VIDEO| ದೀಪಾವಳಿ ಸಂಭ್ರಮ: 68ರಲ್ಲೂ ಯುವಕನಂತೆ ಕುಣಿದು ಕುಪ್ಪಳಿಸಿದ ಮೆಗಾಸ್ಟಾರ್​ ಚಿರಂಜೀವಿ; ವಿಡಿಯೋ ವೈರಲ್

ಮುಂಬೈ: ಟಾಲಿವುಡ್​ನ ಹಿರಿಯ ನಟ, ಮೆಗಾಸ್ಟಾರ್ ಚಿರಂಜೀವಿ ತಮ್ಮ 68ರ ವಯಸ್ಸಿನಲ್ಲೂ ಚಿರ ಯುವಕನಂತೆ ಶಾರೂಖ್​ ಅಭಿನಯದ 'ಜವಾನ್'​ ಚಿತ್ರದ ಹಾಡಿಗೆ ಡ್ಯಾನ್ಸ್​ ಮಾಡಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡಿದ್ದು, ಅಭಿಮಾನಿಗಳಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿದೆ.

ಇದನ್ನೂ ಓದಿ: VIDEO | ಅಂಗಡಿ ಮುಂದೆ ಪಟಾಕಿ ಸಿಡಿಸಬೇಡ ಎಂದಿದ್ದಕ್ಕೆ ಬಿತ್ತು ಹಿಗ್ಗಾಮುಗ್ಗಾ ಹೊಡೆತ! 

ಇನ್ನೇನು ಕೆಲವೇ ದಿನಗಳಲ್ಲಿ ತಮ್ಮ 156ನೇ ಪ್ರಾಜೆಕ್ಟ್ 'ಮೆಗಾ 156' ಸಿನಿಮಾದ ಶೂಟಿಂಗ್​ ಪ್ರಾರಂಭವಾಗಲಿದ್ದು, ಈ ಚಿತ್ರಕ್ಕೆ ಚಿರಂಜೀವಿ ಸಕಲ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಈ ಮಧ್ಯೆ ದೀಪಾವಳಿ ಹಬ್ಬದ ಹಿನ್ನೆಲೆ ಚಿರಂಜೀವಿ ಪುತ್ರ ರಾಮ್​ಚರಣ್ ನಿವಾಸದಲ್ಲಿ ಹಬ್ಬದ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಈ ವೇಳೆ ಶಾರೂಖ್ ಖಾನ್​ ನಟನೆಯ ಜವಾನ್​ ಸಿನಿಮಾದ ಹಾಡೊಂದಕ್ಕೆ ಜಬರ್ದಸ್ತ್​​ ಆಗಿ ಕುಣಿದಿದ್ದಾರೆ.

ಜವಾನ್ ಹಾಡಿಗೆ ಚಿರು ಕುಣಿದು ಕುಪ್ಪಳಿಸಿದ ದೃಶ್ಯ ಸದ್ಯ ಅವರ ಫ್ಯಾನ್ಸ್​ಗಳನ್ನು ಹುಚ್ಚೆಬ್ಬಿಸುತ್ತಿದೆ. ಈ ವಿಡಿಯೋ ಇದೀಗ ಹೆಚ್ಚಿನ ಸಂಖ್ಯೆಯಲ್ಲಿ ಶೇರ್​ ಆಗುತ್ತಿದ್ದು, ನೆಟ್ಟಿಗರ ಗಮನವನ್ನು ಸೆಳೆಯುತ್ತಿದೆ. ವಿಡಿಯೋದಲ್ಲಿ ಚಿರಂಜೀವಿ ಅವರೊಟ್ಟಿಗೆ ಮೆಗಾಪವರ್ ಸ್ಟಾರ್ ರಾಮ್ ಚರಣ್ ಹಾಗೂ ಗಾಯಕಿ ರಾಜಕುಮಾರಿ ಕೂಡ ಕಾಣಿಸಿಕೊಂಡಿದ್ದಾರೆ,(ಏಜೆನ್ಸೀಸ್).

ಯುವ ಪ್ರತಿಭೆಗಳ ಸಂಗಮ: ಶೀಘ್ರವೇ ’ಬೆಂಬಿಡದ ನಾವಿಕ’ ತೆರೆಗೆ!

https://www.vijayavani.net/bembidadaa-naavika-ready-to-get-released