ತಾಯಿಯ ಬಗ್ಗೆ ಮಗನಾಗಿ ಆರೋಗ್ಯಕರವಾಗಿ ಮತ್ತು ಅಭಿಮಾನಪೂರ್ವಕವಾಗಿ ಚಿಂತಿಸುತ್ತಾ ಇರುವ ನಿಮಗೆ ಒಳಿತಾಗಲಿ. ಯಾವುದೇ ಸಮಸ್ಯೆಗೆ ಪರಿಹಾರ ನಾಲ್ಕೈದು ಮಾರ್ಗಗಳಲ್ಲಿ ಇರುತ್ತವೆ. ನಾವು ಒಂದೇ ಮಾರ್ಗವನ್ನು ಹಿಡಿದು ಯೋಚಿಸುವುದರಿಂದಲೂ, ಆ ಮಾರ್ಗ ನಿರೀಕ್ಷಿತ ಫಲವನ್ನು ಕೊಡದೇ ಇರುವುದರಿಂದಲೂ ಹೀಗೆ ಕಂಗಾಲಾಗುತ್ತೇವೆ. ನಿಮ್ಮ ತಾಯಿಯನ್ನು ಆರೋಗ್ಯವಾಗಿ ರಕ್ಷಿಸಿಕೊಳ್ಳಲು ಅನೇಕ ಮಾರ್ಗಗಳಿವೆ. ನಿಮ್ಮಹೆಂಡತಿಗೆ ಅತ್ತೆಯನ್ನು ಕಂಡರೆ ಆಗದೇ ಇರುವುದಕ್ಕೆ ಅನೇಕ ಕಾರಣಗಳಿರಬಹುದು. ಅದನ್ನು ನಾನಿಲ್ಲಿ ರ್ಚಚಿಸುವುದಿಲ್ಲ. ಆದರೆ ಒಂದು ಮಾತು ಹೇಳಲಿಚ್ಛಿಸುತ್ತೇನೆ. ಅತ್ತೆ- ಸೊಸೆಯ ಸಂಬಂಧ ಚೆನ್ನಾಗಿರಬೇಕಾದರೆ ಇಬ್ಬರದ್ದೂ ಹೊಣೆ ಬಹಳವಾಗಿರುತ್ತದೆ. ಒಬ್ಬರೇ ಅನುಸರಿಸಿಕೊಂಡು ಹೋಗಲಿ ಎಂದು ನಿರೀಕ್ಷಿಸುವುದು ಅವೈಜ್ಞಾನಿಕವಾಗುತ್ತದೆ.
