ತಾಳೆ ಎಂದು ಮೆರಾಜ್ ಆರೋಪಿಸಿದ್ದಾರೆ.

ಜಿಲ್ಲಾ ಮ್ಯಾಜಿಸ್ಟ್ರೇಟ್ ಪೊಲೀಸರಿಗೆ ಈ ವಿಷಯವನ್ನು ಪರಿಶೀಲಿಸಿ ಸೂಕ್ತ ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದರೂ, ಕುಂದುಕೊರತೆ ಪರಿಹಾರ ಕಾರ್ಯಕ್ರಮದಲ್ಲಿ ಹಾಜರಿದ್ದ ಅಧಿಕಾರಿಗಳು ಈ ಅಸಾಮಾನ್ಯ ದೂರಿನಿಂದ ಆಶ್ಚರ್ಯಚಕಿತರಾದರು ಎಂದು ವರದಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/rs-60-crore-fraud-case-actress-shilpa-shetty-raj-kundra