ಪ್ರಧಾನಿ ಮೋದಿಗೆ ಜೀವ ಬೆದರಿಕೆ ಸಂದೇಶ; ಪೊಲೀಸರು ಅಲರ್ಟ್​​​.. ತನಿಖೆ ಆರಂಭ | PM Modi

ಮುಂಬೈ: ಪ್ರಧಾನಿ ಮೋದಿ(PM Modi) ಅವರನ್ನು ಕೊಲ್ಲುವುದಾಗಿ ಮುಂಬೈ ಪೊಲೀಸರಿಗೆ ಶನಿವಾರ(ಡಿಸೆಂಬರ್​ 7) ಸಂದೇಶ ಬಂದಿದೆ. ಮುಂಬೈ ಟ್ರಾಫಿಕ್ ಪೊಲೀಸರ ಸಹಾಯವಾಣಿಯಲ್ಲಿ ಬಂದಿರುವ ಈ ಸಂದೇಶದಲ್ಲಿ ಪಾಕಿಸ್ತಾನಿ ಗುಪ್ತಚರ ಸಂಸ್ಥೆಯ (ಐಎಸ್‌ಐ) ಇಬ್ಬರು ಏಜೆಂಟರು ಪ್ರಧಾನಿ ನರೇಂದ್ರ ಮೋದಿಯವರ ಮೇಲೆ ಬಾಂಬ್ ದಾಳಿ ನಡೆಸಲು ಸಂಚು ರೂಪಿಸುತ್ತಿದ್ದಾರೆ ಎಂದು ಬರೆಯಲಾಗಿದೆ.

ಇದನ್ನು ಓದಿ: ಸಿರಿಯಾದಲ್ಲಿರುವವರು ಆದಷ್ಟು ಬೇಗ ಅಲ್ಲಿಂದ ಹೊರಡಿ; ಭಾರತೀಯರಿಗೆ ಸರ್ಕಾರದ ಮನವಿ | Syria

ಸಂದೇಶ ಬಂದ ತಕ್ಷಣ ಮುಂಬೈ ಪೊಲೀಸ್ ತಂಡ ಅಲರ್ಟ್ ಆಗಿದ್ದು, ಬೆದರಿಕೆ ಸಂದೇಶದ ಬಂದ ಸಂಖ್ಯೆಯನ್ನು ತನಿಖೆ ಮಾಡಿದ್ದೇವೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಸಂಖ್ಯೆ ಅಜ್ಮೀರ್ ರಾಜಸ್ಥಾನಕ್ಕೆ ಸೇರಿದ್ದು ಎಂದು ತಿಳಿದು ಬಂದಿದೆ. ರಾಜಸ್ಥಾನದಿಂದ ಬಂದ ಮೆಸೇಜ್​ ಎಂದು ತಿಳಿದಾಕ್ಷಣವೇ ಅನುಮಾನಾಸ್ಪದ ವ್ಯಕ್ತಿಯನ್ನು ಬಂಧಿಸಲು ನಮ್ಮ ತಂಡವೊಂದು ರಾಜಸ್ಥಾನಕ್ಕೆ ತೆರಳಿದೆ.

ನಮ್ಮ ಸಂಚಾರ ನಿಯಂತ್ರಣ ತಂಡದ ಸಹಾಯವಾಣಿಗೆ ಮುಂಜಾನೆಯೇ ಈ ಬೆದರಿಕೆ ಸಂದೇಶ ಬಂದಿದೆ. ಈ ಸಂದೇಶದಲ್ಲಿ ಇಬ್ಬರು ಐಎಸ್‌ಐ ಏಜೆಂಟ್‌ಗಳಿಂದ ಪ್ರಧಾನಿ ನರೇಂದ್ರ ಮೋದಿ ಹತ್ಯೆಗೆ ಸಂಚು ರೂಪಿಸಿರುವ ಬಗ್ಗೆ ತಿಳಿಸಲಾಗಿದೆ. ಈ ವಾಟ್ಸ್ಆ್ಯಪ್​​​ ಸಂದೇಶದ ಪ್ರಕಾರ ಇಬ್ಬರೂ ಏಜೆಂಟ್​ಗಳು ಪ್ರಧಾನಿ ಮೋದಿ ಅವರನ್ನು ಬಾಂಬ್​ನಿಂದ​ ಸ್ಫೋಟಿಸಲು ಯೋಜಿಸುತ್ತಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

ಬೆದರಿಕೆ ಹಾಕುವ ವ್ಯಕ್ತಿ ಮಾನಸಿಕವಾಗಿ ತೊಂದರೆಗೀಡಾಗಿರಬಹುದು ಅಥವಾ ಮದ್ಯದ ಅಮಲಿನಲ್ಲಿ ಇರಬಹುದು ಎಂದು ತನಿಖಾಧಿಕಾರಿಗಳು ಶಂಕಿಸಿದ್ದಾರೆ ಎಂದು ಅಧಿಕಾರಿ ಹೇಳಿದರು. ಈ ವಿಚಾರದಲ್ಲಿ ಇನ್ನೂ ತನಿಖೆ ನಡೆಯುತ್ತಿದೆ. ಆದರೂ ಸಂಬಂಧಿತ ಭಾರತೀಯ ನ್ಯಾಯಾಂಗ ಸಂಹಿತೆಯ ಸೆಕ್ಷನ್‌ಗಳ ಅಡಿಯಲ್ಲಿ ಬೆದರಿಕೆ ಸಂದೇಶ ಕಳುಹಿಸಿರುವ ವ್ಯಕ್ತಿಯ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ.

ಕಳೆದ 10 ದಿನಗಳಲ್ಲಿ ಮುಂಬೈ ಸಂಚಾರ ಪೊಲೀಸರಿಗೆ ನಟ ಸಲ್ಮಾನ್ ಖಾನ್ ಅವರನ್ನು ಕೊಲ್ಲುವುದಾಗಿ 2 ಸಂದೇಶಗಳು ಬಂದಿದ್ದವು. ಇತ್ತೀಚಿಗೆ ಕಳುಹಿಸಲಾದ ಸಂದೇಶವು ‘ಸಲ್ಮಾನ್ ಖಾನ್ ಜೀವಂತವಾಗಿರಲು ಬಯಸಿದರೆ, ಅವರು ದೇವಸ್ಥಾನಕ್ಕೆ (ರಾಜಸ್ಥಾನದ ಬಿಷ್ಣೋಯಿ ಸಮುದಾಯದ ದೇವಸ್ಥಾನ) ಹೋಗಿ ಸಮುದಾಯದ ಕ್ಷಮೆಯಾಚಿಸಬೇಕು ಅಥವಾ 5 ಕೋಟಿ ರೂಪಾಯಿ ಪಾವತಿಸಬೇಕು ಎಂದಿತ್ತು.(ಏಜೆನ್ಸೀಸ್​​)

https://www.vijayavani.net/opposition-mlas-skip-maharashtra-oath-ceremony