Keerthy Suresh love stor: ರಾಷ್ಟ್ರಪ್ರಶಸ್ತಿ ವಿಜೇತ ನಟಿ ಕೀರ್ತಿ ಸುರೇಶ್, ತಮ್ಮ ಬಹುಕಾಲದ ಗೆಳೆಯ ಹಾಗೂ ಉದ್ಯಮಿ ಆಂಟೋನಿ ತಟ್ಟಿಲ್ ಜತೆಗಿನ ಮದುವೆ ಹಾಗೂ ಅದಕ್ಕೂ ಮುನ್ನ ಎದುರಾದ ಕಷ್ಟಗಳ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ. ಇಬ್ಬರೂ ಬೇರೆ ಬೇರೆ ಧರ್ಮದವರಾಗಿದ್ದರಿಂದ, ಆರಂಭದಲ್ಲಿ ಮನೆಯವರನ್ನು ಒಪ್ಪಿಸುವುದು ದೊಡ್ಡ ಸವಾಲಾಗಿತ್ತು ಎಂದು ಅವರು ಹೇಳಿಕೊಂಡಿದ್ದಾರೆ.
ಕೀರ್ತಿ ಸುರೇಶ್ ಹಿಂದೂ, ಆಂಟೋನಿ ಕ್ರಿಶ್ಚಿಯನ್. 2010 ರಲ್ಲಿ ಶುರುವಾದ ಇವರ ಪ್ರೇಮಕಥೆ 2024 ರಲ್ಲಿ ಮದುವೆಯಾಗಿ ಪೂರ್ಣಗೊಂಡಿತು. ‘ನಾವಿಬ್ಬರೂ ಡಿಸೆಂಬರ್ 2009 ರಲ್ಲಿ ಸಿಕ್ಕಿದ್ವಿ, 2010 ರ ಜನವರಿಯಿಂದ ಡೇಟಿಂಗ್ ಶುರುಮಾಡಿದ್ವಿ. ಆಂಟೋನಿ ಬೇರೆ ಧರ್ಮದವನಾದ್ದರಿಂದ ಮನೆಯಲ್ಲಿ ಒಪ್ಪಿಕೊಳ್ಳುವುದು ಕಷ್ಟವಾಗಿತ್ತು. ಕುಟುಂಬದವರನ್ನು ಮನವೊಲಿಸಲು ನನಗೆ ಬಹಳ ಸಮಯ ಬಿತ್ತು" ಎಂದು ಕೀರ್ತಿ ತಿಳಿಸಿದ್ದಾರೆ.
