ಮುಂಬೈ-ಬೆಂಗಳೂರು ಗರಿಷ್ಠ ವೇತನದ ಟಾಪ್ ಸಿಟಿಗಳು: ರ‌್ಯಾಂಡ್‌ಸ್ಟ್ಯಾಡ್ ಸ್ಯಾಲರಿ ಟ್ರೆಂಡ್ 2021

ಮುಂಬೈ: ಉನ್ನತಾಧಿಕಾರಿ ಸ್ತರದ ಉದ್ಯೋಗಕ್ಕೆ ಗರಿಷ್ಠ ಸರಾಸರಿ ವೇತನ (ವಾರ್ಷಿಕ 35.7 ಲಕ್ಷ ರೂ.) ಒದಗಿಸುವ ಮಹಾನಗರಗಳ ಪೈಕಿ ಮುಂಬೈ, ಮಧ್ಯಮ ಸ್ತರ (ವಾರ್ಷಿಕ 18.10 ಲಕ್ಷ ರೂ.)ಮತ್ತು ಜ್ಯೂನಿಯರ್ ಸ್ತರ (ವಾರ್ಷಿಕ 6.70 ಲಕ್ಷ ರೂ.)ದ ಉದ್ಯೋಗಕ್ಕೆ ಹೆಚ್ಚಿನ ಸರಾಸರಿ ವೇತನ ಒದಗಿಸುವ ಮಹಾನಗರಗಳ ಪೈಕಿ ಬೆಂಗಳೂರು ನಂ.1 ಸ್ಥಾನದಲ್ಲಿವೆ. ರ್ಯಾಂಡ್​ಸ್ಟಾ್ಯಡ್​ನ ‘2021 ಆನುವಲ್ ಸ್ಯಾಲರಿ ಟ್ರೆಂಡ್ಸ್ ರಿಪೋರ್ಟ್’ನಲ್ಲಿ ಈ ಅಂಶಗಳು ಉಲ್ಲೇಖವಾಗಿವೆ.

ನ್ಯಾಷನಲ್ ಕ್ಯಾಪಿಟಲ್ ರೀಜಿಯನ್ (ಎನ್​ಸಿಆರ್) ಈ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಉನ್ನತಾಧಿಕಾರಿ ಸ್ತರದ ಉದ್ಯೋಗಕ್ಕೆ ಇಲ್ಲಿ ವಾರ್ಷಿಕ ಸರಾಸರಿ 32.70 ಲಕ್ಷ ರೂ. ವೇತನ ಇದೆ. ಮಧ್ಯಮ ಮತ್ತು ಜ್ಯೂನಿಯರ್ ಸ್ತರದ ಉದ್ಯೋಗಗಳ ವೇತನ ವಿಚಾರದಲ್ಲಿ ಎನ್​ಸಿಆರ್ ಅನುಕ್ರಮವಾಗಿ ಐದು ಮತ್ತು ಆರನೇ ಸ್ಥಾನದಲ್ಲಿದೆ. ಜ್ಯೂನಿಯರ್ ಸ್ತರದ ಉದ್ಯೋಗಗಳ ವೇತನದ ಪಟ್ಟಿಯಲ್ಲಿ ಚೆನ್ನೈ (ವಾರ್ಷಿಕ 5.6 ಲಕ್ಷ ರೂ.) ಮೂರನೇ ಸ್ಥಾನದಲ್ಲಿದೆ. ಬೆಂಗಳೂರಿನ ವೇತನಕ್ಕೆ ಹೋಲಿಸಿದರೆ ಶೇಕಡ 16 ಅಂತರವಿದೆ.

ಟೈರ್ 2 ನಗರಗಳ ಪೈಕಿ ಉನ್ನತಾಧಿಕಾರಿ ಸ್ತರದ ಉದ್ಯೋಗಗಳ ವೇತನ ಭುವನೇಶ್ವರದಲ್ಲೇ ಗರಿಷ್ಠ ಸರಾಸರಿ (ವಾರ್ಷಿಕ 31.2 ಲಕ್ಷ ರೂ.) ಮಟ್ಟದಲ್ಲಿ ಇದೆ. ಕೊಚ್ಚಿ (28.8 ಲಕ್ಷ ರೂ.), ಚಂಡೀಗಢ (26.5 ಲಕ್ಷ ರೂ.) ನಂತರದ ಸ್ಥಾನಗಳಲ್ಲಿವೆ.

ಪ್ರಮುಖಾಂಶಗಳು

1. ಮೂರೂ ಸ್ತರದ ಉದ್ಯೋಗಿಗಳ ಸರಾಸರಿ ವೇತನದಲ್ಲಿ ಗಮನಾರ್ಹ ಏರಿಕೆ ದಾಖಲಾಗಿದೆ.
2. ಸದ್ಯೋಭವಿಷ್ಯದಲ್ಲಿ ಉದ್ಯೋಗಿಗಳಿಗೆ ಗರಿಷ್ಠ ವೇತನ ನೀಡುವ ಕ್ಷೇತ್ರವಾಗಿ ಆರೋಗ್ಯ ಕ್ಷೇತ್ರ ಮುಂಚೂಣಿಗೆ ಬರಲಿದೆ.
3. ಇದೇ ರೀತಿ ಟ್ರೆಂಡ್ ಕೌಶಲಯುಕ್ತ ಉದ್ಯೋಗಿಗಳಿಗೆ ಐಟಿ, ಇಂಟರ್​ನೆಟ್ ಮತ್ತು ಇ-ಕಾಮರ್ಸ್ ಕ್ಷೇತ್ರಗಳಲ್ಲಿ ಲಭ್ಯವಾಗಲಿದೆ.

ಬಿಎಫ್​ಎಸ್​ಐ ಟ್ರೆಂಡ್: ಬ್ಯಾಂಕಿಂಗ್, ಫೈನಾನ್ಶಿಯಲ್ ಸರ್ವೀಸಸ್ ಆಂಡ್ ಇನ್ಶೂರೆನ್ಸ್ (ಬಿಎಫ್​ಎಸ್​ಐ) ಸೆಕ್ಟರ್​ನಲ್ಲಿ ಮಧ್ಯಮ ಸ್ತರ ಮತ್ತು ಉನ್ನತಾಧಿಕಾರಿ ಸ್ತರದ ಉದ್ಯೋಗಿಗಳಿಗೆ ಸರಾಸರಿ ಗರಿಷ್ಠ ವಾರ್ಷಿಕ ವೇತನ ಅಹಮದಾಬಾದ್​ನಲ್ಲಿ ಅನುಕ್ರಮವಾಗಿ 8 ಲಕ್ಷ ರೂ. ಮತ್ತು 15.3 ಲಕ್ಷ ರೂ., ಕೋಲ್ಕತದಲ್ಲಿ 12.7 ಲಕ್ಷ ರೂ. ಮತ್ತು 27.3 ಲಕ್ಷ ರೂ., ಮುಂಬೈನಲ್ಲಿ 9.3 ಲಕ್ಷ ರೂ. ಮತ್ತು 19.3 ಲಕ್ಷ ರೂ., ಎನ್​ಸಿಆರ್​ನಲ್ಲಿ 8.7 ಲಕ್ಷ ರೂ. ಮತ್ತು 17 ಲಕ್ಷ ರೂ. ಇದೆ. ಈ ಪಟ್ಟಿಯಲ್ಲಿ ಭುವನೇಶ್ವರ ಅಗ್ರಸ್ಥಾನದಲ್ಲಿದ್ದು ಉನ್ನತಾಧಿಕಾರಿಗಳಿಗೆ ಸರಾಸರಿ 31.2 ಲಕ್ಷ ರೂ. ವೇತನವಿದೆ.

https://www.vijayavani.net/1-9th-standard-are-closed-till-31st-january/

https://www.vijayavani.net/mummy-gives-birth-to-twins-just-15-mins-apart-but-in-different-years/