ಶಾಸಕರ ಅನುದಾನ ಅಡಿಯಲ್ಲಿ ನಾವು ನೀಡುವ ಪತ್ರಕ್ಕೆ ಬೆಲೆಯೇ ಇಲ್ಲವಾಗಿದೆ. ಮಂಜೂರಾದ ಕಾಮಗಾರಿಗಳಿಗೂ ಹಣ ಬಿಡುಗಡೆ ಮಾಡುತ್ತಿಲ್ಲ ಎಂದು ಪರಿಷತ್ ಸದಸ್ಯರಾದ ಟಿ.ಎ.ಶರವಣ, ಸಿ.ಟಿ.ರವಿ ಮತ್ತಿತರರು ಸದನದಲ್ಲಿ ಪ್ರಸ್ತಾಪಿಸಿದರು.
ಈ ಸಂದರ್ಭದಲ್ಲಿ ಸದಸ್ಯರ ಮಾತಿಗೆ ಧ್ವನಿಗೂಡಿಸಿದ ಉನ್ನತ ಶಿಕ್ಷಣ ಸಚಿವ ಸುಧಾಕರ್ ನಾವು ಬಯಲುಸೀಮೆಯಿಂದ ಬಂದವರು ನಮಗೂ ಅನುದಾನ ಬಂದಿಲ್ಲ ಎಂದರು.
ಗೋವಿಂದರಾಜು ಮಾತನಾಡಿ, ಬಯಲು ಸೀಮೆ ಅಭಿವೃದ್ಧಿ ಯೋಜನೆಯಡಿ ನನಗೆ ಒಮ್ಮೆ 1 ಕೋಟಿ ರೂ ಹಣ ಬಿಡುಗಡೆಗೆ ಪ್ರಕ್ರಿಯೆ ನಡೆಸಿ, ಕೊನೆಗೆ ತಡೆಹಿಡಿಯುತ್ತಾರೆ. ಹೀಗಾದರೆ ಹೇಗೆ? ಎಂದು ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡರು.
ಸಿಎಂ ಅವರು ಖಜಾನೆ ತುಂಬಿತುಳುಕುತ್ತಿದೆ ಎಂದು ಕಿಚಾಯಿಸಿದ ಸಿ ಟಿ ರವಿ ಮಾತಿಗೆ, ಹಿಂದಿನ ಸರ್ಕಾರದಲ್ಲಿ ಲೂಟಿ ಹೊಡೆದಿದ್ದಾರೆ ಅದಕ್ಕೆ ಸಮಸ್ಯೆ ಎಂದು ಕಾಂಗ್ರೆಸ್ನ ರವಿ ಪ್ರತ್ಯುತ್ತರ ನೀಡಿದರು. ಈ ಸಂದರ್ಭದಲ್ಲಿ ಆಡಳಿತ ಮತ್ತು ವಿಪಕ್ಷ ಸದಸ್ಯರ ನಡುವೆ ಮಾತಿನ ಚಕಮಕಿ ನಡೆಯಿತು.
