ಕೇರಳದಲ್ಲಿ ರಾಜಕೀಯ ಬಿರುಗಾಳಿ: ನಿಷೇಧವಿದ್ದರೂ ಡಾಕ್ಯುಮೆಂಟರಿಯನ್ನು ರಾಜ್ಯದಾದ್ಯಂತ ಪ್ರದರ್ಶಿಸುವುದಾಗಿ ಸಿಪಿಐ(ಎಂ) ಯುವ ಘಟಕ ಡಿವೈಎಫ್ಐ ಘೋಷಿಸಿದೆ. ಡಿವೈಎಫ್ಐ ಫೇಸ್ಬುಕ್ ಪೇಜ್ನಲ್ಲಿ ತನ್ನ ಉದ್ದೇಶವನ್ನು ಪ್ರಕಟಿಸಿದೆ. ಇದರ ಬೆನ್ನಲ್ಲೇ, ಎಡಪಂಥೀಯ ವಿದ್ಯಾರ್ಥಿ ಸಂಘಟನೆ ಎಸ್ಎಫ್ಐ, ಕಾಂಗ್ರೆಸ್ ಪಕ್ಷದ ಯುವ ವಿಭಾಗವಾದ ಯೂತ್ ಕಾಂಗ್ರೆಸ್, ಅಲ್ಪಸಂಖ್ಯಾತ ಘಟಕ ಮತ್ತಿತರ ಸಂಘಟನೆಗಳು ಕೂಡ ಗಣರಾಜ್ಯ ದಿನದಂದು ಎಲ್ಲ ಜಿಲ್ಲಾ ಕೇಂದ್ರಗಳಲ್ಲಿ ಬಿಬಿಸಿ ಚಿತ್ರ ಪ್ರದರ್ಶಿಸುವುದಾಗಿ ಘೋಷಿಸಿವೆ. ಇದಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿರುವ ಬಿಜೆಪಿ ರಾಜ್ಯ ಘಟಕ, ಇಂಥ ಸಾಹಸವನ್ನು ನಿಲ್ಲಿಸಲು ಮಧ್ಯಪ್ರವೇಶಿಸುವಂತೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ಗೆ ಮನವಿ ಮಾಡಿದೆ.
