ಸಂಗೀತಾ ವಿರುದ್ಧ ಗಂಭೀರ ಆರೋಪ ಮಾಡಿದ ಮೈಕಲ್​; ಈ ಮಾತನ್ನು ನೀವು ಒಪ್ಪುತ್ತೀರಾ

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ ಬಾಸ್​ ಸೀಸನ್​ 10 ಈ ಬಾರಿ ಹಲವು ವಿಶೇಷತೆಗಳಿಂದ ಕೂಡಿದ್ದು, ಒಂದಿಲ್ಲೊಂದು ವಿಚಾರಕ್ಕೆ ಹೆಚ್ಚು ಸದ್ದು ಮಾಡುತ್ತಿದೆ. ಫಿನಾಲೆಗೆ ಇನ್ನೇನು ಕೆಲವೇ ವಾರಗಳು ಬಾಕಿಯಿದ್ದು, ಟಾಪ್​ 5 ಸ್ಫರ್ಧಿಗಳಲ್ಲಿ ಒಬ್ಬರಾಗಲಿದ್ದಾರೆ ಎಂದುಕೊಂಡಿದ್ದ ಮೈಕಲ್​ ಮನೆಯಿಂದ ಫಿನಾಲೆಯ ಹೊಸ್ತಿಲಲ್ಲಿ ಎಲಿಮಿನೇಟ್​ ಆಗಿದ್ದಾರೆ.

ಮನೆಯಿಂದ ಹೊರಬಂದ ಬಳಿಕ ಬಿಗ್​ಬಾಸ್​ ಸ್ಫರ್ಧಿ ಮೈಕಲ್ ‘ವಿಜಯವಾಣಿ’ ಜೊತೆ​ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದು, ಮಾತನಾಡುವ ವೇಳೆ ಸ್ಫರ್ಧಿ ಸಂಗೀತಾ ಶೃಂಗೇರಿ ಅವರ ವಿರುದ್ಧ ಗಂಭೀರ ಆರೋಪಗಳನ್ನು ಮಾಡಿದ್ದಾರೆ.

ಇದನ್ನೂ ಓದಿ: ಬಿಗ್​​​ಬಾಸ್​​​ನಲ್ಲಿ ವೋಟಿಂಗ್​ ಫೇಕ್-ರಿಯಲ್​​?; ಮೈಕಲ್ ಶಾಕಿಂಗ್​ ಹೇಳಿಕೆ

ಮನೆಯ ಸ್ಫರ್ಧಿಗಳ ಪೈಕಿ ಸಂಗೀತಾ ಅವಖಾಶವಾದಿಯಾಗಿದ್ದು, ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳುತ್ತಾರೆ. ಇಲ್ಲಾ ಅಂದರೆ ಅವಕಾಶಗಳನ್ನು ಸೃಷ್ಟಿಸುತ್ತಾರೆ. ರಿಯಾಲಿಟಿ ಶೋಗಳಲ್ಲಿ ಇದು ಸಾಮಾನ್ಯವಾಗಿದ್ದು, ಇದನ್ನು ಅವರು ಚೆನ್ನಾಗಿ ಉಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಮೂರನೇ ವಾರದ ಹಳ್ಳಿ ಟಾಸ್ಕ್​ ವೇಳೆ ವಿನಯ್​ ಹಾಗೂ ಕಾರ್ತಿಕ್​ ನಡುವಿನ ಜಗಳದಲ್ಲಿ ಸಂಗೀತಾ ಅವರ ಪಾತ್ರ ಇರಲಿಲ್ಲ ಆದರೂ ಕೂಡ ಅವರು ಮಧ್ಯಪ್ರವೇಶಿಸಿ ಒಳ್ಳೆ ಅವಕಾಶವನ್ನು ಸೃಷ್ಟಿ ಮಾಡಿಕೊಂಡರು.

ಇತ್ತೀಚಿಗೆ ಪ್ರತಾಪ್​ ಆಸ್ಪತ್ರೆಯಿಂದ ಡಿಸ್ಚಾರ್ಜ್​ ಆಗಿ ಮನೆಗೆ ಬಂದ ಬಳಿಕ ಸಂಗೀತಾ ಅವರು ಅವನು ಊಟ ಬಿಟ್ಟು ಆಸ್ಪತ್ರೆ ಸೇರಲು ನಾವೇ ಕಾರಣ ಎಂಬಂತೆ ಬಿಂಬಿಸಿದರು ಇದು ನನಗೆ ಇಷ್ಟವಾಗಲಿಲ್ಲ ಎಂದು ಹೇಳುವ ಮೂಲಕ ಮೈಕಲ್​ ಪ್ರತಿಸ್ಫರ್ಧಿ ವಿರುದ್ದ ಆರೋಪಿಸಿ ಅಸಮಾಧಾನ ಹೊರಹಾಕಿದ್ದಾರೆ.

https://www.vijayavani.net/cm-siddaramaidh-fumes-over-union-government-for-rejecting-karnataka-tableau

https://www.vijayavani.net/vehicle-movement-restricted-in-peenya-flyover-for-four-days