'ಮಧ್ಯರಾತ್ರಿ ನನ್ನ ರೂಮ್​ಗೆ....'! ಭಯಾನಕ ಸಂಗತಿ ತೆರೆದಿಟ್ಟ ಬೋಲ್ಡ್​ ಬ್ಯೂಟಿ ಮೌನಿ ರಾಯ್​ | Mouni Roy

Mouni Roy: ಹಿಂದಿ ಧಾರವಾಣಿಯಲ್ಲಿ ನಾಗಿಣಿ ಪಾತ್ರದಲ್ಲಿ ಸಖತ್ ಮಿಂಚಿದ್ದ ಬಾಲಿವುಡ್​ ಬೋಲ್ಡ್ ಬ್ಯೂಟಿ ನಟಿ ಮೌನಿ ರಾಯ್​ ಇದೀಗ ತಮ್ಮ ಮುಂಬರುವ ಸಿನಿಮಾಗಳ ಚಿತ್ರೀಕರಣದಲ್ಲಿ ಸಖತ್ ಬಿಜಿಯಾಗಿದ್ದಾರೆ. ಸದ್ಯ ಪ್ರಚಾರ ಕಾರ್ಯಗಳಲ್ಲಿ ಭಾಗಿಯಾಗುತ್ತಿರುವ ಮೌನಿ, ತಮಗಾದ ಭಯಾನಕ ಘಟನೆ ಕುರಿತು ಸಂದರ್ಶನವೊಂದರಲ್ಲಿ ಮುಕ್ತವಾಗಿ ಮಾತನಾಡಿದ್ದಾರೆ.

ಇದನ್ನೂ ಓದಿ: ಅಮೆರಿಕದ ಜಿಪಿಎಸ್‌ಗೆ ಪರ್ಯಾಯ ನ್ಯಾವಿಗೇಷನ್ ಅಭಿವೃದ್ಧಿ ಪಡಿಸುತ್ತಿರುವ ಇಸ್ರೋ

ಆರಂಭದಲ್ಲಿ ಹಿಂದಿ ಧಾರಾವಾಹಿಗಳಲ್ಲಿ ನಟಿಸುತ್ತಿದ್ದ ಮೌನಿ ರಾಯ್, ಇದೀಗ ಸಿನಿಮಾ ಮೂಲಕ ತಮ್ಮ ಜನಪ್ರಿಯತೆಯನ್ನು ಮತ್ತಷ್ಟು ಹೆಚ್ಚಿಸಿಕೊಂಡಿದ್ದಾರೆ. ಇದೇ ಮೇ.1ರಂದು ರಿಲೀಸ್​ಗೆ ಸಜ್ಜಾಗಿರುವ 'ಭೂತ್ನಿ' ಚಿತ್ರದ ಸಂದರ್ಶನದಲ್ಲಿ ಮಾತನಾಡಿದ ಮೌನಿ, "ನನಗೆ ಅಷ್ಟು ಸರಿಯಾಗಿ ನೆನಪಿಲ್ಲ. ಒಮ್ಮೆ ನಾವು ಯಾವುದೋ ಊರಿಗೆ ಹೋಗಿದ್ದೆವು. ಅಲ್ಲಿ ಯಾರೋ ಒಬ್ಬ ವ್ಯಕ್ತಿ ನಾನು ಉಳಿದಿದ್ದ ಹೋಟೆಲ್ ರೂಮ್​ನ ಬೀಗ ಕಳ್ಳತನ ಮಾಡಿದ್ದ. ಅದೇ ದಿನ ಮಧ್ಯರಾತ್ರಿಯಂದು ಕೀಲಿ ಬಳಸಿ ರೂಮ್​ನೊಳಗೆ ಪ್ರವೇಶಿಸಲು ಪ್ರಯತ್ನಿಸುತ್ತಿರುವುದು ನನ್ನ ಗಮನಕ್ಕೆ ಬಂದಿತು. ಕೂಡಲೇ ನಾನು ಚೀರಾಡಿದೆ" ಎಂದರು.

"ಈ ವೇಳೆ ನನ್ನೊಂದಿಗೆ ನಮ್ಮ ಮ್ಯಾನೇಜರ್ ಕೂಡ ಇದ್ದರು. ನನ್ನ ಚೀರಾಟ ಕೇಳಿ ಅವರೂ ಶಾಕ್ ಆಗಿದ್ದರು. ಈ ಘಟನೆಯ ಬಗ್ಗೆ ನಾನು ಹೋಟೆಲ್ ಸಿಬ್ಬಂದಿಯನ್ನು ಪ್ರಶ್ನಿಸಿದಾಗ, ಅವರು ಹೌಸ್‌ಕೀಪಿಂಗ್ ಆಗಿರಬೇಕು ಮೇಡಂ ಎಂದು ಕಾಟಾಚಾರದ ಮಾತನ್ನಾಡಿದರು. ಮಧ್ಯರಾತ್ರಿ 12:30ಕ್ಕೆ ಯಾವ ಹೌಸ್‌ಕೀಪಿಂಗ್ ಬರುತ್ತಾರೇ ಎಂದು ಜೋರಾಗಿ ಕೇಳಿದೆ, ಇದಕ್ಕೆ ಅವರ ಬಳಿ ಉತ್ತರವಿರಲಿಲ್ಲ. ಆ ಘಟನೆ ಮಾತ್ರ ತುಂಬಾ ಭಯಾನಕ ಮತ್ತು ಕೆಟ್ಟ ಅನುಭವವಾಗಿತ್ತು" ಎಂದು ಮೌನಿ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/this-former-cricketer-who-helped-vaibhav