ಮೆಮು ವೈಶಿಷ್ಟ್ಯಗಳು: ಪ್ರತಿ ಸಾಮಾನ್ಯ ಬೋಗಿಗಳಲ್ಲಿ 76 ಆಸನಗಳು ಇದ್ದರೆ, ಮೆಮು ಬೋಗಿಗಳಲ್ಲಿ 100 ಆಸನಗಳು ಇರುತ್ತವೆ. ಒಂದು ರೈಲಿಗೆ 8ರಿಂದ 16ರವರೆಗೆ ಬೋಗಿಗಳನ್ನು ಜೋಡಿಸಬಹುದು. ಸಾಮಾನ್ಯ ರೈಲಿನ ಒಂದು ಕಡೆಗೆ ಮಾತ್ರ ಇಂಜಿನ್ ಇರುತ್ತದೆ. ರೈಲು ಒಂದು ಮಾರ್ಗದಲ್ಲಿ ತೆರಳಿ, ಮತ್ತೆ ಅದೇ ಮಾರ್ಗದಲ್ಲಿ ಹಿಂದಿರುಗಿ ಬರಬೇಕೆಂದರೆ ಮುಂಬದಿ ಇರುವ ಇಂಜಿನ್ ಅನ್ನು ತೆಗೆದು, ಹಿಂಬದಿಗೆ ಜೋಡಿಸಬೇಕಾಗುತ್ತದೆ. ಆದರೆ ಮೆಮು ಬೋಗಿಗಳ ಎರಡೂ ಬದಿ ಇಂಜಿನ್ ಇರುತ್ತದೆ. ಇದಕ್ಕೆ ಡ್ರೖೆವರ್ ಮೋಟರ್ ಕ್ಯಾಬ್ ಎನ್ನುತ್ತಾರೆ. ಇದರಿಂದ ಇಂಜಿನ್ ಬದಲಾಯಿಸುವ ಸಮಯದಲ್ಲಿ ಸಾಕಷ್ಟು ಉಳಿತಾಯವಾಗುತ್ತದೆ. ಮೆಮು ಬೋಗಿಗಳಲ್ಲಿ ಮಲಗುವ ಆಸನಗಳು ಇರುವುದಿಲ್ಲ. ಕೇವಲ ಕುಳಿತುಕೊಂಡು ಪ್ರಯಾಣಿಸಬಹುದು. ಇವುಗಳು ದೂರದ ಸಂಚಾರಕ್ಕೆ ಯೋಗ್ಯವಲ್ಲ. ಹಗಲು ಹೊತ್ತಿನಲ್ಲಿ ಸಣ್ಣ ಹಾಗೂ ಮಧ್ಯಮ ದೂರದ ಪ್ರಯಾಣಕ್ಕಷ್ಟೇ ಯೋಗ್ಯ. ವಿದ್ಯುದ್ದೀಕರಣ ಸೌಲಭ್ಯ ಹೊಂದಿರುವ ಎಲ್ಲ ಮಾರ್ಗಗಳಲ್ಲಿ ರೈಲುಗಳು ಪ್ರತಿ ತಾಸಿಗೆ 100 ಕಿಮೀ ವೇಗದಲ್ಲಿ ಸಂಚರಿಸಲಿವೆ.
