ಭಿಕ್ಷಾಟನೆ ಸಂಪೂರ್ಣವಾಗಿ ನಿಷೇಧ! ಮಿಜೋರಾಂ ವಿಧಾನಸಭೆಯಲ್ಲಿ ಮಸೂದೆ ಅಂಗೀಕಾರ..ban begging

Ban Begging : ಮಿಜೋರಾಂ ಸರ್ಕಾರ ಸಾಮಾಜಿಕ ಅಭಿವೃದ್ಧಿಯತ್ತ ನಿರ್ಣಾಯಕ ಹೆಜ್ಜೆ ಇಟ್ಟಿದೆ. ರಾಜ್ಯವನ್ನು ಭಿಕ್ಷುಕ ಮುಕ್ತ ಪ್ರದೇಶವನ್ನಾಗಿ ಮಾಡಲು "ಮಿಜೋರಾಂ ಭಿಕ್ಷಾಟನೆ ನಿಷೇಧ ಮಸೂದೆ - 2025" ಅನ್ನು ವಿಧಾನಸಭೆಯಲ್ಲಿ ಪರಿಚಯಿಸಲಾಯಿತು ಮತ್ತು ಎಲ್ಲಾ ರಾಜಕೀಯ ಪಕ್ಷಗಳ ಬೆಂಬಲದೊಂದಿಗೆ ಇದನ್ನು ಸರ್ವಾನುಮತದಿಂದ ಅಂಗೀಕರಿಸಲಾಗಿದೆ.

ಮಿಜೋರಾಂ ವಿಧಾನಸಭೆಯಲ್ಲಿ ವಿರೋಧ ಪಕ್ಷದ ಸದಸ್ಯರ ಆಕ್ಷೇಪಣೆಗಳ ನಡುವೆಯೇ, ರಾಜ್ಯದಲ್ಲಿ ಭಿಕ್ಷಾಟನೆ ನಿಷೇಧಿಸುವ ಮಸೂದೆಯನ್ನು ಅಂಗೀಕರಿಸಲಾಯಿತು.

'ಮಿಜೋರಾಂ ಭಿಕ್ಷಾಟನೆ ನಿಷೇಧ' ಮಸೂದೆ 2025 :

ಸದನದಲ್ಲಿ 'ಮಿಜೋರಾಂ ಭಿಕ್ಷಾಟನೆ ನಿಷೇಧ' ಮಸೂದೆ 2025 ಅನ್ನು ಮಂಡಿಸಿದ ರಾಜ್ಯ ಸಮಾಜ ಕಲ್ಯಾಣ ಸಚಿವ ಲಾಲ್ರಿನ್‌ಪುಯಿ, ಭಿಕ್ಷಾಟನೆಯನ್ನು ನಿಷೇಧಿಸುವುದು ಮಾತ್ರವಲ್ಲದೆ, ಭಿಕ್ಷುಕರಿಗೆ ಸುಸ್ಥಿರ ಜೀವನೋಪಾಯದ ಆಯ್ಕೆಗಳನ್ನು ಒದಗಿಸುವ ಮೂಲಕ ಅವರಿಗೆ ಸಹಾಯ ಮಾಡುವುದು ಮತ್ತು ಪುನರ್ವಸತಿ ಕಲ್ಪಿಸುವುದು ಇದರ ಉದ್ದೇಶವಾಗಿದೆ. ನಮ್ಮ ರಾಜ್ಯವು ತುಂಬಾ ಅದೃಷ್ಟಶಾಲಿಯಾಗಿದೆ, ಇಲ್ಲಿನ ಸಾಮಾಜಿಕ ರಚನೆ, ಚರ್ಚ್‌ಗಳು ಮತ್ತು ಎನ್‌ಜಿಒಗಳ ಭಾಗವಹಿಸುವಿಕೆಯೊಂದಿಗೆ ರಾಜ್ಯದಲ್ಲಿ ಜಾರಿಗೆ ಬರುತ್ತಿರುವ ಕಲ್ಯಾಣ ಯೋಜನೆಗಳಿಂದಾಗಿ, ರಾಜ್ಯದಲ್ಲಿ ಭಿಕ್ಷುಕರ ಸಂಖ್ಯೆ ತುಂಬಾ ಕಡಿಮೆಯಾಗಿದೆ ಎಂದು ಹೇಳಿದರು.

ಸೈರಂಗ್-ಸಿಹ್ಮುಯಿ ರೈಲು ನಿಲ್ದಾಣ ಉದ್ಘಾಟನೆಯಾದ ನಂತರ, ಇತರ ರಾಜ್ಯಗಳಿಂದ ಮಿಜೋರಾಂಗೆ ಭಿಕ್ಷುಕರು ಬರುವ ಸಾಧ್ಯತೆ ಹೆಚ್ಚಾಗುತ್ತದೆ. ಈ ರೈಲು ಮಾರ್ಗವನ್ನು ಸೆಪ್ಟೆಂಬರ್ 13 ರಂದು ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಲಿದ್ದಾರೆ. ಸರಿಯಾದ ನಿಯಂತ್ರಕ ಚೌಕಟ್ಟಿನ ಮೂಲಕ ರಾಜ್ಯವನ್ನು ಭಿಕ್ಷುಕರಿಂದ ಮುಕ್ತವಾಗಿಡಬಹುದು ಎಂದು ಸರ್ಕಾರ ನಂಬುತ್ತದೆ ಎಂದು ಲಾಲ್ರಿನ್‌ಪುಯಿ ಹೇಳಿದರು.

ಭಿಕ್ಷುಕರನ್ನು ತಾತ್ಕಾಲಿಕವಾಗಿ ಇರಿಸಲು 'ಸ್ವೀಕರಿಸುವ' 'relief board' ಕೇಂದ್ರಗಳನ್ನು ಸ್ಥಾಪಿಸಲು ಸರ್ಕಾರ ರಾಜ್ಯ ಮಟ್ಟದ 'ಪರಿಹಾರ ಮಂಡಳಿ'ಯನ್ನು 'relief board' ಸ್ಥಾಪಿಸಲಿದೆ. ಭಿಕ್ಷುಕರನ್ನು ಮೊದಲು 'ಸ್ವೀಕರಿಸುವ' ಕೇಂದ್ರದಲ್ಲಿ ಇರಿಸಲಾಗುತ್ತದೆ ಮತ್ತು 24 ಗಂಟೆಗಳ ಒಳಗೆ ಅವರ ಸ್ಥಳೀಯ ಮನೆಗಳಿಗೆ ಅಥವಾ ರಾಜ್ಯಗಳಿಗೆ ಕಳುಹಿಸಲಾಗುತ್ತದೆ.

ಸಮಾಜ ಕಲ್ಯಾಣ ಇಲಾಖೆ ನಡೆಸಿದ ಸಮೀಕ್ಷೆಯ ಪ್ರಕಾರ, ರಾಜ್ಯ ರಾಜಧಾನಿ ಐಜ್ವಾಲ್‌ನಲ್ಲಿ ಸ್ಥಳೀಯರಲ್ಲದವರು ಸೇರಿದಂತೆ 30 ಕ್ಕೂ ಹೆಚ್ಚು ಭಿಕ್ಷುಕರಿದ್ದಾರೆ. ಮಿಜೋ ನ್ಯಾಷನಲ್ ಫ್ರಂಟ್ (ಎಂಎನ್‌ಎಫ್) ನಾಯಕ ಲಾಲ್‌ಚಂದಮ ರಾಲ್ಟೆ ಸೇರಿದಂತೆ ವಿರೋಧ ಪಕ್ಷದ ಸದಸ್ಯರು ಈ ಮಸೂದೆಯು ಕ್ರಿಶ್ಚಿಯನ್ ಧರ್ಮಕ್ಕೆ ಹಾನಿಕಾರಕವಾಗಿದೆ ಮತ್ತು ರಾಜ್ಯದ ಖ್ಯಾತಿಗೆ ಕಳಂಕ ತರುತ್ತದೆ ಎಂದು ಹೇಳಿದರು.

ಲಾಲ್ದುಹೋಮ ಸೇರಿದಂತೆ 13 ಸದಸ್ಯರು ಭಾಗವಹಿಸಿದ್ದ ವಿಧಾನಸಭೆಯ ಸುದೀರ್ಘ ಚರ್ಚೆಯ ನಂತರ ಮಸೂದೆಯನ್ನು ಅಂಗೀಕರಿಸಲಾಯಿತು.

ವಿರೋಧ ಪಕ್ಷದ ಟೀಕೆಗೆ ಪ್ರತಿಕ್ರಿಯಿಸಿದ ಸಿಎಂ ಲಾಲ್ದುಹೋಮ, ಈ ಕಾನೂನಿನ ಉದ್ದೇಶ ಯಾರನ್ನೂ ಶಿಕ್ಷಿಸುವುದು ಅಲ್ಲ. ನಾವು ಭಿಕ್ಷುಕರನ್ನು ಶಿಕ್ಷಿಸುತ್ತಿಲ್ಲ. ಅವರ ಜೀವನ ಮಟ್ಟವನ್ನು ಸುಧಾರಿಸಲು ನಾವು ಚರ್ಚ್‌ಗಳು ಮತ್ತು ಎನ್‌ಜಿಒಗಳ ಸಹಾಯದಿಂದ ಪುನರ್ವಸತಿ ಕಾರ್ಯಕ್ರಮಗಳನ್ನು ಕೈಗೊಳ್ಳುತ್ತೇವೆ. ಮಿಜೋರಾಂ ಅನ್ನು ಹೆಚ್ಚು ಅಭಿವೃದ್ಧಿ ಹೊಂದಿದ ಮತ್ತು ಗೌರವಾನ್ವಿತ ರಾಜ್ಯವನ್ನಾಗಿ ಮಾಡುವುದು ಗುರಿಯಾಗಿದೆ ಎಂದು ಅವರು ಹೇಳಿದರು.