ಟಾಟಾ ಮುಂಬೈ ಮ್ಯಾರಥಾನ್ 2027: ನೋಂದಣಿ ಆರಂಭ

2004ರಲ್ಲಿ ಆರಂಭವಾದಾಗಿನಿಂದ, ಟಾಟಾ ಮುಂಬೈ ಮ್ಯಾರಥಾನ್ ಜಗತ್ತಿನ ಅತಿ ದೊಡ್ಡ ಜನಪರ ಚಳವಳಿಗಳಲ್ಲಿ ಒಂದಾಗಿ ಬೆಳೆದಿದೆ. ಇದೇವೇಳೆ, ಇದು ಕೇವಲ ಒಂದು ಓಟವಲ್ಲದೆ, ಮುಂಬೈನ ಸ್ಥೈರ್ಯ, ಉದಾರತೆ ಮತ್ತು ಅಚಲ ಉತ್ಸಾಹದ ಸಂಭ್ರಮವಾಗಿದೆ. ನಗರ, ದೇಶ ಹಾಗೂ ವಿಶ್ವಾದ್ಯಂತದ ಜನರನ್ನು ಇದು ಒಂದೆಡೆ ಸೇರಿಸುತ್ತದೆ. ರೇಸ್ ದಿನದಂದು, ಪ್ರತಿಯೊಂದು ಹೆಜ್ಜೆ, ಪ್ರತಿಯೊಂದು ಹರ್ಷೋದ್ಗಾರ ಮತ್ತು ಪ್ರತಿಯೊಂದು ಹೃದಯದ ಬಡಿತವೂ ಮುಂಬೈಗೆ ಸೇರಿದ್ದಾಗಿರುತ್ತದೆ #HarDilMumbai.

ಟಾಟಾ ಮುಂಬೈ ಮ್ಯಾರಥಾನ್ 2027 ರ ಮೊದಲ ನೋಂದಣಿದಾರರಾಗಿ ಮಾತನಾಡಿದ ಮಹಾರಾಷ್ಟ್ರದ ರಾಜ್ಯಪಾಲ ಜಿಷ್ಣು ದೇವ್ ವರ್ಮಾ, "ಒಂದು ಕೇವಲ ಕ್ರೀಡಾಕೂಟವಾಗಿ ಆರಂಭವಾದ ಮ್ಯಾರಥಾನ್ ಇಂದು ಒಂದು ಜನಪರ ಚಳವಳಿಯಾಗಿ ಮಾರ್ಪಟ್ಟಿರುವುದು ನನಗೆ ಅತ್ಯಂತ ಸಂತೋಷ ತಂದಿದೆ. ಮ್ಯಾರಥಾನ್‌ನ ಸ್ಪೂರ್ತಿ ಯಾವಾಗಲೂ ಸಂಖ್ಯೆಗಳಿಗಿಂತ ದೊಡ್ಡದಾಗಿರುತ್ತದೆ, ಮತ್ತು ಟಾಟಾ ಮುಂಬೈ ಮ್ಯಾರಥಾನ್ ಲೋಕೋಪಕಾರ ಹಾಗೂ ಕರುಣೆಯ ಮೂಲಕ ಮುಂಬೈ ಗಡಿಯನ್ನೂ ಮೀರಿ ತಲುಪುತ್ತಿರುವುದು ಸಂತಸದ ವಿಷಯ" ಎಂದರು.

ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಮಹಾರಾಷ್ಟ್ರ ಸರ್ಕಾರದ ಸಚಿವ ಆಶಿಶ್ ಶೆಲಾರ್ ಅವರು, "ಮುಂಬೈ ತನ್ನ ಸಂಸ್ಕೃತಿ ಹಾಗೂ ಹಬ್ಬಗಳಿಗೆ ಹೆಸರುವಾಸಿಯಾಗಿದ್ದು, ಟಾಟಾ ಮುಂಬೈ ಮ್ಯಾರಥಾನ್ ನಗರಕ್ಕೆ ಮತ್ತೊಂದು ಸುಂದರ ಆಯಾಮ ನೀಡಿದೆ. ಇದು ಕೇವಲ ಕ್ರೀಡೆ ಅಥವಾ ವೇಗವಲ್ಲ, ಬದಲಿಗೆ ಜನರಿಗೆ ಫಿಟ್‌ನೆಸ್ ಮತ್ತು ಸಕ್ರಿಯ ಜೀವನಶೈಲಿಗೆ ಸ್ಫೂರ್ತಿ ನೀಡುವ ವೇದಿಕೆಯಾಗಿದೆ. 22ನೇ ಆವೃತ್ತಿಯ ನೋಂದಣಿ ಆರಂಭವಾಗಿದ್ದು, ಎಲ್ಲರೂ ಈ ಸಂಭ್ರಮದಲ್ಲಿ ಪಾಲ್ಗೊಳ್ಳುವಂತೆ ಕೋರುತ್ತೇನೆ. ಜಾಗತಿಕ ಮಾನದಂಡವಾಗಿ ಬೆಳೆದಿರುವ ಈ ಕಾರ್ಯಕ್ರಮವನ್ನು ಬೆಂಬಲಿಸಲು ಮಹಾರಾಷ್ಟ್ರ ಸರ್ಕಾರ ಹೆಮ್ಮೆಪಡುತ್ತದೆ" ಎಂದರು.

ವಿಶ್ವ ಅಥ್ಲೆಟಿಕ್ಸ್ ಚಿನ್ನದ ಲೇಬಲ್ ರೇಸ್ ಆಗಿರುವ ಟಾಟಾ ಮುಂಬೈ ಮ್ಯಾರಥಾನ್ ಒಟ್ಟು USD 389,524 ರಷ್ಟು ಆಕರ್ಷಕ ಬಹುಮಾನ ಮೊತ್ತವನ್ನು ನೀಡಲಿದ್ದು, ಇದು ಪ್ರಪಂಚದಾದ್ಯಂತದ ಅತ್ಯುತ್ತಮ ಅಥ್ಲೀಟ್‌ಗಳು ಮತ್ತು ಹವ್ಯಾಸಿ ಓಟಗಾರರನ್ನು ಸೆಳೆಯಲಿದೆ. ಜುಲೈ 31ರಿಂದ ಭೌತಿಕ ಹಾಗೂ ವರ್ಚುವಲ್ ಓಟಗಳೆರಡಕ್ಕೂ tatamumbaimarathon.procam.in ಮೂಲಕ ನೋಂದಣಿ ಆರಂಭಗೊಂಡಿವೆ. ಮುಂಬರುವ 2027ರ ಜನವರಿ 17ರ ಭಾನುವಾರದಂದು ಐತಿಹಾಸಿಕ ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಸ್‌ನಿಂದ ಈ ಓಟಕ್ಕೆ ಚಾಲನೆ ನೀಡಲಾಗುತ್ತದೆ.

ಮಹಾರಾಷ್ಟ್ರ ಸರ್ಕಾರದ ನಿರಂತರ ಬೆಂಬಲ ಹಾಗೂ ಆರೋಗ್ಯಕರ ಜೀವನಶೈಲಿಗೆ ಸ್ಫೂರ್ತಿ ನೀಡುವುದು, ನಾಗರಿಕ ಹೆಮ್ಮೆಯನ್ನು ಬೆಳೆಸುವುದು ಮತ್ತು ಓಟದ ಉತ್ಸಾಹದ ಮೂಲಕ ಸಮುದಾಯಗಳನ್ನು ಒಟ್ಟುಗೂಡಿಸುವ ಪರಂಪರೆಯನ್ನು ಪ್ರತಿಫಲಿಸುತ್ತಾ, ದೇವೇಂದ್ರ ಫಡ್ನವಿಸ್ ಅವರು ಟಾಟಾ ಮುಂಬೈ ಮ್ಯಾರಥಾನ್‌ನ ಮುಖ್ಯ ಪೋಷಕರಾಗಿ (Chief Patron) ಸೇವೆ ಸಲ್ಲಿಸುತ್ತಿದ್ದಾರೆ.

ಟಾಟಾ ಸನ್ಸ್‌ನ ಕಾರ್ಪೊರೇಟ್ ಬ್ರ್ಯಾಂಡ್ ಮತ್ತು ಮಾರ್ಕೆಟಿಂಗ್ ಮುಖ್ಯಸ್ಥ ಆಡ್ರಿಯನ್ ಟೆರಾನ್ (Adrian Terron) ಅವರು ಮಾತನಾಡಿ, "ಟಾಟಾ ಮುಂಬೈ ಮ್ಯಾರಥಾನ್ ಭಾರತದ ಉತ್ಸಾಹ, ಸ್ಥೈರ್ಯ ಮತ್ತು ಸಾಮೂಹಿಕ ಆಕಾಂಕ್ಷೆಗಳನ್ನು ಪ್ರತಿಬಿಂಬಿಸುತ್ತದೆ. 22ನೇ ಆವೃತ್ತಿಗೆ ಕಾಲಿಡುತ್ತಿರುವ ಈ ಪ್ರಸಿದ್ಧ ವೇದಿಕೆಯು ಕ್ರೀಡೆ, ಸ್ವಾಸ್ಥ್ಯ, ಒಳಗೊಳ್ಳುವಿಕೆ ಮತ್ತು ಪರೋಪಕಾರದ ಮೂಲಕ ಜನರನ್ನು ಒಗ್ಗೂಡಿಸುತ್ತಿದ್ದು, ದೇಶ-ವಿದೇಶಗಳಿಂದ ಜನರು ಭಾಗವಹಿಸಲು ಪ್ರೇರೇಪಿಸುತ್ತಿದೆ. ಮಾನವ ಸಾಮರ್ಥ್ಯ ಹಾಗೂ ಸಮುದಾಯಗಳನ್ನು ಒಟ್ಟಿಗೆ ತರುವ ಶಾಶ್ವತ ಮೌಲ್ಯಗಳನ್ನು ಆಚರಿಸುವ ಈ ಮಹಾನ್ ಅಭಿಯಾನವನ್ನು ಬೆಂಬಲಿಸಲು ನಮಗೆ ಹೆಮ್ಮೆಯಿದೆ" ಎಂದರು.

ಟಿ.ಸಿ.ಎಸ್. (TCS) ನ ಇಂಡಿಯಾ ಬ್ಯುಸಿನೆಸ್ - ಸ್ಟ್ರಾಟೆಜಿಕ್ ಅಕೌಂಟ್ಸ್-ಗ್ರೋತ್ ಮಾರ್ಕೆಟ್ಸ್ ಅಧ್ಯಕ್ಷ ಉಜ್ವಲ್ ಮಾಥುರ್ ಅವರು ಮಾತನಾಡಿ, "ನೋಂದಣಿಗಳು ಆರಂಭವಾಗುವುದರೊಂದಿಗೆ ಟಾಟಾ ಮುಂಬೈ ಮ್ಯಾರಥಾನ್‌ನ ಅಸಲಿ ಮ್ಯಾಜಿಕ್ ಶುರುವಾಗುತ್ತದೆ. ಮ್ಯಾರಥಾನ್‌ನಲ್ಲಿ ಓಡುವುದು ಕೇವಲ ದೈಹಿಕ ಸಹಿಷ್ಣುತೆಯನ್ನು ಮಾತ್ರವಲ್ಲದೆ, ಬೆಳವಣಿಗೆ ಮತ್ತು ಆತ್ಮ-ಸುಧಾರಣೆಗೆ ಇರುವ ದೀರ್ಘಕಾಲೀನ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಟಿ.ಸಿ.ಎಸ್. ನಲ್ಲಿ ನಾವು ಈ ಸಮರ್ಪಣಾಭಾವವನ್ನು ಬೆಂಬಲಿಸಲು ಬದ್ಧರಾಗಿದ್ದೇವೆ; ಏಕೆಂದರೆ ನಮ್ಮ ಗ್ರಾಹಕರೊಂದಿಗೆ ಸುದೀರ್ಘ ಹಾಗೂ ಸಂಕೀರ್ಣವಾದ ಪ್ರಯಾಣವನ್ನು ಕೈಜೋಡಿಸಿ ಮುನ್ನಡೆಸುವ ಮೂಲಕ ನಾವೂ ಕೂಡ ಒಂದು ರೀತಿಯಲ್ಲಿ ಮ್ಯಾರಥಾನ್‌ಗಳನ್ನೇ ನಡೆಸುತ್ತೇವೆ. ಇಂದು ಮೊದಲ ಹೆಜ್ಜೆ ಇಡುತ್ತಿರುವ ಪ್ರತಿಯೊಬ್ಬ ಸ್ಪರ್ಧಿಗೂ, ಹೆಚ್ಚು ಆರೋಗ್ಯಕರ ಮತ್ತು ಸ್ಥಿತಿಸ್ಥಾಪಕತ್ವವುಳ್ಳ ನಿಮ್ಮನ್ನು ರೂಪಿಸುವ ಈ ಪಯಣದಲ್ಲಿ ನಾವು ನಿಮ್ಮೊಂದಿಗೆ ಇದ್ದೇವೆ" ಎಂದರು.

ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್‌ನ ಮುಖ್ಯ ಮಾರ್ಕೆಟಿಂಗ್ ಆಫೀಸರ್ ಶ್ರೀಪಾದ್ ಶೇಂಡೆ ಮಾತನಾಡಿ, "ಪ್ರಗತಿಯು ಜನರೊಂದಿಗೆ ಆರಂಭವಾಗುತ್ತದೆ ಎಂದು ನಾವು ನಂಬುತ್ತೇವೆ. ಟಾಟಾ ಮುಂಬೈ ಮ್ಯಾರಥಾನ್‌ನೊಂದಿಗಿನ ನಮ್ಮ ಪಾಲುದಾರಿಕೆಯು ಆರೋಗ್ಯಕರ ಹಾಗೂ ಬಲವಾದ ಸಮಾಜವನ್ನು ಬೆಂಬಲಿಸುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ವಿಭಿನ್ನ ಹಿನ್ನೆಲೆಯ ಜನರನ್ನು ಒಟ್ಟುಗೂಡಿಸುವ ಈ ಮ್ಯಾರಥಾನ್, ದೃಢತೆ ಮತ್ತು ಉತ್ಸಾಹದಿಂದ ನಮಗೆ ಸ್ಫೂರ್ತಿ ನೀಡುತ್ತದೆ. ಯೋಗಕ್ಷೇಮ ಮತ್ತು ಸಾಮೂಹಿಕ ಪ್ರಗತಿಯನ್ನು ಪ್ರೋತ್ಸಾಹಿಸುವ ಈ ಕಾರ್ಯಕ್ರಮದ ಭಾಗವಾಗಿರುವುದಕ್ಕೆ ನಮಗೆ ಹೆಮ್ಮೆಯಿದೆ" ಎಂದರು.

ಟಾಟಾ ಗ್ರೂಪ್ ವಿಮಾನಯಾನ ಸಂಸ್ಥೆ ಮತ್ತು ಏರ್ ಇಂಡಿಯಾ ಲಿಮಿಟೆಡ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿರುವ, ಸ್ಮಾರ್ಟ್ ತಂತ್ರಜ್ಞಾನ ಮತ್ತು ಉಷ್ಣತೆಯ ಭಾರತೀಯ ಆತಿಥ್ಯದೊಂದಿಗೆ ತಡೆರಹಿತ ಸಂಪರ್ಕವನ್ನು ನೀಡುವ ಏರ್ ಇಂಡಿಯಾ ಎಕ್ಸ್‌ಪ್ರೆಸ್, ಟಾಟಾ ಮುಂಬೈ ಮ್ಯಾರಥಾನ್‌ನ “ಏರ್‌ಲೈನ್ ಪಾಲುದಾರ” (Airline Partner) ಆಗಿ ಕೈಜೋಡಿಸಿದೆ.

ಈ ಪಾಲುದಾರಿಕೆಯ ಭಾಗವಾಗಿ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ 'ರನ್ನರ್ಸ್ ಪಾಸ್‌ಪೋರ್ಟ್' ಪರಿಚಯಿಸಿದ್ದು, ಓಟಗಾರರು ಜುಲೈ 31 ರಿಂದ ಡಿಸೆಂಬರ್ 30ರವರೆಗೆ ವಿಮಾನ ಬುಕಿಂಗ್‌ಗಳ ಮೇಲೆ ಶೇಕಡಾ 20 ರವರೆಗೆ ರಿಯಾಯಿತಿ ಪಡೆಯಬಹುದು. ಅಲ್ಲದೆ, ರೇಸ್ ದಿನದಂದು ಬ್ಯಾಗೇಜ್ ನಿರ್ವಹಣಾ ಸೇವೆಯೂ ಲಭ್ಯವಿದ್ದು, ಓಟಗಾರರು ಯಾವುದೇ ಚಿಂತೆಯಿಲ್ಲದೆ ತಮ್ಮ ಓಟದ ಮೇಲೆ ಗಮನಹರಿಸಲು ಇದು ನೆರವಾಗುತ್ತದೆ.

ಏರ್ ಇಂಡಿಯಾ ಗ್ರೂಪ್‌ನ ಮಾರ್ಕೆಟಿಂಗ್, ಇಕಾಮರ್ಸ್ & ಲಾಯಲ್ಟಿ ಮುಖ್ಯಸ್ಥರ ಸುನಿಲ್ ಸುರೇಶ್ ಅವರು ಮಾತನಾಡಿ, "ಭಾರತದ ಪ್ರಮುಖ ಮ್ಯಾರಥಾನ್‌ಗಳೊಂದಿಗಿನ ನಮ್ಮ ಪಾಲುದಾರಿಕೆಯು ಜನರು, ಸ್ಥಳಗಳು ಮತ್ತು ಸಂಸ್ಕೃತಿಗಳ ನಡುವೆ ಅರ್ಥಪೂರ್ಣ ಸಂಪರ್ಕಗಳನ್ನು ಸೃಷ್ಟಿಸುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಪ್ರಯಾಣದಂತೆ, ಈ ಕಾರ್ಯಕ್ರಮಗಳು ಜನರನ್ನು ಒಟ್ಟಿಗೆ ತರುತ್ತವೆ. ಅನ್ವೇಷಣೆಗೆ ಸ್ಫೂರ್ತಿ ನೀಡುವ ಮತ್ತು ಒಗ್ಗಟ್ಟನ್ನು ಆಚರಿಸುವ ಈ ಅನುಭವಗಳನ್ನು ಬೆಂಬಲಿಸಲು ನಮಗೆ ಅತೀವ ಆನಂದವಾಗಿದೆ" ಎಂದರು.