ದೆಹಲಿ ವಿಧಾನಸಭಾ ಕಲಾಪದಲ್ಲಿ ಗದ್ದಲ: ಬಿಜೆಪಿ ಶಾಸಕ ಅಮಾನತು

ನವದೆಹಲಿ : ದೆಹಲಿ ವಿಧಾನಸಭೆಯ ಮುಂಗಾರು ಅಧಿವೇಶನದ ಮೊದಲ ದಿನವಾದ ಇಂದು ಭಾರೀ ಗದ್ದಲದ ನಡುವೆ ಕಲಾಪ ಆರಂಭವಾಯಿತು. ವಿಪಕ್ಷವಾದ ಬಿಜೆಪಿಯ ಶಾಸಕರು ಮತ್ತು ಆಡಳಿತಾರೂಢ ಆಮ್​ ಆದ್ಮಿ ಪಾರ್ಟಿ(ಎಎಪಿ)ಯ ಶಾಸಕರು ಸದನದ ಬಾವಿಗೆ ಬಂದು ಪರಸ್ಪರ ಘೋಷಣೆಗಳನ್ನು ಕೂಗಿದರು.

ಈ ಸಂದರ್ಭದಲ್ಲಿ ತಂತಮ್ಮ ಸ್ಥಾನಗಳಿಗೆ ತೆರಳಲು ಸ್ಪೀಕರ್​ ರಾಮ್​ ನಿವಾಸ್​ ಗೋಯಲ್​ ಸೂಚಿಸಿದರು. ಆಗ ಸ್ಥಾನಕ್ಕೆ ತೆರಳದೆ ಗದ್ದಲ ಮುಂದುವರೆಸಿದ ಬಿಜೆಪಿಯ ಶಾಸಕರಾದ ವಿಜೇಂದರ್​ ಗುಪ್ತ ಮತ್ತು ಅನಿಲ್​ ಬಾಜಪೇಯಿ ಅವರನ್ನು ಕಲಾಪಕ್ಕೆ ಅಡ್ಡಿಪಡಿಸಿದ ಕಾರಣಕ್ಕೆ ಮಾರ್ಷಲ್​ಗಳೊಂದಿಗೆ ಹೊರಕಳುಹಿಸಲಾಯಿತು ಎನ್ನಲಾಗಿದೆ.

ಇದನ್ನೂ ಓದಿ: ರೌಂಡ್​ ಆಫ್​ 16ನಿಂದ ಹೊರಬಿದ್ದ ಮೇರಿ ಕೋಂ; ಪದಕದ ಆಸೆ ನಿರಾಸೆ

ಈ ಜಿದ್ದಾಜಿದ್ದಿಯಲ್ಲಿ ಎಎಪಿ ಶಾಸಕರ ಮೇಲೆ ಅವಹೇಳನಕಾರಿಯಾಗಿ ಮಾತಾಡಿದಿರಿ ಎಂದು ಬಿಜೆಪಿ ಶಾಸಕ ಓಂ ಪ್ರಕಾಶ್​ ಶರ್ಮಾ ಅವರಿಗೆ ಕ್ಷಮೆ ಕೋರಲು ಸ್ಪೀಕರ್​ ಹೇಳಿದರು. ಇದಕ್ಕೆ ನಿರಾಕರಿಸಿದ ಶರ್ಮ ಅವರನ್ನು ದಿನದ ಮಟ್ಟಿಗೆ ಸದನದಿಂದ ಅಮಾನತುಗೊಳಿಸಲಾಯಿತು ಎಂದು ವರದಿಗಳು ಹೇಳಿವೆ. (ಏಜೆನ್ಸೀಸ್)

https://www.vijayavani.net/australia-to-return-16-crore-rs-worth-art-works-to-india/

https://www.vijayavani.net/governor-gehlot-plants-fruit-trees-in-raj-bhavan/