ಬ್ಯೂಟಿಫುಲ್ ಆಗಿ ಕಾಣಲು 200 ಬಾರಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಕೊಂಡ್ಳು; ಮುಂದೆ ಆಗಿದ್ದು ಘನಘೋರ ಎಂದ ಯುವತಿ

ಕ್ಯಾಲಿಫೋರ್ನಿಯಾ: ಕೆಲವರು ಎಲ್ಲರಿಗಿಂತ ವಿಭಿನ್ನವಾಗಿ ಮತ್ತು ಸುಂದರವಾಗಿ ಕಾಣಲು ಬಯಸುತ್ತಾರೆ. ಪ್ಲಾಸ್ಟಿಕ್ ಸರ್ಜರಿಯಿಂದ ತಮ್ಮ ನೋಟವನ್ನು ಸಂಪೂರ್ಣವಾಗಿ ಬದಲಾಯಿಸಿದ ಅನೇಕ ಮಹಿಳೆಯರು ಜಗತ್ತಿನಲ್ಲಿದ್ದಾರೆ. ಸುಂದರವಾಗಿ ಕಾಣಲು ಹಲವು ಬಾರಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡ ಮಹಿಳೆಯರಲ್ಲಿ ಮೋನಿಕಾ ಎ ಅಲೆನ್ ಕೂಡ ಒಬ್ಬರು.. ಈಗ ಪ್ಲಾಸ್ಟಿಕ್ ಸರ್ಜರಿಯ ದುಷ್ಪರಿಣಾಮದಿಂದಾ ತಮ್ಮ ಸೌಂದರ್ಯವನ್ನೇ ಹಾಳು ಮಾಡಿಕೊಂಡಿದ್ದಾರೆ.

ಕ್ಯಾಲಿಫೋರ್ನಿಯಾ ನಿವಾಸಿಯಾದ ಮೋನಿಕಾ ಎ. ಅಲೆನ್ ಮೋನಿಕ್ ಪ್ಲಾಸ್ಟಿಕ್ ಸರ್ಜರಿಯ ಬಗ್ಗೆ ಒಲವು ಬೆಳೆಸಿಕೊಂಡರು. ಇಲ್ಲಿಯವರೆಗೆ, ಅವರು ಬಾಯಿ, ಮೂಗು, ಕೈಗಳು, ಕಾಲುಗಳು  ಸೇರಿದಂತೆ ದೇಹದ ವಿವಿಧ ಭಾಗಗಳಿಗೆ ಸುಮಾರು 200 ಬಾರಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಅವರು ತಮ್ಮ ಶಸ್ತ್ರಚಿಕಿತ್ಸೆಯ ಫಲಿತಾಂಶಗಳನ್ನು ಮತ್ತು ತನಗೆ ಏನಾಯಿತು ಎಂಬ ಸಂಪೂರ್ಣ ಕಥೆಯನ್ನು ಹಂಚಿಕೊಂಡಿದ್ದಾರೆ.

ಪ್ಲಾಸ್ಟಿಕ್ ಸರ್ಜರಿ ಶಸ್ತ್ರಚಿಕಿತ್ಸೆಗಳಿಂದಾಗಿ ನನ್ನ ಪಾದದ ಚರ್ಮವು ಸತ್ತಿದೆ. ಶಸ್ತ್ರ ಚಿಕಿತ್ಸೆಯಿಂದ ಅಂಗವಿಕಲತೆ ಉಂಟಾಗಿದ್ದು, ಈಗ ಸರಿಯಾಗಿ ನಡೆಯಲು ಸಾಧ್ಯವಾಗುತ್ತಿಲ್ಲ. ನನ್ನ ತುಟಿಗಳನ್ನು ಸುಂದರಗೊಳಿಸಲು ಲಿಪ್ ಫಿಲ್ಲರ್ ಕೂಡ ಮಾಡಿಸಿಕೊಂಡಿದ್ದೇನೆ. ಆದರೆ ಈ ಸರ್ಜರಿಯೂ ವಿಫಲವಾಗಿ ತುಟಿಗಳ ಆಕಾರವೇ ಬದಲಾಯಿತು. ಸೌಂದರ್ಯ ಹೆಚ್ಚಿಸಿಕೊಳ್ಳಲು ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡೆ, ಆದರೆ ಈಗ ರೂಪವೇ ಬದಲಾಗಿದ್ದು ವಿದೂಷಕಿಯಂತೆ ಕಾಣುತ್ತಿದ್ದೇನೆ. ಈಗ ಎಲ್ಲೇ ಹೋದರೂ ಜನ ಹೆದರುತ್ತಾರೆ ಎಂದು ಬೇಸರ ವ್ಯಕ್ತ ಪಡಿಸಿದ್ದಾಳೆ.