ರಾಜಕೀಯಕ್ಕಾಗಿ ಹಿಂದುತ್ವದ ಪ್ರತಿಪಾದನೆ ಮಾಡುವ ಯತ್ನಾಳ ವೀರಶೈವ ಲಿಂಗಾಯತ ಸಮುದಾಯದ ಒಳಪಂಗಡಗಳ ವಿರುದ್ಧವೇ ಆಪಾದನೆ ಮಾಡುತ್ತಾರೆ. ಲಿಂಗಾಯತ ನಾಯಕರ ಯಡಿಯೂರಪ್ಪ ಹಾಗೂ ವಿಜಯೇಂದ್ರ ಬಗ್ಗೆ ಅವಹೇಳನ ಮಾಡುತ್ತಾರೆ. ಬಣಜಿಗ ಸಮುದಾಯಕ್ಕೆ ಬೈಯ್ಯುತ್ತಾರೆ. ಕುರುಬ, ಬ್ರಾಹ್ಮಣ ಹೀಗೆ ಅನೇಕ ಸಮುದಾಯಗಳ ಹಾಗೂ ನಾಯಕರನ್ನು ನಿಂದಿಸುತ್ತಾರೆ. ಮುಸ್ಲಿಂರೇ ಹೇಳುವ ಹಾಗೆ ಜೆಡಿಎಸ್ ಸೇರಿದಾಗ ಮುಸ್ಲಿಂ ಟೋಪಿ ಧರಿಸಿ, ಬಿರಿಯಾನಿ ತಿನ್ನುತ್ತಾರೆ. ಈಗಲೂ ಯತ್ನಾಳರು ಬಿರಿಯಾನಿ ತಿನುತ್ತಾರೆ, ಅದು ಕುರಿ, ಕೋಳಿ, ದನದ್ದು ಎಂದು ಸಹ ನೋಡುವುದಿಲ್ಲವಂತೆ. ಅಷ್ಟೇ ಏಕೆ ತಮ್ಮ ರಾಜಕೀಯ ಹಿತಾಸಕ್ತಿಗಾಗಿ ತಮ್ಮದೇ ಪಂಚಮಸಾಲಿ ಸಮುದಾಯ ಬಲಿಕೊಟ್ಟರು. ಪಂಚಮಸಾಲಿ 2 ಎ ಮೀಸಲಾತಿ ಕೊಡಿಸುತ್ತೇವೆಂದು ಹೇಳಿ ಸಮುದಾಯದ ಸ್ವಾಮಿಯನ್ನು ಬಲಿಕೊಟ್ಟರು. ಇನ್ನೂ ಸ್ವಲ್ಪ ದಿನ ಕಳೆಯಲಿ ವಿಜಯಾನಂದ ಕಾಶಪ್ಪನವರಗೂ ಬೈಯ್ಯುತ್ತಾರೆಂದು ರವಿಕಾಂತ ಬಗಲಿ ವ್ಯಂಗ್ಯವಾಡಿದರು.
