ಕೇಂದ್ರ ಬಜೆಟ್ ಮಂಡಿಸುವ ವೇಳೆ ವಿತ್ತ ಸಚಿವೆ ಉಟ್ಟಿರುವುದು ಧಾರವಾಡದ ಕಸೂತಿ ಕಲೆಯಿರುವ ಸೀರೆ!

ಧಾರವಾಡ: ಕೇಂದ್ರ ಸರ್ಕಾರದ 2023-24ನೇ ಬಜೆಟ್ ಮಂಡಿಸಲು ಕೆಂಪು ಬಣ್ಣದ ಸೀರೆ ಉಟ್ಟು ಬಂದಿದ್ದ ನಿರ್ಮಲಾ ಸೀತಾರಾಮನ್ ವಿಶೇಷವಾಗಿ ಗಮನ ಸೆಳೆದರು. ಮತ್ತೊಂದು ವಿಶೇಷವೆಂದರೆ ವಿತ್ತ ಸಚಿವೆ ಉಟ್ಟಿದ್ದು, ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರು ಉಡುಗೊರೆಯಾಗಿ ನೀಡಿದ್ದ ಕೈಮಗ್ಗದ ಸೀರೆ.

ಕಳೆದ ಡಿಸೆಂಬರ್​ನಲ್ಲಿ ಕೈಮಗ್ಗದಲ್ಲಿ ಮಾಡಿದ್ದ ಏಳು ಇಳಕಲ್​ ರೇಷ್ಮೆ ಸೀರೆಗಳನ್ನು ಆಯ್ಕೆ ಮಾಡಲು ಧಾರವಾಡದಿಂದ ರವಾನೆ ಮಾಡಲಾಗಿತ್ತು. ಈ ವೇಳೆ ನಿರ್ಮಲಾ ಸೀತಾರಾಮನ್ ಅವರೇ ಕೆಂಪು ಬಣ್ಣದ ಕೈಮಗ್ಗದ ಸೀರೆಯನ್ನು ಆಯ್ಕೆ ಮಾಡಿಕೊಂಡಿದ್ದರು. ಇದೀಗ ಅದೇ ಸೀರೆಯನ್ನು ಬಜೆಟ್ ಮಂಡನೆಗೆ ಉಟ್ಟುಕೊಂಡು ಬಂದಿದ್ದಾರೆ.

ನಿರ್ಮಲಾ ಸೀತಾರಾಮನ್ ತಮ್ಮಿಷ್ಟದ ಸೀರೆಯನ್ನು ಆಯ್ಕೆ ಮಾಡಿದ ನಂತರ ಈ ಸೀರೆಗೆ ಧಾರವಾಡದ ಆರತಿ ಹಿರೇಮಠ ಮಾಲೀಕತ್ವದ ಆರತಿ ಕ್ರಾಪ್ಟ್ಸ್​ನ ಮಹಿಳೆಯರು ಸೇರಿಕೊಂಡು ಕಸೂತಿ ಮಾಡಿದ್ದಾರೆ. ಸಾಂಪ್ರದಾಯಿಕ ಧಾರವಾಡ ಕಸೂತಿ ಹಾಕಲಾಗಿರುವ ಈ ಇಳಕಲ್ ಸೀರೆಗೆ ಚಿಕ್ಕಪರಾಸ್ ದಡಿಯಿದ್ದು, ತೇರು, ಗೋಪುರ, ನವಿಲು, ಕಮಲದ ಚಿತ್ರಗಳ ಕಸೂತಿ ಹಾಕಲಾಗಿದೆ.

https://www.vijayavani.net/pan-card-to-be-single-common-identifier-for-financial-transactions/

https://www.vijayavani.net/establishment-of-eklavya-model-schools-in-tribal-areas-across-the-country-in-the-next-three-years/

https://www.vijayavani.net/availability-of-agricultural-loan-in-cash-form/