ಗನ್​ನಿಂದ ಗುಂಡಿಕ್ಕಿ 2 ಡಜನ್​ಗೂ ಹೆಚ್ಚು ಮಂಗಗಳ ಕೊಂದ ಪ್ರಕರಣ; ಆರೋಪಿ ಬಂಧನ| monkeys dead

Uttar pradesh: ಉತ್ತರ ಪ್ರದೇಶದ ಮಥುರಾದಲ್ಲಿ ಪ್ರಾಣಿಗಳ ಮೇಲಿನ ಆಘಾತಕಾರಿ ಕ್ರೌರ್ಯದ ಪ್ರಕರಣ ಬೆಳಕಿಗೆ ಬಂದಿದೆ. ವ್ಯಕ್ತಿಯೊಬ್ಬ ಎರಡು ಡಜನ್‌ಗೂ ಹೆಚ್ಚು ಮಂಗಗಳನ್ನು ಏರ್ ಗನ್ ಬಳಸಿ ಗುಂಡಿಕ್ಕಿ ಕೊಂದಿದ್ದಾನೆ ಎನ್ನಲಾಗಿದೆ. ಇಲ್ಲಿ ಮಂಗಗಳು ಹೆಚ್ಚಾಗಿ ಹನುಮಂತನ ಭಕ್ತಿಯೊಂದಿಗೆ ಸಂಬಂಧ ಹೊಂದಿವೆ. ಈ ನಡುವೆ ಇಂತಹ ಘಟನೆ ನಡೆದಿದ್ದು, ಆ ವ್ಯಕ್ತಿಯ ಈ ಕೃತ್ಯ ಕಂಡ ಸ್ಥಳೀಯರು ಆಕ್ರೋಶ ಹೊರಹಾಕಿದ್ದಾರೆ.

ಇದನ್ನೂ ಓದಿ:ಭಾರತದೊಂದಿಗಿನ ಉದ್ವಿಗ್ನತೆ; ಎರಡನೇ ಬಾರಿಗೆ ಫತಾಹ್ ಕ್ಷಿಪಣಿ ಪರೀಕ್ಷೆ ನಡೆಸಿದ ಪಾಕ್ | Fatah missile test

ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯನ್ನು ಬಂಧಿಸಲಾಗಿದ್ದು, ಆರೋಪಿ ಹತ್ತಿರದ ಜಾನಕಿ ದಾಸ್ ಆಶ್ರಮದಲ್ಲಿ ವಾಸಿಸುತ್ತಿದ್ದ ವಿದೇಶಿ ಪ್ರಜೆ ಎಂಬುದಾಗಿ ಪೊಲೀಸರು ಹೇಳಿದ್ದಾರೆ. ಆ ವ್ಯಕ್ತಿ ಏರ್ ಗನ್ ಬಳಸಿ ಕೋತಿಗಳಿಗೆ ಗುಂಡು ಹಾರಿಸಿದ್ದಾನೆ ಎಂದು ಗ್ರಾಮಸ್ಥರು ಆರೋಪಿಸಿದ್ದು, ಸತ್ತ ಕೋತಿಗಳ ದೇಹಗಳ ಮೇಲೆ ಗುಂಡುಗಳಿಂದಾದ ಗಾಯಗಳು ಕಂಡುಬಂದಿವೆ.

ಅಧಿಕಾರಿಗಳ ಪ್ರಕಾರ, ಗೋವರ್ಧನ ಪೊಲೀಸ್ ಠಾಣೆ ಪ್ರದೇಶದ ಗೋವರ್ಧನ ಗಿರಿರಾಜ್ ಪರ್ವತದ ತಪ್ಪಲಿನಲ್ಲಿರುವ ಗೋವಿಂದ್ ಕುಂಡ್ ಬಳಿ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಬಂದು ಕೋತಿಗಳ ಮೃತದೇಹಗಳನ್ನು ವಶಕ್ಕೆ ತೆಗೆದುಕೊಂಡು, ನಂತರ ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.

ಇದನ್ನೂ ಓದಿ: ಇನ್ವರ್ಟರ್ ಬ್ಯಾಟರಿ ಸ್ಫೋಟ; ಉಜ್ಜಯಿನಿ ಮಹಾಕಾಳೇಶ್ವರ ದೇವಸ್ಥಾನದಲ್ಲಿ ಬೆಂಕಿ ಅವಘಡ| Temple fire

(ಏಜೆನ್ಸೀಸ್)

ಮೃತ ಕೋತಿಗಳ ದೇಹವನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದ್ದು, ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಸಾವಿಗೆ ಕಾರಣ ದೃಢಪಟ್ಟ ನಂತರ ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸ್ ವರಿಷ್ಠಾಧಿಕಾರಿ ತ್ರಿಗುಣ್ ಬಿಸೆನ್ ತಿಳಿಸಿದ್ದಾರೆ.

https://www.vijayavani.net/pahalgam-attack-supreme-court-dismisses-pil-seeking-safety-of-tourists-pahalgam-attack